بخصوص البلاي ستيشن

**mido3_gho** · 15-09-2015 09:04 AM

سلام عليكم

عاوز اجيب بلاي ستيشن للولد .. واكل دماغي عليه

بس القصة ومافيها إنى اصلا معرفش اى حاجة عن الجهاز غير إنه إنتاج سوني بس

غير كده لا اعرف عنه حاجة

اللى اعرفه إن في انواع من 3- 4 بس

طيب لو عاوز اجيب واحد إيه الانواع اللى اجيبها اللى سمعته إن فيه موديلات

فابعد إذن الشباب ... إيه الانواع وافضل نوع إيه اللى اجيبه

علما إنى في السعودية

**M.Mosaad** · 15-09-2015 10:55 AM

ps4 هو الاجدد سيبك من ps3 راحت عليه

الموديلات كلها شبه بعضها الاختلاف الوحيد ان سوني نزلت واحد بهارد 1 تيرا فدة هيبقي افضل طبعا و فرق السعر عن ال 500 جيجا مش كتير

الخلاصه هات موديل 1 تيرا و يكون معاه اكتر عدد العاب - طالما في السعوديه اعتقد هتلاقي باندلز حلوة و شوف هو بيميل لاي نوع من الالعاب و ركز في الباندل اللي فيه الالعاب اللي بيحبها

**Bassem Youssef** · 15-09-2015 01:35 PM

Ps4

**mikho83** · 15-09-2015 03:58 PM

بعد إذن صاحب الموضوع، لو عايز أجيب بلاي ستايشن وأشغلها في محل الأفضل ايه؟ يعني عايز حاجة تتحمل

**mido3_gho** · 15-09-2015 05:34 PM

المشاركة الأصلية كتبت بواسطة m.mosaad

ps4 هو الاجدد سيبك من ps3 راحت عليه

الموديلات كلها شبه بعضها الاختلاف الوحيد ان سوني نزلت واحد بهارد 1 تيرا فدة هيبقي افضل طبعا و فرق السعر عن ال 500 جيجا مش كتير

الخلاصه هات موديل 1 تيرا و يكون معاه اكتر عدد العاب - طالما في السعوديه اعتقد هتلاقي باندلز حلوة و شوف هو بيميل لاي نوع من الالعاب و ركز في الباندل اللي فيه الالعاب اللي بيحبها

أولا معلش وبالراحة عليا شوية .. إيه الباندلز دا ؟؟؟؟

العاب كلها سيارات - حروب - تصميمات

**M.Mosaad** · 16-09-2015 10:21 AM

المشاركة الأصلية كتبت بواسطة mido3_gho

أولا معلش وبالراحة عليا شوية .. إيه الباندلز دا ؟؟؟؟

العاب كلها سيارات - حروب - تصميمات

باندل يعني ال PS4 و معاه لعبه او لعبتين مثلا بسعر اقل - بيعملوها برة ايام الكريسماس و كدة - و اعتقد في السعوديه هتلاقي محلات بتعمل عروض تشتري الPS4 و معاه مثلا 4 لعب بسعر حلو فعلشان توفر في الاول لا سعر اللعب غالي شوف ابنك بيحب لعب ايه او حتي خليه يقعد علي اليوتيوب و يتفرج علي جيم بلاي لشوية لعب و بعدين هات الباندل اللي فيه اللعب دي

و برضه خلي بالك حسب سنه لان في لعب بتبقي 18+ زي GTA اللي مفيش طفل مش بيلعبها و فيها مناظر خارجه كتير و الاهل اخر طناش لانهم مش عارفين

يعني قبل ما تجيب اللعبه لازم تعرف ال Rate بتاعها ايه و لسن كام لان في العاب مثلا 18+ علشان مشاهد عنف و في علشان مشاهد جنس ...الخ

لو هتقدر تستني لنص شهر 11 كدة في حنفية العاب نازله علشان موسم الاعياد فهتلاقي برضة باندلز حلوة لالعاب جديدة

**M.Mosaad** · 16-09-2015 10:25 AM

المشاركة الأصلية كتبت بواسطة mikho83

بعد إذن صاحب الموضوع، لو عايز أجيب بلاي ستايشن وأشغلها في محل الأفضل ايه؟ يعني عايز حاجة تتحمل

الي ps4 كله زي بعضه الاختلاف الوحيد في نسخ هارد 1 تيرا و في نسخ هارد 500 جيجا - غير كدة بيبقي اختلاف الوان - لو لمحل اعتقد هتجيب النسخ ديجيتال يعني هتحملها من الانترنت علشان مش كله شوية هتدخل cd

و مش متاكد بصراحه سوق الps3 في المحللات لسه شغال و لا لأ

**sas5** · 16-09-2015 11:12 AM

السلام عليكم ورحمه الله
طبعا ps4 هو الاحدث ولكن فى مصر ps3 هو الافضل لانه معول له هاك وتنزل الالعاب على الهارد دسك.
وقارن مابين سعر اللعبه فى ps4 وسعر اللعبه فى ps3

**mido3_gho** · 16-09-2015 06:06 PM

طيب بخصوص الالعب .. هوا انا بشتريها ولا بلاقيها علي النت ولا إيه موقفها بالظبط

يعنى كل ما يجي يلعب لعبة نشغلها علي cd ولا إيه

طبعا اعتقد هوا مش هيلعب لعبة وحدة .. انا عاوز العاب كتير للولد .. كل لعبة هشتريها .. انا بسمع ارقام عالية اوي

ولا الألعاب بتنزل علي النت ولا إيه موقفها ؟؟؟

**fepsceasar** · 17-09-2015 11:18 AM

المشاركة الأصلية كتبت بواسطة mido3_gho

طيب بخصوص الالعب .. هوا انا بشتريها ولا بلاقيها علي النت ولا إيه موقفها بالظبط

يعنى كل ما يجي يلعب لعبة نشغلها علي cd ولا إيه

طبعا اعتقد هوا مش هيلعب لعبة وحدة .. انا عاوز العاب كتير للولد .. كل لعبة هشتريها .. انا بسمع ارقام عالية اوي

ولا الألعاب بتنزل علي النت ولا إيه موقفها ؟؟؟

البلايستيشن 3 ممكن يتهكر ويبقى عندك على الهارد العاب كتير بمبلغ بسيط لكن ما فيش لعب اون لاين الا للاسطوانة الاصلية ما ينفعش لو اتهكر يدخل على النت لان الجهاز ممكن يجيله حظر
هو بصراحة الاون لاين احسن متعة فى البلايستيشن بس برضو على حسب تفضيلاتك فى السعر
البلايستيشن 4 لازم اسطوانات اصلية لانه لسة ما اتهكرش ..بس طبعا سنة ولا حاجة وممكن ينزله تهكير في ناس قاعدة لكدة

الموضوع: بخصوص البلاي ستيشن

LinkBack

أدوات الموضوع

عرض

بخصوص البلاي ستيشن - انشر الموضوع فى :

-

-

-

-

المواضيع المتشابهه

خبراء البلاي ستيشن 3

مواقف وطرائف البلاي ستيشن حاجة مسخرة ...!!

بورسعيد ... بلد البلاي ستيشن و البزرميط

لخبراء البلاي ستيشن، وخصوصا بلاي ستيشن 3

في اي حد قدر يشغل البلاي ستيشن تو علي الكمبيوتر

الكلمات الدلالية لهذا الموضوع

المفضلات

المفضلات

ضوابط المشاركة