الموضوع: القيادة علي الطرق الزلقة..... هل يمكن ان تكون سهلة؟؟

اثار العضو الفعال ruqi سؤال عن تسقيط النقلات في الموضوع التالي:
http://www.nilemotors.net/Nile/showthread.php?t=47308

مما فتح الحديث عن الاسلوب الامثل للقيادة في الطرق الزلقة
ومن المعروف عن الاسكندرية عروس البحر الابيض المتوسط ان طرقها شتاءا غالبا زلقة
وكتكرار واجب اوجز وصف شوارع الاسكندرية كنموزج للطرق الزلقة

في اسكندرية الشوارع تم تصميمها علي شكل ((بومبيه)) علشان صرف المطر علي الجانبين والتصميم ده في رايي غبي جدا جدا لان له عيوب
اولا بيخلي الطريق من اعلي نقطه فيه يتشبع بالزيت والسولار والبنزين وبواقي الكاوتش وخلافه طول الصيف والخليط ده يبتدي يدوب مع المطر وفي وجود المطر الغزير مع الاتربة ورزاز البحر ((المشبع بالاملاح)) بيكون طبقة من الصابون... ودي فكرة تكوين الصابون((املاح +زيت في وجود مادة قلوية)) وبالتالي بيقي كانك ماشي علي ساحة للتزحلق علي الجليد واسوا
ثانيا شكل البومبيه مبيخليش العربية متزنة خاصة في المنحنيات لما بتكون الاجزاء العالية من الطريق في الاتجاه القريب من محور الطرد المركزي للملف ((وليس العكس كما هو مفترض)) وده بيقلل ثيات العربية
الطرق دي بتبقي فيها اجزاء خشنة كتير قرب الاماكن المعتاد الفرملة فيها ورغم خشونتها الا انه اثناء المطر بتفقد السيارة تماسكها لقلة مساحة تلامس الاطارات مع الارض..
واخيرا قليل جدا من سكان اسكندرية اللي عندهم طقم كاوتش احتياطي خاص بالمطر

وبالتالي النتيجة ان اي محاولة لاغلاق العجل بالفرملة حتكون نتيجتها حجز طبقة من الماء والوحل (الصابون) بين الكاوتش والطريق وفي وجود الشكل البومبيه للطريق وانعدام التماسك مع ملف حلو ..... توقع انت الباقي واكيد مش حتكون النهاية سعيدة

وهنا الحل ان العجل يستمر في الدوران لكن بعجلة سرعة متناقصة وبالتالي يسمح للسائق بتوجيه العربية وطرد الماء من تحت الكاوتش في نفس الوقت مع الاحتفاظ بمركز ثقل في مستوي قريب من سطح الاسفلت

وده بيتم باسلوب التسقيط كما يسميه البعض
عن طريق ضغط الدبرياج ونقل الحركة لترس ادني ثم الفرملة

وفي انتظار مساهماتكم