انا كنت في السفارة الايرلندية وسألوني عندك جنسيات تانية او سبق وكان عندك وقلتلهم ايوه
وطلبو مني موافقة على سفري من مصر
انا دلوقتي اجبلهم الموافقة دي ازاي
عرض للطباعة
انا كنت في السفارة الايرلندية وسألوني عندك جنسيات تانية او سبق وكان عندك وقلتلهم ايوه
وطلبو مني موافقة على سفري من مصر
انا دلوقتي اجبلهم الموافقة دي ازاي
اخطأتي عندما ذكرتي ان لكي جنسية اخرى
كده لازم ترجعي مصر لاخذ الموافقة من مصر
هي ورطة بالتأكيد ، حاولي تشوفي واسطة لاقناعهم ان جنسيتك سعودية فقط
موافقة لايه ؟؟ , هو كل ما ولحد يسافر يجيب موافقه من بلده ؟؟ .الايرش دماغهم عجيبه وبيتلككو .عموما طلعي الورقه من السفاره.
قبل الرد بخصوص الموافقة
إزاي لسه عندك الجواز المصري ؟
مش المفروض بياخدوه منك قبل ما تتجنسي ؟
ياريت شرح اكتر... في السفارة الايرلندية في اي دولة
اخدوه
بس حصلت لخبطة عجيبة هههه
كان باسبوري المصري القديم منتهي فوديته اجدده فقالولي لازم تعملي جديد دا خلاص ملوش تجديد
قلتلهم ماشي اعملوا الجديد
وصل الجديد وادوني الجديد والقديم عشان انقل بيانات بس الجديد مجدد سنة وحدة بس عشان شهادة الميلاد عايزينها كمبيوتر و معنديش رقم قومي ولا بطاقة
فطلبت تمديد كمان سنة ووديتلهم الجديد بس
اخد وقت ونسيت الموضوع تماما فموظف في الاحوال كلمني وطلب اني اروح ومعايا الجواز والاقامة
واخدهم مني وقالي وقعي على تعهد ان معندكيش اي اوراق رسمية تخص مصر وقعت
خرم الجواز وقص الاقامة واداني ورقة اطلع بيها هوية
فطلعت هوية وجواز وسافرت
رجعت راح مندوب السفارة اتصل قالي البسبور مجدد من زمان تعالي استلميه
قلتله استلم ايه ؟ الراجل كان متعصب معرفش ايه السبب قالي عندنا تكدس تعالي استلميه
روحت وكان زحمة معرفتش اتكلم مع حد لاني كنت خايفة يكون اتلغى في فترة وجوده عند الموظف دا
اخدته ومشيت بس ماستخدمتوش خالص
ودلوقتي عندي جوازين معرفش المصري ملغي ولا لا وامتى استخدمه
عملتي نقل بيانات ؟
عمومًا
هوا مش ملغي ولا حاجة ..
بس لو ظهر للسلطات في السعودية هتبقي في مشكلة ..
بس إيه صيغة الخطاب إنتِ طلبتيها ولا هما هيعملوها من عندهم ؟
^
^
^
^
مش عارفه الصيغه
يوم الاحد هروح للمكتب وافهم التفاصيل
هو قالي هاتي صورة الجواز يوم الاحد وهيطلب موافقة مافهمتش المطلوب بالظبط
اتصلت يوم الجمعة ومفيش دوام كنت بس عايزة اتاكد انهم ممكن يعملوا موافقة للسفر قالي فيه دول بتطلبها
^
^
^
معرفش ليه معتبرها غريبة مافكرتش في الحكايه الحقيقة ولا لحظه
شكرا على كل حال
تجديد من باسبور قديم لجديد... الحل في السفارة المصرية... وحتي الموافقة علي السفر من مصر بدون سبب منع بردو في السفارة
الطلبة بدأوا يسافروا خلاص انا عايزة حل
الموافقة من هنا طلعت في ظرف ساعة وانا اهو مش عارفة اخد الموافقة من سفارة مصر بقالي كام يوم
كلمي القنصلية بالرياض علي صفحة الفيسبوك اشرحيلهم اللي حصل معاكي وهم هيعرفو انت محتاجة ايه وهيردو بسرعة عليكي
الموافقات في السفارة بتاخد وقت بسيط اعتقد ساعة برضو وبتطلع اذا كانت هي اللي انا اقصدها
كلمت القنصل نفسه ..
