الموضوع: مشاكلى مع الشاهين ودايخ على حل

بدون مقدمات اشتريت عربية شاهين موديل 2001 مشيت معايا يومين زى الفل مفيش صوت مفيش تقطيع مفيش اى مشكلة..
فى اليوم التالت جيت ادور العربية الصبح دارت زى الفل برجع بالعربية تمام لسه بديها الاول علشان تتحرك هنا وفصلت العربية احاول ادورها تانى مش راضية تدور (بتدور بس المكنة مبتنطقش) زقيتها علشان تدور برضه مادراتش قولت يمكن نفيهاش بنزين والمؤشر ممكن يكون بايظ وانا من يوم ماجبتها محطتش فيها بنزين
المهم جبت بنزين وانها تدور مش راضيه .... ابنى عمى كلم ميكانيكى وجالى عند البيت وحاول فيها والاخر فك الاسبراتير وقالى عايز وش اسبراتير وشاكوش جبتهم برضوا مادارتش قلى غير الاسبراتير اصل فيه بوش غير ته بواحد تانى ومعرفش طبعا الانواع بس اتضحلى انه صينى المهم فضل يحاول والعربية زى ماهى مش عايزة تدور قالى اسحبهالى على الورشه طبعا بعد مالبطارية نامت من كتر المحاولات... سحبتها على الورشه ورجعتلوا اخر النهار العربية اشتغلت وقالى البيكات كان فيها مشكلة المهم دورت العربية لاحظت انها على التانى بتترجرج ولو مشيت على السلانسية بتبطل وصوتها عالى .
خدتها لميكانيكى تانى يوم وقالى فيه بيجوهين مش شغالين .... هنغير جوان وش سلندر قولتلوا ماشى
غير الجوان والعربية اتظبتطت تمام ومشيت بيها 3 ايام وانا رايح الشغل لقيت العربية بتفصل وانا ماشى على التانى ووقفت منى كلمت الميكانيكى جالى وزقيتها ودارت وخدها على الورشه وقالى هينضف الكربراتير علشان فيه حاجة مسدودة وكان قالى قبل كده ان المكنة خفيفة ومحتاجة طقم شنبر قولت بالمرة اعملوا عملوا ورحت على الورشه باليل وقالى سيب العربية شغالة ساعتين وخدها على البيت على الاول او التانى اقصى حاجة وفى السلانسيه ولما توصل خليها شغالة لغاية الساة 3 الفجر (( البيت بعيد عن الورشه حوالى 5 كيو)) وسابنى قدام الورشه ومشى بعد ماعدت الساعتين جيت اتحرك بالعربية لقيتها فصلت زقيتها واشتغلت ورحت البيت وسبتها لحد الساعة 3 وبعد كده فصلتها .... الصبح ادور فيها مش عايزة تدور لازق زلا ايه حاجة نافعه خدتها لميكانيكى غيره تانى يوم وغير مشط الاسبراتير وغيرت كتاوت للدينامو عند كهربائى جنبه لان البطارية ماكنتش بتشحن واشتغلت العربية تمام وروحت البيت بعدها بيومين العربية بتمشى الصبح او ما اشغلها لمدة 10 دقايق وبعد كدة تفصل على التانى او التالت واستنى شوية تبرد بعد كده تدور روحت للمياكنيكى غيرى المشط تانى بواحد اصلى وقالى الاكس بتاع الكبراتير بايظ غير الكرباتير .. وفعلا غيرته بواحد تانى صوت العربية هدى وبقت كويسة وسحبها تمام بس اول ما أهدى فى اى ملف او مطبت وانا على الانى بتفصل ...لكن طول مانا مشى مابتفصلش ......


ارجوكم ساعدونى علشان انا جبت اخرى معى العربية دى ... قولولى اعمل ايه

انا حصل معايا مشاكل زي دي في عربية سيات كانت معايا زمان كانت بتقطع وتفصل كتير ودوختني السبع دوخات وغيرت طرمبة البنزين وفلتر البنزين وفلتر الهوا والبوبينه ووش الاسبراتير وطقم الكهربا بالكامل كل ده علي مراحل وكل ما اغير حاجه والاحظ الاقي نفس العيب ، المهم اكتشفت ان الميكانيكي وكل الصناعية تقريبا لما بيلاقو الزبون معندوش مشكلة انه يغيير اي حاجه في سبيل اصلاح العيب فبيستسهلوا ويغيرو ، وعليه روحت للميكانيكي وقولتله لو دبحتني مش مغيير حاجة تاني ولازم تشوفلي حل لانك كلفتني كتير وكل اللي اتغير ملوش اي علاقة بالعيب ، الراجل اتكسف طبعا وقعد يفكر شويه وفي الاخر حلها الحل الجذري وطلع اتفه من انك تتخيله وهو انه قام وداها عند بتاع كاوتش وفك خرطوم البنزين من قبل طرمبة البنزين علي ما اذكر وفتح غطا تنك البنزين وخلي بتاع الكاوتش نفخ في خرطوم البنزين نفختين تلاته وهو فاتح غطا التنك وفي الاخر قفل الغطا وركب الخرطوم وعليها العربيه ما شاء الله كانت بتاكل في الاسفلت اكل لحد ما بعتها واللي فهمته في الاخر ان المواسير الواصله من التنك للطرمبه كان فيها سدد ورواسب