بناء عن تجربة، اللون الأحمر بيلفت نظر الفأر، نصف طماطماية حمرا وحطها في المساكة وخلى الجو يبقى ضلمة لأنه لو فيه نور وحركة الفار مش هايطلع. جرب كدا وإن شاء الله هاتقفشه :)
عرض للطباعة
بناء عن تجربة، اللون الأحمر بيلفت نظر الفأر، نصف طماطماية حمرا وحطها في المساكة وخلى الجو يبقى ضلمة لأنه لو فيه نور وحركة الفار مش هايطلع. جرب كدا وإن شاء الله هاتقفشه :)
انا بقى حتجنن
انا بقالى فى الشقه فتره طويله عمرى ماشفت فيها فار
و مره واحده امبارح سمعنا صوت خرفشه فى الاكياس البلاستيك تحت حوض المطبخ فعرفنا ان فيه فار
جبناله مصيده و و حطناله نص طمطمايه و قشر مانجه - و مافيش نص ساعه و كنا اسطدناه
و اخدته زى ماهو بالمصيده كده فى كيس بلاستيك كبير و نزلت بيه تحت كاوتش العربيه و ادهس
الجديد و الغريب بقى ان امبارح باليل سامعين صوت خبط فى البلكونه - و لحظنا كنا قافلين الالوميتال
ببص لاقيت فار (تانى) قاعد يخبط و عاوز يدخل من الزجاج باى طريقه
نورت نور البلكونه لاقيته هرب
بعدها بساعتين لاقيته رجع يعيد المحاوله !!!!!!!
و هكذا اليل كله و دلوقتى مراتى بتقولى انها شيفاه فى البلكونه
انا عاوز افهم بجد هو ليه مصر يدخل شقتى ؟؟ هل علشان ينتقم لصاحبه اللى مات و لا ايه ؟؟
الشيكولاتة بتجذب الفار جدا خصوصا لو شيكولاتة ريحتها قوية مش بيقدر يقاوم و الكلام ده عن تجربة ..
المهم الطريقة اللى اتجاب بيها هى زى plate كده مليان لزق اول ما بيمشى فيه بيلزق و اللزق ده يتحط فى المكان اللى شاكك انه بيدخل منه .. خلى المكان هادى خالص و هو هيلبس فى اللزق ده و هترجع تلاقيه لازق فيه بس المهم اول ما يتقفش تموته لأنه بعد محاولات ممكن يهرب من اللزق ده بس المشكلة انا مش عارف اللزقة ديه موجودة فى مصر ولا لا بس اظن هتبقى موجودة لأنها حاجة بدائية جدا
انا حاططله مصيده فى البلكونه من امبارح لكن للاسف الباشا ماجاش
لكن انا امبارح بس عرفت هو كان ليه قاعد يخبط فى زجاج الالوميتال بتاع البلكونه
لان الالوميتال عندى فى الحواف بتاعته فيه كاوتش لمنع دخول الاتربه - الكاوتش ده لاقيته امبارح متأرأض جزء كبير منه
الظاهر الباشا الفار ده كان عجبه طعم الكاوتش ده و علشان كده كان شغال عليه اليومين اللى فاتو
على العموم انا حطيتله المصيده قصاد الكاوتش بس لسه ما اصتدهوش
مش عارف بقى هل زهق من الكاوتش و لا ايه - بس انا بحلم بالحظه اللى امسكه فيها - غالبا حموته من التعذيب و حخلي اهله يكتبه انه مات منتحر :36_3_10[1]:
معلومه جديده عليا
حجيبله شيكولاته كابورى و يارب تعجبه و مايكونشى بيفضل مارس ولا حاجه اغلى
اصتد فارين مره واحده (فار و ابنه الصغير) من نفس المكان تحت المطبخ
و عرفت مكان دخولهم - انا عندى غساله اطباق و حاطط خرطوم الصرف (الكاوتش) بتاعها جوه ماسوره بلاستيك
لاقيت المره دى الخطوم طرفه متقرقض فواضح انهم قرقضوه و دخلو من ماسوره الصرف
الى بفكر فيه دلوقتى ايه البديل الممكن لخرطوم الصرف ده ؟