ايه هي مواصفات و اسعار سوزوكى سويفت ٢٠١٦ و هل هي نزلت و لا لسه،و ايه المعارض اللي موجودة فيها؟
و يا تري فيه منها خليجى و لا وكيل بس؟
:yeah:
عرض للطباعة
ايه هي مواصفات و اسعار سوزوكى سويفت ٢٠١٦ و هل هي نزلت و لا لسه،و ايه المعارض اللي موجودة فيها؟
و يا تري فيه منها خليجى و لا وكيل بس؟
:yeah:
ياريت اللي معاه سويفت ٢٠١٥ يقولنا تقرير مفصل عن العربية دي
شوية توضيحات للناس اللى بتسأل او ناويه تشترى السويفت...انا معايا السويفت بلس 2016 ولسه معملتش 220 كيلومتر اصلا بس دي شويه ملاحظات لازم اقولها نظرا لطبيعه شغلى كمهندس ميكانيكا سيارات:
1-الموتور بتاع السويفت 1.2 VVT مصمم خصيصا علشان توفير الوقود ومستخدم فيه مواد خفيفه زى الالومنيوم علشان تخفيف وزنه...اعتبر الموتور ده ليه حالتين:
A- قبل الـ 3000 RPM بيبقى موتور كسلان شويه...تجميع الى حد ما بطىء وثابت وده مفيد فى حاله القياده داخل المدينه لانه بيوفر فى استهلاك الوقود جدا.
B- بعد الـ 3000 RPM الدنيا بتختلف تماما والتسارع بيبقى هايل على حساب استهلاك الوقود طبعا.
Its a happy revving engine, you get all the power at a higher RPM, the idea is to have a dual zone RPM range, one for better fuel consumption and one for highway roads or performance attitude.
لو حابب انك تلاقى عزم جاهز تحت رجليك من اول 1000 RPM من غير ماتحرق على الموتور...السويفت مش ليك.
2- انا شخصيا اشتريت العربيه دى علشان كام حاجه يمكن الناس مش واخده بالهم منهم قوى...التماسك بتاعها فى الملفات و نظام التوجيه الحاد جدا وصغر قطر الدوران..نظرا لأن الشاسيه و نظام التعليق مر بكذا مرحله تطوير على مدار السنين...حاليا هما وصلوا للـ Perfection في رأيي المتواضع.
3- التكييف كويس جدا مع العلم ان صوت المروحه الخارجيه عالى الى حد ما..بس التكييف ممتاز.
4- صوت الكاوتش واضح ومزعج حتى لو قافل كل الزجاج...وده بسبب نقشه الكاوتش و طبعا علشان الاسفلت القذر بتاع شوارعنا...فى حاله السير على طريق متسفلت حديثا الصوت بيقل بدرجه كبيره جدا.
5- الفرامل هايله واستجابتها سريعه مع العلم انى لسه فى فتره التليين.
6- البلوتوث وسهوله شبك الموبايل مع الكاسيت نفسه وجوده الصوت فى المكالمات ووضوحها كويس جدا جدا وعالى لدرجه انه بيسمع كل اللى جنب العربيه فى خللى بالك smile emoticon
7- سعه الشنطه صغيره فعلا ماتتوقعش انك تاخد شنط كتير معاك وانت مسافر.
ده اللى انا اقدر اقولوا دلوقتى مش هاينفع احكم على استهلاك او اعتماديه حاليا...لو بتفكر بعقليه مصريه خالصه و بتفكر فى البيع قبل الاستهلاك ويهمك كلام الناس انك جايب هاتشباك بـ120000 و عايز عربيه فيها كل حاجه وبتعمل كل حاجه فبلاش تجيب السويفت smile emoticon اعرف ظروفك ايه ومحتاج العربيه فى ايه وقرر وماتدفعش فلوس فى عربيه مافيهاش وسائل امان...حرام عليك نفسك واهلك اللى راكبين معاك.
I wrote this on the Suzuki Swift Club Facebook page, i hope it helps :)
http://www.nilemotors.net/Nile/473741-3300.html
يا رب يفيدك
انا لسه شارى سويفت 2016 من 4 ايام لاخويا جايبنها ب 129000 والتعديلات اللى فيها زرار ستارت انجن والبصمة والبلوتوث والتكييف تاتش وعلى فكرة الناس كانت بتقول فيها ايرباج واحد للسواق اللى اشتريتها 2016 فيها 2 ايرباج واحد للسواق وواحد للراكب اللى جنب السواق وعلى فكرة العربية جميلة جدا بس اللى ملاحظة فيها هى اوتوماتيك الاستجابة فى الاول مش سريعة زى مانا كنت متخيل لكن على الطرق السريعة السحب كويس بعد 80 ولو قرصت على الدواسة السحب بيتحسن اكثر ولكن على حساب استهلاك البنزبن ولو سواقتك عادية هتجيب 100 والار بى ام مش محصل 2.5 وده كويس