-
اويل سيل الكرنك :"(
عربيتي سكودا اوكتافيا a5 كنت منزل شكوي انها بتنقط من تحت روحت للميكانيكي النهارده قالي ده من اويل سيل الكرنك ....ايه هو اويل سيل الكرنك و ده تكلفته اد ايه والمصنعيه بتاعت تركيبه واحسن مكان اركبه فين لانه قالي انى هسقط الماتور والفتيس بس قالي روح القاهره لان مفيش حد فى سوهاج بيشتغل فيها
وقالي ممكن تمشي بالعربيه فتره بس تابع دايما الزيت هل ده صح ولا لأ .... لما روحتله قالي دى العربيه مكنش يعتبر فيها زيت انت ربنا سترها معاك ان الماتور مبظش .... هل اقدر اعرف اذا كان فى حاجه فى الماتور الفتره الي فاتت ممكن تكون فعلا باظت ولا اتأكلت اذاي ... معلش اسف جدا على الاطله بس والنبي حد يطمني :"(
-
-
اويل سيل الكرنك للاسف عيب سخيف جدا لان الاويل سيل ده عباره عن كاوتشه مدوره كده راكبه على عمود الكرنك من اخره لاحكام الزيت داخل الموتور ومنعه من التسرب ومع الوقت الاويل سيل ده بيتاكل وبيجيب زيت وتمنه لا يتعدى 50 جنية ولكن التكلفه بتبقى فى المصنعية
الافضل طبعا انك تروح القاهرة تعمله هناك لان ده حوار كبير بس الموتور مش هيحتاج يطلع بره ممكن الفتيس اللى يتحل بس (لو اللى ناحية الفتيس)
و تاخد معاك جركن زيت وتقف كل 100 كيلو مثلا (او حسب نسبه التسريب اللى عندك) تشيك ع الزيت ولو نقص تزوده
وربنا معاك :)
-
الأويلسيل Oil Seal بشكل عام هو القطعة الكاوتش اللي بتتحط حوالين أي عمود بيدور علشان يمنع الزيت من التسريب أثناء دوران العمود..
http://www.scooterhelp.com/tips/engi...eel.seal01.jpg
فيه منه أنواع كتير وأشكال ومقاسات حسب الاستخدام المطلوب...
http://www.pedparts.co.uk/c/products...arelli_AM6.jpg
تكلفته تعتمد بردو على الاستخدام.. من أول 5 جنيه لحد 500 جنيه (ده بشكل عام... مش شرط في العربيات)..
أويل سيل الكرنك هو أويل سيل عادي بس بيستحمل الحرارة العالية والدوران العالي... فيه منه اتنين في الموتور .. . واحد بيبقى موجود على عمود الكرنك ورا الطارة الرئيسية اللي تحت (بتاعت السير الرئيسي).. والتاني على نفس العمود بس من الناحية التانية ناحية الفتيس ورا الحدافة..
http://repairpal.com/images/managed/...Seal_09.11.png http://www.aa1car.com/library/oil_leaks.jpg
علشان تغير الأويل سيل الأمامي اللي ناحية السير .. لازم الطارة تتشال مع السير طبعا مع أي جزء بيعوق الحركة زي الدينامو وكمبريسور التكييف ...
بس المشكلة إن المنطقة هتبقى مزنوقة خصوصا إن الجزء ده قريب جدا من الفخدة (عند قربة المية اللي في الصورة).. فاحتمال فعلا الموتور يكون عايز يتسقط ... بس غالبا مش هتبقى محتاج تسقط حاجة لو اتفضى مكان كفاية للصيانة.
http://www.saabsunited.com/wp-conten...s/IMG_4218.jpg
إنما لو عايز تغير الأويلسيل الخلفي اللي ناحية الفتيس... فده فعلا لازم تسقطله الموتور علشان تغيره... لإنك لازم تحل الفتيس والحدافة علشان توصله.
طبعا... مراجعة مقاس الزيت لازم تتم كل أسبوع سواء كان الموتور بيسرب زيت أو لأ... وفي حالتك.. لازم تراجع على مستوى الزيت كل يوم وتزود الناقص... لحد ما تغير الأويل سيل.
للأسف .. مفيش حاجة تقدر تعرف بيها إذا كان فيه حاجة حصلت في الموتور ولا لأ إلا إذا فتحنا الموتور وشفنا إيه الأضرار اللي حصلت (ده لو كان حاجة حصلت)... فخلي الأمور كده وربنا يسهلك إن شاء الله..
بس إوعى تطنش موضوع الزيت ده نهائي... لإن الزيت هو روح الموتور.
...
Content Relevant URLs by
vBSEO 3.6.0 PL2