سعر الدولار المتوقع علي ديسمبر 2015 و يناير 2016

**Dreamer_Man** · 11-09-2015 12:01 PM

المشاركة الأصلية كتبت بواسطة basyouny

أولا:
هل سيادتك واثق ان الدولة بتوفر الدولار لمستوردي فوانيس رمضان وأكل الكلاب والحاجات الاستهلاكية الكتير؟
ثانيا:
أنا ماقلتش ان تخفيض العملة غلط أو صح ، انا بقول ان تأثيره يختلف باختلاف حالة الدولة ، فلماذا تضع الكلمات في فمي ثم ترد عليها؟

عاوز تعرف الصح يبقى سيادتك تروح تسأل بتوع الاقتصاد طالما سيادتك مش عاجبك الكلام ، وأنصحك تسال عن الفرق بين السياسة النقدية و السياسة الاقتصادية ، ومكونات كل منها

ثالثا:
دي مش نظريتي بالمناسبة ، دي حاجة بيقولوا عليها علم الاقتصاد ، ولا أعتقد ان سيادتك سمعت عنها قبل كده ، ياريت قبل ما تهاجم تروح تثقف نفسك شوية عشان تتكلم في حاجات أكبر من قدراتك العقلية (عرفتك طبعا)

سلام يا معلم

لا واضح ان متعلم جيدا واسلوبك يدل علي مستواك العلمي والادبي
لك الله يا مصر اذا كانت هذه اخلاق المتعلمين

**رحالة** · 11-09-2015 12:16 PM

عايزين حد دبلوم تجارة يوضحلنا الموضوع

**ahmed_eng2001** · 11-09-2015 08:15 PM

المشاركة الأصلية كتبت بواسطة Basyouny

أولا:
هل سيادتك واثق ان الدولة بتوفر الدولار لمستوردي فوانيس رمضان وأكل الكلاب والحاجات الاستهلاكية الكتير؟
ثانيا:
أنا ماقلتش ان تخفيض العملة غلط أو صح ، انا بقول ان تأثيره يختلف باختلاف حالة الدولة ، فلماذا تضع الكلمات في فمي ثم ترد عليها؟

عاوز تعرف الصح يبقى سيادتك تروح تسأل بتوع الاقتصاد طالما سيادتك مش عاجبك الكلام ، وأنصحك تسال عن الفرق بين السياسة النقدية و السياسة الاقتصادية ، ومكونات كل منها

ثالثا:
دي مش نظريتي بالمناسبة ، دي حاجة بيقولوا عليها علم الاقتصاد ، ولا أعتقد ان سيادتك سمعت عنها قبل كده ، ياريت قبل ما تهاجم تروح تثقف نفسك شوية عشان تتكلم في حاجات أكبر من قدراتك العقلية (عرفتك طبعا)

سلام يا معلم

طريقة حضرتك حادة جدا فى الرد و لا تخلو من نبرة استهزاء ....

انا كنت داخل اؤكد كلامك و ارد على الاستاذ Dreamer_Man ... و لكنى الان حوجه نظر حضرتك الى الرد القاسى الى رديته

الاستاذ Dreamer_Man مغلطش ... الراجل ليه وجهة نظر و تحترم ... بالرغم من اختلافى معاه

حضرتك حولت الموضوع من الكلام عن الاقتصاد و محاولتى الاستفادة من خبرات الاخرين الى شبه شجار .. و الموضوع كدة لن يلاقى استحسان

اتمنى من حضرتك حسن الظن بالغير

**dede_dodo88** · 12-09-2015 01:07 AM

المشاركة الأصلية كتبت بواسطة Basyouny

واذا كانت الواردات اكبر من الصادرات يؤدي تخفيض العملة للتضخم اي زيادة الاسعار وهروب المستثمرين لارتفاع تكلفة مستلزمات الانتاج

Technically, عكس الكلام ده هو الصح و يمكن هو الدافع الفعلي لتخفيض سعر الجنيه..
الحركة اللي عملتها الصين بتخفيض عملتها عملت ضغط كبير على كل الاقتصادات الصاعدة, و اللي منهم مصر, بتخفيض عملاتهم بالتبعية لتحسين فرصم في مجاراة الصين في سوق التجارة و عدم الخروج من المنافسة..
على الرغم ان حجم صادرات مصر حوالي تلت حجم وارداتها, لكن مازال ليها سوقها في التصدير اللي بيجيب دخل بالعملة الاجنبية..
على ناحية تانية, لما عملة البلد تبقى ارخص ده عامل كويس لتنشيط قطاع السياحة و حافز مهم لدخول المزيد من الاستثمار الاجنبي اللي تكلفة راس المال بالنسباله هتكون قليلة..
و ده بالاضافة طبعاً لانخفاض احتياطي النقد الاجنبي و تحكم البنك المركزي في سعر العملة, فالقرار ده لمصر بقى ضرورة حتمية..
صحيح الموضوع ممكن يتبعه شوية تضخم, بس هو الحقيقة التضخم كده كده هيحصل و طبيعي انه يحصل حتى لو كان الاقتصاد ماشي بشكل صحي..

