معايا اوكتافيا a5 ٢٠٠٧ وساعات بسافر وبمشي ١٦٠ او ١٨٠ وانا مشغل التكييف
هل ده خطر علي الماتور
وكم اقصي سرعه ممكن امشي بيها وانا مشغل التكييف ؟؟
معايا اوكتافيا a5 ٢٠٠٧ وساعات بسافر وبمشي ١٦٠ او ١٨٠ وانا مشغل التكييف
هل ده خطر علي الماتور
وكم اقصي سرعه ممكن امشي بيها وانا مشغل التكييف ؟؟
هو مش خطر بس اجهاد على الموتور
اعتقد نفس الكلام اجهاد علي الموتور ولكن ممكن وانا اعرف ان الكمبروسير بيفصل لما تكون هناك سعره كبيره او انك قرصت قوي علي الموتور
متابع
اعتقد مفيش خطر ولكن بيبقي تقل على الموتور
نفس اللي بعمله .. 180 بالتكييف لفترات طويله .. الموتور أعتقد بيطلع عينه ههههه
لو التكييف بتاع عربيتك فية ترموستات يبقى معنى كدة ان الكلتش بتاع التكييف بيفصل من على الطمبورة لما درجة حرارة الصالون توصل للدرجة المطلوبة
لحد هنا عادى
المزعج بقة ان لما التكييف ييجى يشتغل تانى الكلتش بيقفش على الطمبورة وانت سرعتك عالية ولنفترض ان الاربى ام عندك مثلا سرعتة 4000 لفة فى الدقيقية
دة معناة ان الكباس هيتنقل من وضع الثبات لوضع 4000 لفة فى الدقيقة فى اقل من ثانية
عن نفسى عشان اتفادى الموضوع دة لانى عارفة طلعت الحساس من من مكانة ولفيت علية ارما فلكس وعزلتة وبكدة اضمن ان الكلتش مش هيسيب الطمبورة الا لما اضغط على زرار a/c
لكن لو مفيش تروموستات فى عربيتك يبقى هو حمل الكباس العادى على الموتور وخلاص واللى يفيدك بوجود ترموستات فى عربيتك هو فنى التكييف
السرعة والاجهاد ع الموتور هتختلف من عربية للتانيه حسب المحرك
بس يافندم لو الموضوع هيتحسب من الناحية دياقتباس:
المزعج بقة ان لما التكييف ييجى يشتغل تانى الكلتش بيقفش على الطمبورة وانت سرعتك عالية ولنفترض ان الاربى ام عندك مثلا سرعتة 4000 لفة فى الدقيقية
دة معناة ان الكباس هيتنقل من وضع الثبات لوضع 4000 لفة فى الدقيقة فى اقل من ثانيه
يبقي محدش يشغل التكييف غير والعربية مش شغالة
اصل ايه الفرق بين ان الكباس يتحرك من الثبات ل 2500 او 4000 Rpm
الكباس كده كده متصمم لكده لانه مش هيشتغل غير والعربية شغالة
يعني مش ااقل من 600 Rpm
كده الكباس هيفضل شغال طوول مدة الرحلة وبتقصر عمرهاقتباس:
المشاركة الأصلية كتبت بواسطة zarif
اقتباس:
المشاركة الأصلية كتبت بواسطة graffittiii
عن نفسى مبشغلش التكييف الا والعربية على السلانسية يعنى حد اقصى 1000 لفة
وعلشان اوصل لك فكرتى هضرب لك مثل
لما واحد يمسك فرامل شديدة والاطارات تقفش على الاسفلت وتتزحلق دى عادى وهيا طبعا متصممة لتحمل كدة لكن فى المقابل نقشة الاطار هتتمسح وكفاءتة على الطريق فى الفرملة هتقل كتير وعمرها هيكون اقل من الافتراضى
فى المقابل لو انت تفاديت قفشة الاطار على الاسفلت قدر الامكان هتلاقى ان النقشة بتاعة الاطار سليمة وكفائتها فى الفرامل عالية وعمرها اطول من المفترض
انا بكلمك عن تجرة عملية مش كلام نظرى ولا ناقلة من حد
موضوع انى انقل الــ 5 بساتم بتوع كباس التكييف من صفر الى 4000 لفة فى الدقيقة فى اقل من ثانية مسالة مزعجة جدا وغير مريحة بالنسبة لى