قالي إن المخاطبات مع السفارات التانية بتبقى بناءً على طلب مكتوب ( منهم )
يردوا هما عليه بالموافقة
وطبعًا مش هتروحي الرياض تطلبيه
فيه مكتب في الدمام هتبعتيله التالي وهوا هيجيبلك الفيزا
جوازاتك ( السعودي والمصري )
تطبعي الـ ( Visa Application Form ) بعد تعبئة بياناتك من موقع السفارة
https://www.visas.inis.gov.ie/avats/Default.htm
3 صور شخصية
صورة من حجز الفندق ( لازم يبقى تاريخ حجز الفندق والتذكرة متطابق )
صورة من خطاب وزارة التربية والتعليم
اسم المكتب ( AL FIFA EMBASSY SERVICE )
عنوانه المكتب في الدمام قولي للسواق
في برج الجفالي موازي لبرج البسام يسأل عن مكتب الفيفا
يسلمه الملف وهيخلص الموضوع كله
أكيد معظم الطلبات دي جاهزة طالما رحتي للسفارة
يفضل تروحي بنفسك لإن الجوازت ماينفعش تبقى مع السواق
عملتي إيه في الرخصة ؟
سارية 12 شهر مش 3
والموضوع مش بالسهولةاللي متخيلها
الحصول على الايرلندية مش سهل دا فيه حجز قبل ماتتعلم 3 شهور و عشان اتعلم حد يقعد جنبك مدرب مش عارفة كام شهر خلال المده دي مش مسموح بالقيادة
عشان كدا كنت بفكر اعمل رخصة في البحرين بشكل مؤقت لحد ما اعمل الايرلندية اكون بسوق في الوقت دا
مجربتش تركب تاكسي وتكون بتفكر طول الطريق لو حاول يخطفك هتتصرف ازاي هههه
إنتِ غاوية وجع قلب .. قلنالك حل مريح قلتي مش ناقصة هم
واللي إنتِ فيه دا مش هم أكبر بكتير ؟
و مش هتعجبك آيرلندا .. والمشاركة دي للزمن ..
هتقولي هروح بلد تانية فيها شوية شمس والبلد اللي فيها شوية الشمس مش هتعجبك
وهتفضلي طايرة من بلد لبلد وهترجعي في النهاية تفهمي إنك محتاجة استقرار وسط أسرة وأبناء
بس بعد ماتضيعي كام سنة هتفهمي كدا ؟
في النهاية دي حياتك ..
نرجع لموضوعنا .. التكاسي مش إنتِ بس مش بتحسي فيها بالأمان .. أي راكب كدا
ولكن دا في .. مصر .. السعودية .. أمريكا .. والدول المتخلفة أو فيها نسبة فقر وإجرام عالية
مش ايرلندا .. كان والدي بيتعالج في بريطانيا و روحنا ايرلندا 10 أيام ..
البلد فيها شركات تكاسي خاصة بالسيدات اللي بتسوق سيدة والراكبة سيدة
ومش غالية في حدود 10 يورو ( دا من 2010 معرفش نظامها دلوقتي )
وكل الطلبات ممكن تطلبيها من النت .. فمفيش مشاوير كتير
بصي
الأمان في الدول دي يعتمد بنسبة كبيرة على الشخص نفسه
السعوديين والكويتيين بيروحوا يتفشخروا بعربيات غالية
قلة خبرة .. قلة معرفة .. على اسلوب تربية .. وهما كدا أساسًا في بلدهم ..
