ايه المشكله في الزواج من واحده عنها 19 سنه؟؟؟

طبعا انا بعتبر المنتدي بيتي التاني وعندي حوار عايز اخد رايكم فيه

اولا انا الفتره اللي فاتت بدور علي عروسه.. الموضوع بقه ان في واحده قريبتي تقريبا فيها كل الصفات اللي انا بحلم بيها

مستوي جمال عالي.. مستوي اجتماعي محترم.. اهلها ناس محترمين جدا وطبعا قرايبي فانا اقدر اقيم الموضوع كويس .. العلاقه بينا وبنهم كويسه جدا .. البنت علي خلق .. ومحترمهمه ومحتشمه وعلي قدر كويس من التدين

المشكله بقي هو السن.. خهي سنها صغير شويه 19 سنه

فكنت عايز اعرف ارائكم وخبراتكم لو في حد خاض تجربه زي دي

من الناحيه الطبيه والفسيولوجيه انا عارف كويس ان ما فيش اي مشاكل بالنسبه للجواز او الخلفه
البنت بتبلغ عند سن 11 سنه وتبقي قادره علي الزواج من سن 18 سنه او قبل كده بسنتين كمان

بس المشكله في انها لسه اولي جامعه.. وانا لو عقدت النيه وخطبتها هيكون الزواج خلال سنه ان شاء الله
وهتكمل دراستها معايا عادي
هل كده انا هحرمها من انها تعيش حياتها وتعيش حياه الجامعه وكده..

مبدايا نا عندي 25 سنه

والمشكله التانيه اني لما اقدم علي الموضوع واكلم اهلها فده مش هيبقي هزار.. ول حصل مشاكل هكون السبب في خلافف في العيله .. علشان كده لم المح او اتكلم اطلاقا في الموضوع الا لما اكون متاكد ميه في الميه ودارس كل جوانب الموضوع

سعات بقول لنفسي اني ادي لنفسي فرصه وابحث شويه خارج العائله بس في نفس الوقت صعب الواحد يلاقي حد مناسب بسهوله وكمان لو اتاخرت شويه في الغالب البنت ممكن اي حد تاني يخطبها واكون خسرت كتيير .. برده اللي تعرفه احسن من اللي ماتعرفوش

ايه رايكم .. وايه تجاربكم بخصوص سن الجواز الصغير للفتاه

مناسبة لسنك ومش صغيرة طالما تخطت 18 سنة
الفرق بينكم مش كبير
تقدم لها .. وإعمل اللي عليك .. وهيا تقرر لو عايزة ترتبط حاليًا أو لاء
ربنا يتمملك على خير

عادى جدا .. وفرق السن مش كبير

بس جس نبضها هى الاول

و خلى بالك من جواز الاقرايب فى الخلفة .. فممكن تحللو الاول

ما فيش فرق في السن اساسا .....اعتقد كده مناسب جداااااااااااا
صلي استخاره ...و اتقدم رسمي - ادخل البيت من بابه .....زز او عل الاقل ابعت اختك او والدتك او خالتك تجس نبض ام العروسه و العروسه ... بس اللي تبعته يكون حكيم ....... مش طايش و بتاع و ماله ما كله محصل بعضه ....

بلاش زواج الاقارب مشاكلة اكتر من نفعه

ابعد عن السن دا... نصيحة مشاكلة كتير وغير معمر ولو عمر يبقي علشان العيال....وكمان ابعد عن القرايب الميزة الوحيدة انها جميلة.. بس. والجمال بعد الزواج بيثبت بالروح والتعامل...

سنها مناسب .. عايزين نقول مبروك

اقتباس:

---

المشاركة الأصلية كتبت بواسطة eso101

مناسبة لسنك ومش صغيرة طالما تخطت 18 سنة
الفرق بينكم مش كبير
تقدم لها .. وإعمل اللي عليك .. وهيا تقرر لو عايزة ترتبط حاليًا أو لاء
ربنا يتمملك على خير

---

ربنا يبارك لحضرتك

هو الفرق مش المشكله.. المشكله في انها سنها صغير

طبعا انا من وجهه نظري شايف ان ميزه السن الصغير ان الزوجه بتتطبع بطبع زوجها .. كانك مربيها علي ايديك والخلافات غالبا بتكون قليله

بس المشكله في تحمل المسؤليه ... خاصه انها هتكمل دراستها اكيد.

اقتباس:

---

المشاركة الأصلية كتبت بواسطة hesham fawzy h

عادى جدا .. وفرق السن مش كبير

بس جس نبضها هى الاول

و خلى بالك من جواز الاقرايب فى الخلفة .. فممكن تحللو الاول

---

كلام سليم.. انا فاهم وعارف ايه المشاكل اللي ممكن تحصل واكيد هنحلل لنتاكد من عدم وجودها

وكمان هي درجه القرابه بعيده شويه .. يعني هي تبقي بنت بنت عمتي

اقتباس:

---

المشاركة الأصلية كتبت بواسطة wawamoha

ما فيش فرق في السن اساسا .....اعتقد كده مناسب جداااااااااااا
صلي استخاره ...و اتقدم رسمي - ادخل البيت من بابه .....زز او عل الاقل ابعت اختك او والدتك او خالتك تجس نبض ام العروسه و العروسه ... بس اللي تبعته يكون حكيم ....... مش طايش و بتاع و ماله ما كله محصل بعضه ....

