الاستفسار عن لادا جرانتا اوتوماتيك لأنى بفكر فيها مع اللوجان والصنى .. ما لها وما عليها ؟؟
عرض للطباعة
الاستفسار عن لادا جرانتا اوتوماتيك لأنى بفكر فيها مع اللوجان والصنى .. ما لها وما عليها ؟؟
صوت موتور عالى
بتسخن جدا
صوت طقطقة فى العفشة
الفتيس الأتو بفصل لوحده
خامات الطابلوة فقيرة جدا وذات جودة رديئة
عصاية فرامل اليد من الأريعينات
توكيل زفت
لو بتقارنها مع صنى و لوجان
تبقى جرانتا احسن الوحشين ... يكفى ان طقم التيل الروسي الاصل قدام و ورا الاثنين ب 200 جنيه تقريبا و قطع غيارها روسي رخيصة
عكس الصنى اللى فراملها بها عيوب و طقم التيل بتاعها قدام و ورا بيدخل على 1300 الاصلي
فانوس الصني باكتر من 1600 الجرانتا ب 450 روسي
هى مش بتسخن لكن درجة حرارة المكنة اعلى من الطبيعي اللى متعودين عليه اقل درجة بتكون 86 و بتعدي ال 100 فى الزحمة بدون ان تعطل
صوت الموتور العالى فى المانيوال مش ال AMT علشان عزل الحوض وحش فى المانيوال
العفشة احلى حاجة فى العربية و البعض اشتكى من اصوات و اعتقد بطبع و عفشتها بتديها ثبات حلو
مشكلة الفتيس انه مش اوتوماتيك اصلا .... و الجهل بطريقة عل الفتيس حتخلى ناس كتير تدمر عربياتهم
الفتيس مانيوال طبيعيى جدا و لكن بدون دبرياج من تصميم شركة المانية اسمها زد اف و لادا اول شركة تستخدمه و من بعدها جريت هيونداى و تاتا و ماروتى علشان تستخدم تكنولوجيا ال AMT (automated manual transmision)
خبراء صناعة السيارات بيتوقعوا انخفاض اعداد السيارات اللى فيها المانيوال ابو دبرياج فى خلال 15 عام بنسبة 30%
و حيكون بديل المانيوال
مميزات ال amt :
1-نفس اداء المانيوال ابو دبرياج
2- بيدي افضل اداء و اعلى عزم مع راحة الاوتوماتيك
3- بيقلل استهلاك الوقود
4-بيقلل انبعاثات الكربون
تكيفها تلاجة
من افضل العربيات 1600 فى استهلاك الوقود عكس اللوجان استهلاكها عالى و الصنى بلاعة بنزين (الاسوء فى فءتها )
عزم المانيوال 148 ن م و ال amt 140 و دى ارقام ممتازة جدا احسن من عربيات كتير فى فءتها
شنطة كبيرة جدا اكبر من لوجان
نازلة مصفحة تحت الفتيس و المكنة
فرامل ممتازة و حاضرة من كلام ملاكها
توكيل زفت ايوة
خامات رخيصة جدا بما فيها جلد الابواب و الدهان و اغلب الانتريور
خامات رخيصة فى الروسي مش زى الصيني ... خامات رخيثة روسي بس عمرها اكيد طويل عكس الصيني ممكن تلاقيها مبهرة للعين لكن عمرها قصير .
البور كهربا سهل يعطل لو اكلت مطب و ثمنه باكتر من 1500 جنيه و هو نفس المستخدم فى سيارات كوري .
لكن كماليات ممتازة و قطع غيار رخيصة جدا و اقتصادية و عملية و صاج محمل و نضيف
سعرها كام واوبشنز اية
خلاص بلاس ترد علي السوال دة انا قريت كل حاجة عنها في موضوع تاني بالنسبة للفتيس شغله ازاي يعني بنقل من غير دبرياج ولا هو اللي بينقل
الفتيس مش اختراع جديد ولا حاجة
هو نفس الايزيترونيك اللي موجود في اوبل و فيات
و كل المطلوب ان الناس تفهم انه مش هايدروماتيك
موفر بنزين مافيش ضياع عزم سهل التصليح
لكن في نفس الوقت مابين ال 50 الف كم و 100 الف كم حتحتاج تغير ديسك
و ما بتسخنش ولا حاجة..العداد الديجيتال خلي اللي ما بيهموش فالعربيات فاكرين ان لما العربية تكتب 100 درجة انها بتغلي.. لا حضرتك. . العربية اللي عدادها مؤشر بيبقي برضه بيوصل 100 عادي و 102 المروحة بتشتغل
خلي بالك لو حتقارتها باللوجان..يبقي تقارنها بالتوب لاين اللي ب 115000
الاوبشنز حلوة و كويسة جدا
لكن السعر كله مبالغات و توكيل بيستهبل
نزلت ب92 رغم ان الامل وعدت انها حتنزل اعلى فئة ب 75 و بعدها بشهر خلوها 95 بدون اى اسباب و المعارض الحقيرة بتلمها و تركنها و تسقعها و بتزود فى اسعارها
و الكلام دا على الاستيراد اللى جاى من روسيا
و الامل حتنزل اخر السنة 1500 سيارة مجمعة محليا و المفروض تكون اخرص بكتير من الاستيراد
المفروض المانيوال تجميع محلى متعديش 60 و ال amt متعديش 75
بس فشل الامل حيفشل العربية جدا