طبيعي هتحصلهم مشاكل من المواطنين .. لإنهم مستفزين للناس
الآيرش في النهاية مش أغنياء .. ولكن شعب بيحترم المحترم .. وفيه الخير وفيه الشر
فإنتِ لما تروحي .. بلاش عربية جديدة وغالية .. هاتي مستعملة استعمال نظيف موديل 2012 - 2013
عشان ماتبقاش العين عليكِ ..
البنات والشباب اللي في سنك هناك بيروحوا لبريطانيا وأمريكا وهجرة داخلية
عشان مش لاقيين وظيفة في بلدهم وحالتهم مش ميسورة
لا هيقدر يشتري عربية ولا هيقدر على مصاريفها حتى لو جتله هدية
عيشي زي ما الناس عايشة .. لو عايزة الأمان في الدولة دي
لو محتاجة الرخصة ضروري قبل ماتروحي .. أخري السفر شوية وإعمليها
لو كان على الرقم السكني فموجود ماتشتغليش نفسك بموضوع الإيجار
لو تحبي هبعتلك تليفون وحدة ثقة مقيمة في البحرين من فترة طويلة تخلصلك الموضوع دا
سارية ١٢ من جهة الاصدار
بس كل دولة و نظامها في مدة قبولها
امريكا اخرك ٣ شهور
الامارات لو معاكي اقامة و لا يوم واحد بالدولي ... للزوار فقط
استراليا الرخصة الاجنبي سارية الى ما لا نهاية لحاملي الاقامات المؤقتة بس سارية ٣ شهور بس لحاملي الدائمة باستثناء ولاية واحدة سارية ٦
ماعرفش ايرلندا ايه الوضع بس لازم تسالي
مش خلاص ؟
وابناء ايه ههه عندي بنتي مالية عيني و واكله وقتي وقلبي وعقلي الحمدلله
اول ماهتطلع الفيزا "هرحل"
مش غلط اني اسافر لاني فعلا مش عايزة اعيش انا وبنتي في السعودية
ويمكن حضرتك معتبر 10 يورو مش غالية لكن عشان اطلع بتكسي بياخد 10 يورو في المشوار عارف هصرف كل يوم كام يورو على 4 مشاوير ؟
40 يورو دا لو بس روحت انا وبنتي كل صبح ورجعنا للبيت 4 مشاوير 2 رايح و 2 جاي << دا لو السعر دا ثابت من 5 سنين
وانا في الشهر مرتبي كله 3000 يورو وشوية لو تكاسي هدفع 900 "بس مصاريف المشورين دول " شهريا
فاضل كام ؟ السكن اقل سكن ب 1000 يورو
غير مصاريف مدرسة بنتي
غير الاكل والشرب والمصاريف التانية
يعني 10 يورو على المشوار انت شايفها مش غالية لانها بالنسبالك مش غالية مش ضروري تكون بالنسبالي مش غالية لانها بالنسبالي مكلفة
و شكرا كلك ذوق انا مشكلتي الحقيقية في الوقت مش cpr
كل سنة وانت بالف خير
نظام رخصة القيادة الدولية واحد وهي طول فترة سريان فيزا الزيارة اول ما الزيارة تتحول لاقامة لازم تطلعي رخصة البلد اللي موجوده فيها لكن اصدقاء كتير كسرو فترة الزيارة ومشيو بالددولية بسبب غلاء وصعوبة استخراج رخصة هولندية مثلا لكن في بعضهم اتغرم كتير بسبب استخدام رخص منتهية
لاء مش خلاص ..روحي لسه مطلعتش
محدش حابب يعيش في السعودية طول عمره ..
أنا اللي جابني كنت عايز أجمع فلوس وامشي .. مش حبًا في الحياة هنا
ولكن شبابي بيضيع في الغربة وحيد وكئيب وحياة باردة ملهاش طعم
وكل يوم بيزيدوا أعدائي وبزيد عصبية وبخسر اللي حواليا
تخلص إرتباطاتي همشي .. فمش إنتِ بس !