**ahmed_eng2001** · 12-09-2015 01:52 AM

المشاركة الأصلية كتبت بواسطة dede_dodo88

technically, عكس الكلام ده هو الصح و يمكن هو الدافع الفعلي لتخفيض سعر الجنيه..
الحركة اللي عملتها الصين بتخفيض عملتها عملت ضغط كبير على كل الاقتصادات الصاعدة, و اللي منهم مصر, بتخفيض عملاتهم بالتبعية لتحسين فرصم في مجاراة الصين في سوق التجارة و عدم الخروج من المنافسة..
على الرغم ان حجم صادرات مصر حوالي تلت حجم وارداتها, لكن مازال ليها سوقها في التصدير اللي بيجيب دخل بالعملة الاجنبية..
على ناحية تانية, لما عملة البلد تبقى ارخص ده عامل كويس لتنشيط قطاع السياحة و حافز مهم لدخول المزيد من الاستثمار الاجنبي اللي تكلفة راس المال بالنسباله هتكون قليلة..
و ده بالاضافة طبعاً لانخفاض احتياطي النقد الاجنبي و تحكم البنك المركزي في سعر العملة, فالقرار ده لمصر بقى ضرورة حتمية..
صحيح الموضوع ممكن يتبعه شوية تضخم, بس هو الحقيقة التضخم كده كده هيحصل و طبيعي انه يحصل حتى لو كان الاقتصاد ماشي بشكل صحي..

اختلف مع حضرتك فى عدة نقاط ...

اختلافى زى ما وضحت مع الاستاذ كريم علاء فى التعريف نفسه .... تخفيض قيمة الجنيه ..... الى بيخفض حاجة او يرفعها ... بيعمل شوية اجراءات و قرارات و شغل مش قليل علشان يحقق الخفض او الزيادة ...

الحكومة ما عملتش اى حاجة .. اكتر من انها قللت الرقابة المفروضة على الدولار ... الى فى الاصل سعره مرتفع عن القيمة الى البنك فارضها و بيتعامل بيها ....
و مع ذلك ... مفيش مشكلة .... البنك خفض قيمة الجنيه

الصين عملت حركة ضغط على الدول الصاعدة اقتصاديا بالفعل .... بس مصر مش من بينهم !!! الكلام ده لما يكون عندنا صناعة و بنبدأ ننافس و نصدر و يكون لينا انظمة جودة و نتبع مقاييس عالمية فى جودة المنتج !!! و الكلام ده مش موجود حاليا ....

و لا اعتقد ان حجم الصادرات ثلث حجم الواردات على الاطلاق

و لو حضرتك تعرف سلع مصر بتصدرها ياريت حضرتك توضحها ... ( غير المنتجات الزراعية ) علشان ادور عليها و اشتريها من مصر نفسها

اتفق معاك جزئيا على نقطة انخفاض العملة حينشط السياحة
دخول رأس المال الاجنبى .... دى فيها كلام كتير .... و انا مش متفق مع حضرتك فيها

التضخم ..!!! من اسوأ الحاجات التى بتحصل فى بلدنا من سنين .... و حيزيد .. و تتبعه زيادة الاسعار .. و الخدمات تقل .. و المرتبات لا تزيد بنفس زيادة الاسعار

متابع معاك

**Basyouny** · 12-09-2015 02:06 AM

الفكرة ببساطة ان الدولار يعتبر سلعة مثل اي سلعة تخضع لقانون العرض والطلب
إذا زاد الطلب عن العرض لابد أن يرتفع سعره ، فإذا زادت الواردات عن الصادرات زاد الطلب عن المعروض

تخفيض سعر العملة المحلية قد يكون سياسة مقصودة لتشجيع الصادرات (سلعية وخدمية) لكنها بالتأكيد لا تصلح وحدها في تحقيق النمو الاقتصادي ولابد أن تصاحبها إجراءات أخرى لا يتسع المجال لذكرها

**Colin Chapman** · 16-09-2015 08:11 PM

المشاركة الأصلية كتبت بواسطة Basyouny

هو فيه حركة حلوة عملتها ايران اثناء الحرب مع العراق
طبعت اكثر من 30 مليار دولار بنكنوت اصلي فئة 100 دولار ، مما اضطر امريكا في ذلك الوقت الي اجراء تغييرات في علامات التأمين الخاصة بالدولار ، وطبعا ايران خرجت من الحرب بدون اي ديون خارجية ، في حين خرجت العراق مديونة لطوب الارض برغم المساعدات الغزيرة من دول الخليج.