انا بتكلم ازاى اخلى عمر الكباس اطول من المفترض
بالنسبة ليا انة يبدا شغل بعدد لفات بسيطة على السلانسية 3ساعات متواصلة ( حد ادنى قبل ما اعمل ريست لو انا مسافر) افضل من انى اخلية ينطلق من وضع السكون لـــ 4000 لفة فى الدقيقة فى اقل من ثانيةاقتباس:
المشاركة الأصلية كتبت بواسطة د.محمود صلاح
تشغيل التكييف وانت ماشي بسرعة عالية مالوش تأثير على الموتور ولا بيسبب إجهاد للموتور.. ﻹن الطاقة اللي بيستهلكها التكييف في الحالة دي تعتبر صغيرة جدا بالنسبة لطاقة الموتور الخارجة منه
بمعنى.. لو فرضنا إن كمبريسور التكييف قدرته 5 حصان وإن قدرة الموتور 120 حصان.... حضرتك بتحس بإن العربية سحبها قل لإن طاقة الموتور وانت ماشي على 60 مثلا بتبقى في حدود 50 حصان تقريبا ( تختلف حسب انت معشق أنهي سرعة في الفتيس )... يعني التكييف ساحب حوالي 10% من قدرة الموتور..
لما بتمشي على 180... الموتور بيبقى تقريبا جايب أقصى قدرة ليه اللي هي 120 حصان... في الحالة دي الكمبرسور ساحب حوالي 4% بس من قدرة الموتور..
مش دي النسبة اللي تتعب الموتور..
اللي بيتعب الموتور فعلا هو الدوران العالي للموتور واللي غالبا بيكون قريب من الخط الأحمر.. وده بسبب:
1- التآكل اللي ممكن يحصل بسبب عدم قدرة الزيت على توفير طبقة التزييت الكافية.
2- كمية الحرارة الكبيرة اللي الموتور بيولدها وبتبقى محتاجة تتبرد أسرع.
3- الأحمال الزايدة نتيجة مقاومة الهواء.
على فكرة... ما تستهينش نهائي بموضوع مقاومة الهوا... تأثيرها كبير فوق ما تتصور... وأنا شخصيا أعرف ناس عندهم عربيات نقل مواتيرهم فوتت بسبب مشيهم بالعربية ومحملين بحمولة خفيفة بس محطوطة بطريقة تزود مقاومة الهوا جدا.
...
لا طبعا مفيش الكلام ده ، مفيش سرعة قصوي لاستخدام التكييف لانه نظام اوتوماتيكي متصمم ليتناسب مع العربية طرديا و، عربيتك ٢٠٠٧ a5 ' يعني ما شاء الله ، و خلي بالك كده او كده فيه عمر افتراضي يعني كده كده اي عربية لازم يطلع فيها اعطال مع الوقت ،
عن نفسي مش بعترف بالكلام ده !!!
يعني اول ما اركب العربية ويكون الجو نار بشغل التكيف .... بيكون السرعة 150 وبشغل التكيف ... بكون بجري ولفات الموتور 5000 مثلاً وبشغل التكيف وانا على عدد اللفات دي وفي كل الوضعيات اللي قلتهالك فوق
عارف ليه ؟؟
لأن مش بعد ما عملنا TwinTurbo في المواتير وخلينا العربية تركن لوحدها وحساسات وكاميرات 360 ونظام ملاحة واوامر صوتية وكمية وسائل امان للفرامل رهيبة وعددها يفوق الـ5 تقريباً
يبقى حاجة تافهه زي دي وتفوت عليهم !!!!!!!!
في ناس ليها اكتر من 150 سنة بتعمل عربيات موجودة في السوق واعتقد ان هندسة لها تاريخ 150 سنة عدت عليهم مليون مره حالات زي كده وعالجوها وعرفوها من زمااااااااااان خالص
متعملش حاجة في عربيتك ... شغل تكيفك واعمل اللي انت عايزه ... استمتع بعربيتك لان اللي عمل عربيتك دي عمل قبلها ما لا يقل عن 5 موديلات في سكودا وعرفوا الصح من الغلط .... الشركات دي مش بتلعب !!
اقتباس:
المشاركة الأصلية كتبت بواسطة 2CODE