---

يا فندم العروسه تبقي بنت بنت عمتي

تقريبا احنا متربيين مع بعض

كل المناسبات والاعياد بيبقي اجتماعنا واحتفالنا عند عمتي .. يعني عارفين بعض كويس
اهل العروسه انا ليا عندهم مكانه كبيره واهلي ليهم عندمهم برضه مكانه كبيره جدا

والدي يبقي خال ام العروسه .. وهو اللي مجوزها كمان لزوجها ..

يعني العلاقات كويسه جدا

موضوع جس نبض اهل العروسه سهل جدا .. وانا كفيل اني اقوم بيه واعتقد انهم هيرحبوا بالموضوع كمان

المشكله في انها سنها صغير .. وخايف اهلها يوافقوا وهي تكون ليها راي تاني ومش عايزه ترتبط بدري فيقوم اهلها ضاغطين عليها

مش عارف ايه الحل؟؟.. هل ممكن ابدا باني اجس نبض البنت الاول ؟؟ بس خايف لما اهلها يعرفوا يضايقوا اني مكلمتهمش الاول
الموضوع مركب شويه

اقتباس:

---

المشاركة الأصلية كتبت بواسطة عبدالله برعى

ابعد عن السن دا... نصيحة مشاكلة كتير وغير معمر ولو عمر يبقي علشان العيال....وكمان ابعد عن القرايب الميزة الوحيدة انها جميلة.. بس. والجمال بعد الزواج بيثبت بالروح والتعامل...

---

ايه المشاكل اللي ممكن اواجها..؟؟ ياريت حضرتك تبين اكتر

اقتباس:

---

المشاركة الأصلية كتبت بواسطة ahmedsrs

بلاش زواج الاقارب مشاكلة اكتر من نفعه

---

ده بناء علي تجارب ؟؟
يا ريت حضرتك تفيدنا اكتر بتجربتك

اقتباس:

---

المشاركة الأصلية كتبت بواسطة طارق _عبد السلام

سنها مناسب .. عايزين نقول مبروك

---

الله يبارك في حضرتك

بس لسه .. الموضوع في اوله

اتكل على الله ....مبروك مقدما لو فيها الخير

سنها صغير ازاي
بالعكس سنها مناسب جدا
وبعدين هاتشكلها زي مانت عايز بمجرد ماهي تتعلق بيك
اللي مانعلمش من البنات في اﻻرياف بتزوجوا اصغر من كده

مفيهاش اى مشكله طالما هتقدر تخليها تكمل جامعتها من غير مشاكل و من غير متضايق من انشغالها عك و عن البيت السنتين الى هيبقو فاضلين

اقتباس:

---

المشاركة الأصلية كتبت بواسطة medosalah

ايه المشاكل اللي ممكن اواجها..؟؟ ياريت حضرتك تبين اكتر

---

هي مش مشاكل محددة في نقاط ولكن رد فعل المشاكل نفسها متغير ومتعب بالنسبة للاطراف..والوضع نفسة مش مريح مع القرايب لان وقت المشكلة اضرب المشكله في 2.... ودا راي عن تجربة
وفي الاخر الحياه زي البطيخة انت والمكتوب
وانت ورايك

فرصة رائعة و ربنا يديك طول العمر و تبقى فى سن الخمسين مثلا ان شاء الله و زوجتك معاك...الوضع ساعتها ؟

اقتباس:

---

المشاركة الأصلية كتبت بواسطة م أحمد

فرصة رائعة و ربنا يديك طول العمر و تبقى فى سن الخمسين مثلا ان شاء الله و زوجتك معاك...الوضع ساعتها ؟

---

هيجوزوا ابنهم او بنتهم اللي بلغ/ت سن العشرين هههههههههه

انا لو مكانك مقدرش اخد خطوة زي دي.
19 سنة دي يعني لسة طفلة خارجة من ثانوية عامة, لسة مشافتش الحياة العملية و لا خدت خبرتها, و انا الصراحة مش متخيل اني ارتبط بحد لسة موصلش لمرحلة معينة من المستوى الثقافي و النضوج الفكري..
اضف الى ذلك وجود قرابة نسب فالموضوع مقلق اكتر..

19 سنه يعني طالبه لسه بتاخد المصروف و متقدرش تتحمل مسئوليه الزواج

استني عليها لما تتخرج تكون كبرت شويتين و تكون حوشتلك قرشين زياده

مع احترامي للجميع يعني أنا مش فاهم الناس اللي رافضة الموضوع إي سببها !!

