مشكلة ماحدش لاقيلها حل فى رينو ميجان 2005

**ahmedhassan27** · 12-09-2015 05:13 PM

السلام عليكم ورحمة الله وبركاته
هادخل فى المشكلة علطول بس نفسى الاقيلها حل عشان قربت اتجنن
انا اشتريت رينو ميجان 2005 من حوالى شهر وماكنش فيها حاجة المهم مرة واحده لاقيت العربية بتقطع معايا وانا ماشى سواء بطئ او سريع تحس انها بتمسك وتفك ورا بعض طول المشوار العربية فى بداية الدوارة مافهاش اى مشكلة ويتمشى عادى حوالى 3 او 4 كيلو بعد كده تقطع طول المشوار وانا واقف اخلى حد يدوس بنزين واحط ايدى قريب من الشكمان الاقى الدخان طالع بيقطع وضعيف روحت للميكانيكى حطها على الجهاز قالى حساس شكمان جبتلها 2 حساس شكمان واحد upstream والتانى اللى ملوش لزمة downstream ومشيت بالعربية عادى حوالى اسبوعين بعد كده رجعت تانى بنحطها على الجهاز بردو قارى حساس شكمان المهم بنبص على قرايات حساس الشكمان ال upstream مع دوسة البنزين مش بيتحرك الفولت بتاعه ثابت على 0.4 فولت والdownstream بيتحرك مع دوسة البنزين طالع نازل الفولت بتاعه قولنا نبدل بينهم وبدلنا لاقينا نفى القرايات ال up ثابت بردو وال down طالع نازل يبقى كده مافيش حاجة فى حساسين الشكمان قولنا يمكن فى حاجات ماثرة على قرايته قولنا نشوف علبة البيئة لاقيناها فاضية ومش مسدوده والشكمان بردو بيقطع والعادم ضعيف حتى بردو من عند علبة البيئه كان بيقطع لحمنا علبة البيئة وقولنا نشوف طرومبة البنزين حطينا واحدة جديده بردو العربية بتقطع وسحبها ضعيف وبتاكل بنزين كتير غيرنا الكويلات بردو نفس المشكلة بصينا على البوجيهات لاقيناها سليمة بصينا على فلتر الهوا وفلتر البنزين مافيش فيهم مشاكل بصينا على سير الكاتينه طلع مظبوط نضفنا الرشاشات بردو المشكلة لسه موجوده حطيت الماده اللى بتتحط مع البنزين بردو نفس المشكلة وقولنا نفصل حساس الشكمان من الفيشه برده العربية بتقطع وانا ماشى ارجو الافادة بسرعة لانى كنت حابب العربية من زمان وكان نفسى اجيبها واول ماجبتها كرهتها بسبب اول مشكلة اهى ومش عارفلها حل وكل ميكانيكى بيجرب ومش عارفلها حل هوا كمان
ملحوظة فى كهربائى رينو مشهور فى صقر اسمه الشيخ محمد قالى ده عيب فى الكنترول كمبيوتر العربية هل ده صحيح يارجالة ولا لو فى مشكلة فى الكمبيوتر مش هيقوم العربية خالص
معلش طولت عليكوا بس نفسى الاقى حل للمشكلة دى

**ahmedhassan27** · 12-09-2015 10:56 PM

معقول 57مشاهده ومحدش حاول يساعد

**fepsceasar** · 13-09-2015 10:45 AM

كلام الشيخ محمد مظبوط ويا تغير كنترول يا تغير طقم دوارة كامل
والكنترول فى حدود 700 تقريبا

**ahmedhassan27** · 13-09-2015 11:10 AM

المشاركة الأصلية كتبت بواسطة fepsceasar

كلام الشيخ محمد مظبوط ويا تغير كنترول يا تغير طقم دوارة كامل
والكنترول فى حدود 700 تقريبا

شكرا للاهتمام بس معلش استفسار
يعنى هوا ايه العيب كده فى الكنترول العربيه كل حاجة فيها شغالة تمام هوا الكنترول ممكن يشغل حاجات وحاجات مايشغلهاش وايه طقم الدوارة ده

**أسامه الحسيني** · 21-09-2015 11:54 AM

ما دام حضرتك بدلت الحساسين ببعض والمشكله ان الحساس العلوي القراءه مش بتتخير اعتقد ان المشكله تكون فى الـ port الى متوصل بالحساس العلوي الواصل بالكنترول
وربنا يوفقك فى الاصلاح ان شاء الله

**hilal** · 22-09-2015 07:11 PM

كان الله في عونك
كان عندي نفس العربية وبهدلتني مجهود ومصاريف
وفي الآخر بعتها بالخسارة واشتريت راحة بالي
نصيحة ، حاول تبيعها في اقرب فرصة لانها هتبهدلك زي ما بهدلتني

**ahmedhassan27** · 04-10-2015 04:44 PM

اولا متأسف على الرد المتأخر بتاعى وشكرا لاهتمامكم بالموضوع بس الحمدلله المشكلة اتحلت العيب كان خبيث اول حاجة غيرت الكنترول بكنترول 2009 وحطينا العربية على الاسكانر ولاقينا ان الحساسين بيقروا القراءات الصحيحة بتاعتهم بس بردو لاقينا العربية بتقطع روحنا غيرنا الموبينه كلها والعربية الحمدلله اتظبطت اللى كان بيحصل بقى قبل ما اغير الحاجات دى اما كنت بجرب حاجات كتير انى اما حطيت موبينه جديده للتجربه كانت العربية بردو بتقطع ده بسبب ان الكنترول القديم ماكنش بيقرا حساسات الشكمان واما حطيت الكنترول الجديد مع الموبينه القديمه العربية بردو كانت بتقطع عشان الموبينه القديمه بايظه فحل المشكلة دى ان كان لازم اغير الكنترول مع الموبينه والعربية الحمدلله ظبطت ومش بتقطع وسحبها فرق عن الاول بس فى مشكلة تانيه بسيطه ان العادم بيخرج من الشكمان بيقطع