المكنه بتاكل زيت!!

**SpikeX7** · 17-09-2015 01:31 PM

بعد اذنكم.. الميكانيكي كان قالي من فتره ان الماكينه بتاكل زيت.. امبارح جيت ابص ع الزيت حسيته ناقص.. وكان معايا حبه زيت زودتهم.. بس حبه مش قليلين.. لترين الا خبه او لتر ونص.. كان بقالي فتره بسافر بالعربيه مسافات بس مش طويلة اوي يعني
العربيه مبتدخنش ومفيش مشكله في المطالع.. حته المطالع دي.. اقيمها من وضع ثبات ولا لو انا على طريق سريع وطالع كوبري.. لو من طريق سريع مفيهاش مشكله.. وضع ثبات مجربتش.. العربيه ماتريكس 2006 عامله اكتر من 60 الف بحاجه بسيطه..

**Ahmed_BYD_F0** · 17-09-2015 02:00 PM

طبعا علشان تقيس الزيت صح لازم تكون دايرة لمدة خمس دقائق وبعدين تبطل العربية وتستنى دقيقة وتفتح الكبوت وبعدين تشيل مقياس الزيت وتمسحه بفوطة وبعد كده تحط مقياس الزيت تانى مكانه وبعدين تستنى شوية بسيطة وتطلع المقياس وتشوف المؤشر لازم يكون ما بين الـ Min والـ Max ولولقيته اقل من الـ Min زود الزيت شوية شوية لحد متلاقى الموشر قرب من الـ Max ويا ريت متزودش لحد ما يعدى المؤشر