عمومًا
عايزة تعيشي برا بلاش اللف والدوران غير المدروس دا
كدا بتضيعي وقت ... و آخرك هترجعي للسعودية
قولي بالظبط مشكلتك إيه .. عايزة تعيشي عمرك لبنتك برغبة منك ( مفتكرش دا تفكير طبيعي )
ولا فيه حاجة مخوفاكِ من إنك تعيشي عيشة طبيعية
كل حاجة وليها حل ..
فيه الحل اللي يخليكِ تعيشي في دولة أوروبية محترمة بجواز أحسن
يسعد مساك
ايوه كدا فهمت
طيب انا قرات البارت دا في موقع livinginireland
هل يمكنني استخدام رخصة قيادة غير أيرلندية في أيرلندا؟
إذا كنت قد حصلت على رخصة قيادة من إحدى الدول التالية، يمكنك ممارسة القيادة لفترة مؤقتة تصل إلى 12 شهراً. إذا كنت تقيم في أيرلندا لمدة تزيد عن 12 شهراً ورخصة القيادة الخاصة بك صادرة من إحدى هذه الدول، يمكنك تبديل رخصتك برخصة أيرلندية: أستراليا، النمسا، بلجيكا، جمهورية التشيك، قبرص، الدنمرك، أستونيا، فنلندا، فرنسا، ألمانيا، جبل طارق، اليونان، هنغاريا، أيسلندا، إيطاليا، جزيرة مان، اليابان، جيرسي، لاتفيا، ليخنشتين، ليتوانيان لوكسمبورغ، مالطا، هولندا، النرويج، بولندا، البرتغال، رومانيا، سلوفاكيا، سلوفينيا، جنوب إفريقيا، كوريا الجنوبية، إسبانيا، السويد، سويسرا، المملكة المتحدة.
إذا لم تحصل على رخصة قيادة من أي من هذه الدول وتحمل رخصة قيادة دولية أو إذن دولي بالقيادة من دولة أخرى، يجور لك القيادة في أيرلندا في مدة الزيارة (حتى 12 شهراً). إذا زادت إقامتك في أيرلندا عن 12 شهراً، عليك التقدم بطلب حصول على رخصة قيادة أيرلندية.
انتهى
المقصود اني لما اروح واقعد اكتر من 12 شهر يبقى كدا مطلوب مني اعمل رخصة والرخصة الدولية ماتنفعش ؟ ولا لو المدة من البداية باين انها اكتر من 12 شهر الرخصة الدولية ماتنفعش ولا يوم ؟
انت كل عيد بتعدي بنفس الازمة ؟ << رمضان اللي فات مثلا
الرياضة القراءة و الانترنت << نسفولي كل مشاكلي "الوحدة , الاكتئاب" + "كل افكاري القديمة" وحقيقي حسيت بالراحة النفسية
ماينفعش تهرب من مشاكلك بالارتباط > مش حل
وايه معنى "العيشة الطبيعية" في نظرك << الجواز في الشرق الاوسط مش عيشة طبيعية خاااالص هههه
جواز الدولة الاوربيه المحترمة دا يعني "زواج" مقابل "جواز" << مش كدا ؟
"الزواج , الصداقة , العلاقات الانسانية , الخ" ماينفعش تكون مقابل "جنسية , فلوس , الخ" #علم_صواريخ
يسعد مساك , اتمنى لك كل السعادة , بالتوفيق
نسيت أقولك .. وإنتِ بالصحة والسلامة .. ربنا يحفظك
مكنش عرض بالشكل اللي تخيلتيه ..
لإن الطريقة دي مش بس ماتنفعش أقل مايقال عنها طريقة سافلة ولايمكن أستخدم الأسلوب دا
كنت أقصد الحصول على جواز سفر دولة يمكنك من الدخول للدول الأوروبية بلا فيزا
الجواز دا بيتم شراءه .. الدولة بتدي جوازاها للي يستثمر عندها بمبالغ معينة
يعني حضرتك مش مضطرة تتجوزي حد حامل لجنسية دولة أوروبية عشان يمنحك الجنسية
دا كلام يستحيل يصدر مني ... ياريت تكون وجهة نظري وضحت ..
