اقتباس المشاركة الأصلية كتبت بواسطة prof2013 مشاهدة المشاركة
الموضوع ليه ابعاد تانية خالص
اولا القوانين دي اركنيها على جنب لانها مش السبب الحقيقي في الخلافات
لكن السبب الحقيقي هي ثقافة الشعوب العربية بشكل عام ومصر بشكل خاص
سميها زي ما تسميها "ثقافة التعامل مع المرأة مثلا" أو "عادات وتقاليد الزواج في المجتمع العربي" أو أو ......
دالوقتي احنا عندنا كذا مشكلة هنا تتلخص في العناصر الاتية
1-الارتباط الوثيق من البنت لامها جدااا وان كل حاجة تعملها بمشورة امها ( ده مش موجود في الغرب )
2-لخمة البنات وعدم اعتمادهم على نفسهم وبالتالي معندهاش الثقة تاخد قرار بنفسها وبالتالي بتلجأ لغيرها وخاصة امها (غير الغربية اللي بتعتمد على نفسها في كل شيء من سن 16 سنة)
3-تفاخر البنات بين بعضهم البعض وسعي كل بنت تكون افضل من الاخرى حتى لو كانت اختها (منكرش ان فيه مظاهر بردو في الغرب بس انهم ناس عمليين فالمظاهر بتبقى من نوع اخر
واخدة بالك من الفرق بين الاتنين
الاولى بتحب المظاهر في حاجات تافهه زي انه خطيبها جابلها ب 100 الف دهب وهيسكنها في الرحاب وهيجيبلها عربية اللي المفروض اصلا الحاجات دي بتيجي بعدييين لما يتجوزوا ويحصل بينهم حب حقيقي وثقة متناهية بين الطرفين وكفاح مشترك بينهم ولكنها للاسف بتطلب الحاجات دي علشان تكيد زميلاتها وجيرانها بانها وقعت في واحد واو ........
اما التانية بتبقى مظاهر في حاجات عملية وملموسة تفيدها شخصيا مالهاش دعوة بحد زي انه يكون شاب مكافح وناجح ...دماغه شغالة .. طيب .. حنون مش الحاجات دي هتخليها سعيدة ؟ خلاص يبقى أوك وبالتالي هي بتشوف نفسها افضل من زميلاتها في النقط دي اللي قد تبدو تافهه بالنسبة للمصرية
4-تدخل ام البنت في حياتها الشخصية حتى بعد الجواز
5-نظراً لان الشاب مش معاه يجيب لزوجته شقة مستقلة بعيد عن اهله فبيحصل تشاحن بين زوجته وامه على طول + السلايف وزوجات اخو الزوج اللي عايشين في نفس المكان بتحصل بينهم مشاكل كتيرة
6-الظروف الاقتصادية للبلد متساعدش على الزواج وبجانب دا كله بيطلبوا بردو طلبات كتيرة
يتبع ......
طالما بتجبرها على قيمة وبتفرض عليها تبعات للقيمة دي <<< يبقى دا التطور التطبيعي ^^"