**Colin Chapman** · 16-09-2015 08:14 PM

المشاركة الأصلية كتبت بواسطة رحالة

عايزين حد دبلوم تجارة يوضحلنا الموضوع

**sha2e** · 17-09-2015 12:45 AM

المشاركة الأصلية كتبت بواسطة dede_dodo88

الحركة اللي عملتها الصين بتخفيض عملتها عملت ضغط كبير على كل الاقتصادات الصاعدة, و اللي منهم مصر, بتخفيض عملاتهم بالتبعية لتحسين فرصم في مجاراة الصين في سوق التجارة و عدم الخروج من المنافسة..

لو حسبناها عمليا هنلاقي انه مع استمرار هبوط العملة المستثمر بيأجل دخوله لحين الوصول الي اقصى هبوط
مثال بسيط : لو حضرتك عايز تشتري عربيه ولاقتها بتنزل كل شهر الفين جنيه هتشتريها ولا هتصبر لحد ما قيمتها تهبط كمان وكمان وتشتريها ؟
طيب لو لاقيتها بتزيد كل شهر الف جنيه هتتأنى ولا هتلحق تشتريها قبل ما تغلى أكتر ؟
وده اللى حصل فعلا ايام عاطف صدقي لما بدأ يعوم الجنيه الاستثمارات قلت للانتظار المستثمر الوصول لاقصي هبوط للحصول على أكبر قيمه لاستثماراته

المشاركة الأصلية كتبت بواسطة dede_dodo88

على الرغم ان حجم صادرات مصر حوالي تلت حجم وارداتها, لكن مازال ليها سوقها في التصدير اللي بيجيب دخل بالعملة الاجنبية..

طيب ده معناه ان لو الدوله دعمت الجنيه مثلا بمليار تبقى كسبت اتنين او تلاته مليار قيمة فرق العملة لاننا نستورد ضعفين قيمة تصديرنا بالاضافه الي الديون الخارجيه وفوائدها بالدولار
احسب احنا بنستورد بكام مليار دولار وبنسدد ديون وخدمات ديون بكام مليار دولار وشوف لو الدولار نقص جنيه ( من 8 ال 7 مثلا) شوف هنبقى وفرنا كام مليار

المشاركة الأصلية كتبت بواسطة dede_dodo88

على ناحية تانية, لما عملة البلد تبقى ارخص ده عامل كويس لتنشيط قطاع السياحة

مش هتفرق اي حاجه للسائح
الفنادق : بتكون ديما مرتبطه الليله بالدولار مش بالجنيه حتى لو كان التعامل بالجنيه
المصاريف الشخصية للسائح : بارتفاع الدولار وهبوط الجنيه هيحصل تضخم
يعني التاكسي اللى كان بيركبه ب 10 جنيه هيركبه ب 15 والتمثال اللى كان 100 هيبقى ب 150 نتيجة للتضخم وبالتالي مش هيكون في اى اختلاف فعلى للسائح

طبعا دي كلها أراء ممكن تصيب وتخطئ
ومش معنى انى متفق مع التوجه السياسي وتم اتخاذ قرار معين انا شايف انه ممكن يبقى فيه ضرر ولو بسيط انى منتقدش القرار بالعكس
الغريب ان المعارضين شايفين تخفيض الجنيه ضياع لاقتصاد البلد وضياع للبلد بأكملها وهم نفسهم كانوا بيقولوا انه ضروره ولازم يهبط لما كان السلطه والاداره السياسيه مختلفه
معرفش ده يتقال عليه ايه بصراحة