خد عندك المميزات

1- قريبتك ودي ميزة كبيرة جدا لأنك ع الأقل عارف أصلها ونسبها وأخلاقها خصوصا انكم قريبين من بعض كمان
2- جميلة ودي حاجة ممتازة
3- البنت محترمة ومحتشمة وده كنز دلوقت
4- سنها مش كبير ودي ميزة مش عيب أبدا على فكرة

المفروض اصلا تبدأ تاخد خطوة من دلوقت وتتقدم قبل ما تدخل الجامعة يعني هي لما بتدخل مخطوبة محدش بيقربلها ولآ بيحاول يتكلم معاها سواء بقى كان بيهزر أو عايز يضيع وقت
وممكن يكون جاد وتحبه وساعتها بقى انساها تماما

كلم البنت مثلا على الفيس كلام عادي جدا ولو لقيت في انجذاب منها ليك قولها أنا عايز أتقدملك إي رأيك !
متقولهاش أنا بحبك مثلا !!
وسيبلها وقت تفكر مثلا وشوف ردها ولو قالت موافقة اتقدم تاني يوم على طول

ومبروك ياكبير عليك وممكن تأجلوا الخلفة لبعد الجامعة مش مشكلة كبيرة

الجواز نصيب
و النصيحة في الموضوع ده خطيرة و شائكة لاني ممكن اقول كلمة لا القي لها بال و تكون نتيجتها ضياع فرصة قد تندم عليها...لذلك انا ساتحدث عن وجهة نظر عامة قد تنطبق على حالتك و قد لا تنطبق
فعلى سبيل المثال ان تطول فترة الخطبة مدة الدراسة في الجامعة بحد ادنى اربع سنين لهو امر مقلق و احتمال حدوث خلافات فيه كبير...اضف الى ذلك و جود فترات توتر في فترات المذاكرة و الامتحانات...اضف الى ذلك ما ذكرته انت من مسالة انها هي نفسها ستخوض تجربة الحياة الجامعية بكل ما تعنيه هذه الجملة من معاني و ما تحدثه هذه الفترة من تغيير في الشخصية و وجهات النظر
اما بالنسبة لمشكلة القرابة فهي من ثلاثة اوجه: اولا لو القرابة قريبة هناك مشكلة تخص ضعف الابناء و بعض الامراض الوراثية و يفتي في ذلك اهل التخصص...ثانيا اتفق مع العضو المشارك من ان المشكلة العادية التي تحدث في اية عائلة يزداد وطيسها في حالة وجود قرابة....ثالثا: الزواج من الاقارب بيصارع الانطباعات السابقة عن العائلة و يحرمك من النسب من عائلات جديدة
كل ما سبق قد لا ينطبق على حالتك و قد تكون امامك فرصة ذهبية فاستخر الله قبل اي قرار

كلامكم كله مظبوط

المؤيد والرافض للفكره

طبعا الموضوع له سلبيات ولكن برده له ايجابيات كتير زي ما انتم ذكرتم

مبدايا كده فكره اني استناها لما تخلص فده مش وارده .. الاول انها لو دخلت الجامعه ففرصه ان حد يعجب بيها او يتقدملها في الغالب هتحصل ... وكده ابقي ضيعت الحوار من ايدي خلاص

وفكره اني اخطبها واستناها لما تخلص .. فبرده مرفوضه لان الخلافات والمشاكل هتكتر وكمان بصراحه انا قدامي سنتين بالكتير علشان ارتبط.. ولو عدوا السنتين فانا امامي درسات عليا هكملها بره البلد ان شاء الله .. ماجيستير ثم دوكتوراه وفي طبعا الجيش .. وبكده لو اجلت موضوع الجواز او الارتباط يبقي هاجله لما يبقي عندي 30 او 32 سنه

علي فكره موضوع القرايب والمشاكل ان شاء الله غير وارد لاسباب
1) التوافق العالي بين العائلتين والاحترام المتبادل والمستوي الاجتنماعي
2)هما من المنوفيه .. واحنا من القاهره( يعني اصلنا من المنوفيه بس مولود ومتربي في القاهره)

الموضوع معقد شويه..

الفكره بس هو موضوع التفكير ومستوي التعليم

انا لسه متخرج من كليه الطب .. وهي لسه هتدخل الجامعه السنه الجايه

هل هحس بفرق في الاهتمام والتفكير

علي فكره انا مش من النوع القفل والدحيح والاتم واللي بيكون كل حياته مذاكره وكده

انا الحمد لله شخصيه مرحه جدا .. بحب السفر جدا جدا .. تقريبا في اثناء ال 6 سنين الكليه سافرت رحلات لكل حته في مصر(اسكندريه . ساحل . شرم الشيخ . الغردقه. مطروح. الاقصر واسوان. راس سدر . اسماعليه . السويس. طابا. دهب.) اكتر من مره
بحب السواقه جدا جدا .. والعربيات والتعديل عليها هوايه عندي

بس برضه خايف الاقي تفكيرها سطحي وكده
..
غالبا لازم احاول اكتر شويه من الزيارات للعائله في المنوفيه واحاول اركز اكتر علي الشخصيه وطريقه التفكير وكده
بس خايف اكون داخل في موضوع غلط من الاول