ارجو النصح بخصوص تعديل موتور استرا سي 2008

**عمرو شرف الدين** · 09-09-2015 03:02 AM

السلام عليكم و رحمة الله و بركاته

انا ناوي اعمل أب جريد لموتور عربيتي فيكترا سي 2008 من 1600 ايزي ترونك الى 2200 سي سي ستيب ترونك مع دفع الفارق، و عندي بعض الاستفسارات لأني حقيقي محتار

1- اللي هعمله صح و اللا لأ ؟

2- التكلفه هتبقى في حدود كام ؟

3- ايه اللي ضروري يتغير بالاضافه للموتور علشان اداء العربيه يبقى خرافي ؟

4- اسماء و عناوين الورش المتخصصه فالموضوع ده ، بشرط أمانة الصنعه و التكلفه الغير مغالى فيها ؟ ، مع العلم اللي اعرفهم لغاية دلوقتي صابر بتاع شارع الطيران و اسلام بتاع الحرفيين.

5- اراء اللي جربوا الموضوع ده بأمانه ؟

و شكرا لكل رد و نصيحه صادقه

**عمرو شرف الدين** · 09-09-2015 04:28 AM

مش عارف اقول ايه غير اسف لأن أول مشاركه لي كان عنونها غلط
أنا كنت ااقصد النصح بخصوص تعديل موتور الفيكترا سي مش الاسترا
و بعتذر مره تانيه

**Abdo Taha** · 09-09-2015 01:39 PM

اللي هتعمله صح في حالة ان المكنة عندك تعبانة لكن لو مكنتك كويسة بلاش الا لو هتعمل حاجة .. تجيب نص بيعمل في حدود ال 20والف تقريبا ... تاخد منه اللي انت عايزه و تبيع الباقي و تبيع موتورك و فتيسك القديم لو الموضوع ده تم مظبوط و بدماغ .. هتلاقي نفسك اكنك مدفعتش حاجة او يمكن كسبت فيه تمام ...

**ashourashour** · 10-09-2015 01:10 PM

المشاركة الأصلية كتبت بواسطة عمرو شرف الدين

أولا شكرا على الرد
بالنسبه للموتور اللي معايا عامل 165 الف كيلو ابتدى يكل زيت و طبعا الفيتيس بيرزع (العيب الاصلي ففتيس الفيكترا سي).
لو حبيت اجيب نص كامل ، فعلا تمنه 20000 الف بس، و لو جبته ، أجيبه منين مضمون و جاي من اليابان ، و اذاي اتأكد من حالته، و مين اللي بيركبه كويس و أمين ؟، و لو حبيت ابيع القديم مين بيشتري و غالبا بكام ؟
بالمناسبه ... صابر بتاع الطيران قالي الموضوع هيدخل ف 25 الف بالمصنعيات بس موتور و فتيس و كبالن و و المبلغ ده طبعا بالاضافه انه يخد الموتور القديم و الفتيس، يا ترى ايه رأيك، و شكرا لردك مره تانيه

مياخد عربيتك ويكرمشلك 5 جنيه في ايدك احسن

**Abdo Taha** · 10-09-2015 03:35 PM

المشاركة الأصلية كتبت بواسطة عمرو شرف الدين

أولا شكرا على الرد
بالنسبه للموتور اللي معايا عامل 165 الف كيلو ابتدى يكل زيت و طبعا الفيتيس بيرزع (العيب الاصلي ففتيس الفيكترا سي).
لو حبيت اجيب نص كامل ، فعلا تمنه 20000 الف بس، و لو جبته ، أجيبه منين مضمون و جاي من اليابان ، و اذاي اتأكد من حالته، و مين اللي بيركبه كويس و أمين ؟، و لو حبيت ابيع القديم مين بيشتري و غالبا بكام ؟
بالمناسبه ... صابر بتاع الطيران قالي الموضوع هيدخل ف 25 الف بالمصنعيات بس موتور و فتيس و كبالن و و المبلغ ده طبعا بالاضافه انه يخد الموتور القديم و الفتيس، يا ترى ايه رأيك، و شكرا لردك مره تانيه

هياخد موتورك و فتيسك و يسقطلك مكنة و فتيس و كبال بس ب 25 الف؟؟ ... ده عايز يسرقك رسمي رسمي يعني ...

يا باشا انا بقلك نص كامل و 20 الف ... يعني لو بعت حاجتك و اللي باقي من النص فوانيس و دركسيون و اكصدام بحاجته هتلاقيه وقف عليك بمبلغ بسيط جداً ... اليابان قليل جدا جدا و في بأنجلترا ... هات من حد محترم يجبلك حاجة عاملة كيلو متر كويس لأن ناس كتيير بتبيع مواتير هلكانة و عاملة كيلومتر عالي و يمكن متعمرة كمان

**ahmedsepak** · 10-09-2015 09:24 PM

انا قدامي واحده فئة اولي 2200 سي سي اوتوماتيك فابريكة بالكامل بس مفيهاش فرش جلد ق ايه رأيكو و ايه نظام استهلاك البنزين و قطع الغيار
والماتور ده اللي شغالين فيه كتير ولا هدوخ و شكرا ليكم يا خبرائنا

**عمرو شرف الدين** · 12-09-2015 01:09 AM

المشاركة الأصلية كتبت بواسطة عمرو شرف الدين

دلني على الحد المحترم ده أجيب منه النص الكامل و أمشي فالمضمون
لو معاك تليفون أو عنوان أكون شاكر

عزيزي و استاذنا أبو طه

في إنتظار ردك على أحر من الجمر.

**Abdo Taha** · 12-09-2015 08:09 PM

المشاركة الأصلية كتبت بواسطة عمرو شرف الدين

عزيزي و استاذنا أبو طه

في إنتظار ردك على أحر من الجمر.

بعت لحضرتك على الخاص

الموضوع: ارجو النصح بخصوص تعديل موتور استرا سي 2008

LinkBack

أدوات الموضوع

عرض

-

-

-

-

-

المواضيع المتشابهه

ارجو المساعده عاوز تعديل موتور 124

ارجو المساعده موتور استرا 1200

ارجو الافادة في تعديل موتور الشاهين

ارجو النصح و المساعدة

ارجو النصح والمشورى

الكلمات الدلالية لهذا الموضوع

المفضلات

المفضلات

ضوابط المشاركة