وتنويهي إرتبط بالسؤال عن مشكلتك لإني ظنيت ( وممكن ظني يكون مش في محله )
إن اللي مخوفك من العيش حياة طبيعية ( قانون السعودية )
فتتحرمي من بنتك .. لو أقدمتي على الخطوة دي
فحبيت أوضحلك إن القانون دا مش هيقدر يلوي دراعك ويهددك ببنتك عشان تفضلي بدون أسرة
ممكن يحميكِ قانون الدول الأوروبية .. لو فضلتي الطريقة دي
وأحب ألفت نظرك إن ( اللجوء ) كحل أخير لو تفضليه .. متاح في ظروفك ..
الحلول متاحة .. ولو البعض منها يصعب عليكِ فيه اللي ممكن بس فكري كويس وخدي قرارك ..
لإن القرار دا مفهوش رجعة
أنا مابتكلمش عن أي شيء يخصني
بخصوص كلامي عن الإكتئاب والوحدة
( قصدي إن كلنا بنشترك في عدم ملائمة العيش في البلد دي لينا )
الرياضة والقراءة مسكنات .. بمشي وبقرأ بملل
طيب بعتذر اني فهمت خطأ بس انت كلامك مش واضح
الوضع اللي مش طبيعي قصدك اعيش لوحدي بدون زواج ؟ على فكرة دا وضع مش طبيعي في السعوديه بس
في السعوديه انا فاهمة قصدك بس برا الناس بتعيش براحتها بدون ضغط من الانظمة
فوضع مين اللي مش طبيعي ؟ انا ولا القانون اللي معتبرني قاصر وماينفعش اعيش من غير ولي امر؟
انا ولا القانون اللي هياخد بنتي لو فكرت اتزوج ؟
الدوله اللي بتتكلم عنها ونيفيس ؟ لو هي سبق وتواصلت مع مسؤل مش بس فلوس الاستثمار انا لو دفعتلهم المبلغ دا هكون محتاجة مبلغ زيه عشان اقدر اعيش في بريطانيا
و اللجوء مش سهل واجرائاته بتتطلب اثبت ضرر طليقي وضرر القوانين من الدولة وهيتم التعامل معاه كمجرم دا ابو بنتي وما اذنيش مقدرش اعمل فيه كدا فدي كمان مش هتنفع
المحاولة المناسبة ليا لما اروح هدور على عقد عمل في بريطانيا طول فترة بقائي هعمل زيارات واشوف سوق العمل غير كدا مش هينفع
انا مش عارفة اشكرك ازاي على حرصك اهلي معملوش معايا كدا شكرا بجد
اجراءات السواقه في ايرلندا شبيهه ببقية الكومنولث .هتروحي تشتري كتاب كود الطريق تذاكريه وتمتحني theory test وغالبا اختيارات ,بنتيجة الامتحان تطلعي رخصة تعليم learner permit ويتلزق L ع العربيه. بعدين مطلوب 12 حصه قياده كل واحده ساعه مع مدرسه ومعاهم log book .خلصتيهم وعدي 6 شهور تمتحني عملي وتطلعي الرخصه .عمليه systematic وبسيطه .
يعني لو معاكي دوليه ممكن تعملي كل دا خلال 7 شهور وبردك سايقه بيها.وبالمناسبه الايرش امورهم احمدي حبتين تلاته مش قامطين زي الانجليز .
ايه حكاية التكاسي ب 10 يورو .حضرتك هتعيشي ولا تدرسي ف انهي مدينه ؟؟.
كل المدن فيها نقل عام مش هتحتاجي تكوسه والاسعاف ييجي حد عندك - بلد اشتراكي بالمناسبه- وممكن تعملي معارف وتظبطيهم عن التكسي وادعي تلاقي تكاتك ههههههه .
Learner driving permits for cars and work vehicles