**ahmed_eng2001** · 17-09-2015 01:25 AM

المشاركة الأصلية كتبت بواسطة sha2e

لو حسبناها عمليا هنلاقي انه مع استمرار هبوط العملة المستثمر بيأجل دخوله لحين الوصول الي اقصى هبوط
مثال بسيط : لو حضرتك عايز تشتري عربيه ولاقتها بتنزل كل شهر الفين جنيه هتشتريها ولا هتصبر لحد ما قيمتها تهبط كمان وكمان وتشتريها ؟
طيب لو لاقيتها بتزيد كل شهر الف جنيه هتتأنى ولا هتلحق تشتريها قبل ما تغلى أكتر ؟
وده اللى حصل فعلا ايام عاطف صدقي لما بدأ يعوم الجنيه الاستثمارات قلت للانتظار المستثمر الوصول لاقصي هبوط للحصول على أكبر قيمه لاستثماراته

طيب ده معناه ان لو الدوله دعمت الجنيه مثلا بمليار تبقى كسبت اتنين او تلاته مليار قيمة فرق العملة لاننا نستورد ضعفين قيمة تصديرنا بالاضافه الي الديون الخارجيه وفوائدها بالدولار
احسب احنا بنستورد بكام مليار دولار وبنسدد ديون وخدمات ديون بكام مليار دولار وشوف لو الدولار نقص جنيه ( من 8 ال 7 مثلا) شوف هنبقى وفرنا كام مليار

مش هتفرق اي حاجه للسائح
الفنادق : بتكون ديما مرتبطه الليله بالدولار مش بالجنيه حتى لو كان التعامل بالجنيه
المصاريف الشخصية للسائح : بارتفاع الدولار وهبوط الجنيه هيحصل تضخم
يعني التاكسي اللى كان بيركبه ب 10 جنيه هيركبه ب 15 والتمثال اللى كان 100 هيبقى ب 150 نتيجة للتضخم وبالتالي مش هيكون في اى اختلاف فعلى للسائح

طبعا دي كلها أراء ممكن تصيب وتخطئ
ومش معنى انى متفق مع التوجه السياسي وتم اتخاذ قرار معين انا شايف انه ممكن يبقى فيه ضرر ولو بسيط انى منتقدش القرار بالعكس
الغريب ان المعارضين شايفين تخفيض الجنيه ضياع لاقتصاد البلد وضياع للبلد بأكملها وهم نفسهم كانوا بيقولوا انه ضروره ولازم يهبط لما كان السلطه والاداره السياسيه مختلفه
معرفش ده يتقال عليه ايه بصراحة

متفق مع حضرتك فى اغلب ما ذكرت ... و لكنى احب اضيف شوية نقاط صغيرة ....

المثال الى حضرتك ذكرته عن انتظار المستثمر حتى حدوث اكبر انخفاض صحيح فى حالة المستثمر الجديد .... انما المستثمر الموجود بالفعل فى السوق و عليه التزامات و مادة خام و توريدات لازم يوردها فى ميعادها .... مش حيقدر يستنى كتير .... هو بيحاول ينتظر اطول فترة ممكنة يقدر عليها ... بس مش حيقدر ينتظر براحته حتى استقرار الاسعار .....

ادى حضرتك مثال لكلامى .... انا معايا دولار و عاوز اغيره لجنيه .. و الجنيه كل يوم بينزل .... بس بيتى مفيهوش فلوس ... و مش معايا فلوس مصرى خالص ... حروح اغير دولار بسعر السوق الحالى علشان انا مش قادر استنى اكتر من كدة

متفق معاك تماما بالنسبة للسياحة

و علشان الموضوع ميقلبش سياسة ..... المشكلة ان التوجه لا يكون سياسى فقط .... التوجات بتختلف فى طريقة التفكير و المعالجة ... فى الاسس و المبادئ .... و اضف لهذا ... نتيجة عدم وجود ثقافة الاختلاف ... فكل الى انت عملته ... لما انا اجى.... ارفضه ... و اشوهه ... ممكن يكون نفس الى انا بفكر فيه و يكون قرارك هو الصح ... بس انا برفضه علشان مختلف معاك

نتيجة ده ... اغلبية المعارضة ... بتكون معارضة على طول الخط ... و اغلبية المؤيدة ... بتكون مؤيدة على طول الخط

دار نقاش بينى و بين احد اقاربى .... و نحن مختلفان على طول الخط .... و اتفقنا على 3 نقاط فى الحكم على الاقتصاد .... و منها ... الحكم على السياسة ... و منها الحكم على الحالة الاجتماعية كمان ....

1- زيادة او انخفاض الاسعار
2- الخدمات .. بتتحسن و لا تسوء
3- سعر الدولار مقابل الجنيه

مع العلم .. اننا نعمل فى القطاع الخاص .... فى مجالين مختلفين تماما

و بالطبع زى ما حضرتك ذكرت ..... رأيى يحتمل الخطأ و الصواب ....
متابع معاك