انا عامل 260 كم ولقيت مشكلة

**Hesham Ali** · 13-09-2015 10:38 AM

السلام عليكم ورحمة الله وبركاته
انا معايا byd f3 2015 .. امبارح كنت مشغل التكييف بعد ما وقفت ببص علي العربية لقيت مية بتنزل من تحت العربية عند بداية فتحة الباب الامامي ... ده يا شباب طبيعي ولا فيه مشكلة ؟ وده من التكييف ولا ايه ؟
ارجو الرد يا شباب ولكم الشكر

**akmm** · 13-09-2015 10:48 AM

ده الفايظ بتاع تكثيف التكييف ................. زى تكييف المنزل .

**Hesham Ali** · 13-09-2015 11:10 AM

شكرا لرد حضرتك بسرعة
انا كنت عاوز اعرف حاجة بردوا بعد اذنك
انا لما خدت العربية من المعرض حطيت فيها بنزين 57 لتر كانت ماشية 50 كم و انا مشيت بيها دلوقتي 210 كم هيا استهلكت 25 لتر تقريبا .. ده طبيعي خصوصا العربية 1500 cc -ممكن اعرف ازاي اظبط العداد عشان اعرف انا مشيت بيه اد ايه من اول ما احط بنزين

**Mahony** · 13-09-2015 05:24 PM

اخي هشام
العربية كانت ماشيه ٥٠ كيلومتر و فولت التانك و العربية الان ٢١٠ كيلومتر
٢١٠-٥٠ = ١٦٠ كيلو اللي انت مشيت فيها ، صح كده ؟
عبيت السيارة على الاخر ٢٥ لتر بعد ما مشيت بيها ٢١٠-٥٠ ( يعني مشيت ١٦٠ كيلو )

شوف يا غالي
معناها العربية مشيت ١٦٠ كيلو و الاستهلاك ٢٥ لتر بنزين ....
كده جدا جدا جدا استهلاك مرتفع .
العربيات الامريكي ٥٤٠٠ سي سي و وزنها ٢ طن بتصرف ٧ كيلو ل اللتر الواحد ، سيارتك صارفه ٦،٤ كيلو في
اللتر .. و ده مستحيل على ١٥٠٠ سي سي .
انا متاكد ان حسبتك غلط .

**waelfarid** · 16-09-2015 05:48 AM

احتمال بيقعد في السيارة ومشغل التكييف اكتر ما بيتحرك بيها يعني اكتر من قطعه بيها لمسافات طوالي وكدة

**Ahmed_BYD_F0** · 17-09-2015 03:26 PM

انت علشان تحسب العربية بتاخذ كام كيلو فى اللتر اقولك الخطوات كالتالى :-
1- املى تنك البنزين على الاخر وقبل متحرك العربية دوس على زرار جنب عداد الكيلوهات حتتغير الى كلمة trip
2- افضل دايس على الزرار ده لحد ميكتب زيرو
3- عادى جدا عند التفويلة اللى بعديها شوف العربية عملت كام كيلو باستخدام الزر فى حالة trip
4- شوف البنزينة حططلك كام لتر واقسم عدد الكيلوهات على عدد اللترات وحتعرف العربية بتعمل كام كيلو فى اللتر
مثال انت فولت وخليت العداد على زيرو والعربية مشيت 240 كيلو وروحت فولتها لقيته حطلك 20 لتر يبقى العربية بتعمل 12 كيلو فى اللتر

ارجو ان اكون افدتك