بص يا باشا اولا اهلا بيك فى منتدانا الجميل.
انا معايا العربيه دى بس 2006 هى عربيه جميله جدا و بيميزها الثبات(اقل من الفيكترا شويه) و التحمل (انا ماشى بيها 115000 كم و زى الفل) و موضوع الشكل ازواق(انا شايفه حلو)و سحبها حلو مقارنه بالفيكترا (عن تجربه) و طبعا انت عارف صاج الاوبل .انا شايف عيوب العربيه تتلخص فى :
1-ناشفه فى المطبات (انت راكب اوبل و عارف ان ده بيفيد فى الثبات).
2-نورها ضعيف الى حد ما.
3-الكلاكس بتاعها على هيئه زرارين فى يمين التاره و شمالها (غير مريح) و الزراير دى بتتقطع و حلها انك تغير ايرباج (فى التوكيل ب7000 جنيه و مش موجود)متخافش موجود بره المانى ب 500 جنيه استعمال خارج و انا غيرته.
4-البرومه بتيجى فى الدواير بتاع الرفارف.
5-خامات الصالون فقيره شويه وتقفيلها وحش.
متتخضش من العيوب دى (حاجات مش مهمه اوى لو بصيت لمميزات العربيه) وانا متكلمتش كتير عن مميزاتها لانك راكب اوبل(اوبلاوى قديم و عارف ).
اكتر حاجه بتعجبنى فى العربيه دى الكيك داون بتاعها و صوت الموتور.
لو فى اى استفسار انا تحت امرك و استنى ردود الرجالد الكبار بتوع المنتدى لانى مش الوحيد الى معاه العربيه دى .
اهلا بيك مره تانيه فى المنتدى.:k49::k1::k32:
المفضلات