الموضوع: محتاج عربيه ستروين

انا شاكر لاهتمامكم يا جماعه و الرد
بصراحه حاولت اضبطت العربيه علي
٣٥ او ٣٦ و الراجل ماسك علي ٣٨
فاقلتله مش حشتري وصل معي ل٣٧
و الله انا حخلص و اخلص معا اني شايف ان ٣٥ كان سعر منصف
المشكله ان كل العربيات المستعمله بتكون معديه ال٢٠٠ اللف كيلو
دي ماشيه ١٤٨
انا لقيت عربيات ماشيه ٢٧٠ ب٣٨ و ٣٧ و خفت من الكيلو ميترات دي
عشان كده قلت اخلص

المشاركة الأصلية كتبت بواسطة hazem elsayed

انا شاكر لاهتمامكم يا جماعه و الرد
بصراحه حاولت اضبطت العربيه علي
٣٥ او ٣٦ و الراجل ماسك علي ٣٨
فاقلتله مش حشتري وصل معي ل٣٧
و الله انا حخلص و اخلص معا اني شايف ان ٣٥ كان سعر منصف
المشكله ان كل العربيات المستعمله بتكون معديه ال٢٠٠ اللف كيلو
دي ماشيه ١٤٨
انا لقيت عربيات ماشيه ٢٧٠ ب٣٨ و ٣٧ و خفت من الكيلو ميترات دي
عشان كده قلت اخلص

الاكسارا متخفش من كيلواتها والله مع ابن خالتي ماشيه 400 الف وبسم الله ما شاء الله جميله مع انه مبهدلها ومبيظبطهاش وكانها مقلب زباله بس تركبها متعرفش تركب بعدها دايو ولا هيونداي ولا الكلام الفارغ دة

رحت شفت امبارح مازدا فاميلي موديل 2000 وكانت الفاجعه !!!! فتيس اوتوماتك بينتش وضايع عداد كيلوات متصفر بيقول مكنه جديدة من 6 شهور بس فيها شرخ في المكنه عايزة كبوت ورفرفين وباب شمال وطبعا كانه راششها عند نقاش داهنها بالفرشه والشنب معووج وراشش والشنطه فيها خبطه جامدة معووجة من تحنت الاكصدام وراششها والاكصدامات راكبه بمسامير شك كلها وضايعه ومدغدغه والتكييف بايظ وبيتهيالي عايزة جوان وش سلندي للمكنه الجديدة ههههههههه وكهربا مش مظبوطه وطبعا عايزة طنابير وتيل جداد دا غير الصيانه العاديه السيور والفلاتر وبطانات الابواب مدغدغه وعايزة 4 فرد كوتش تتكلف كام بقي علشان تتظبط والعتب بتاعها ملحم كانها كانت في وارشه لحام بيتعلموا فيها الصبيان الجداد ومعمول شغل في العتب والقواليم من تحت كتتتتتتتتير اوي


والنعمه الاكسارا المانيوال برقبه ابوها في الركوب

و الله يا جماعه الحوار مضبطش
انا رحت الاول مشيت بيها لقيتها مع التكيف بتسخن ل١٢٠
المهم كنت رحت بيها عند عبد ربه بتاع الازريطه في الاسكندريه بالمتاسبه انا مقلتش قبل كده اني من اسكندريه
المهم هناك ناس محترمه جدا و فهمين في العربيه قوي قوي هو اشرف عبد ربه ابن صاحب المحل و صابر المساعد بتاعه
المهم الراجل كان بيقول ان الحرارة دي عادي لانه راح بيها لتلت ميكانيكيه قلوله الفرنساوي كده بيسخن
صابر فك دورة المياه كامله اتضح ان كلها هوا و ان العربيه بتتبرد بفعل البخار اللي في اول الخط
المهم ضبطناها
جينا نوصلها كمبيوتر لقينا ان الكمبيوتر مش بيوصل ولا بيقرا ولا كأننا موصلين حاجة
تاني حاجة عداد السرعه واقع و مش بيقري و عشان يتغير لازم نغير التابلوة كامل بطقم العدادات و في الحاله دي حيقري الرقم اللي عليه العداد الجديد لو كان اعلي و لو كان اقل حيقري رقم العربيه دي
لقيناه كمان لاغي الاموبليزر و العربيه شغاله باي مفتاح
و كمان لاغي سنتر العربيه الاصلي و مركب انذار عادي
المهم بعد كل دا رافض ينزل في السعر عن ٣٧

المشاركة الأصلية كتبت بواسطة hazem elsayed

و الله يا جماعه الحوار مضبطش
انا رحت الاول مشيت بيها لقيتها مع التكيف بتسخن ل١٢٠
المهم كنت رحت بيها عند عبد ربه بتاع الازريطه في الاسكندريه بالمتاسبه انا مقلتش قبل كده اني من اسكندريه
المهم هناك ناس محترمه جدا و فهمين في العربيه قوي قوي هو اشرف عبد ربه ابن صاحب المحل و صابر المساعد بتاعه
المهم الراجل كان بيقول ان الحرارة دي عادي لانه راح بيها لتلت ميكانيكيه قلوله الفرنساوي كده بيسخن
صابر فك دورة المياه كامله اتضح ان كلها هوا و ان العربيه بتتبرد بفعل البخار اللي في اول الخط
المهم ضبطناها
جينا نوصلها كمبيوتر لقينا ان الكمبيوتر مش بيوصل ولا بيقرا ولا كأننا موصلين حاجة
تاني حاجة عداد السرعه واقع و مش بيقري و عشان يتغير لازم نغير التابلوة كامل بطقم العدادات و في الحاله دي حيقري الرقم اللي عليه العداد الجديد لو كان اعلي و لو كان اقل حيقري رقم العربيه دي
لقيناه كمان لاغي الاموبليزر و العربيه شغاله باي مفتاح
و كمان لاغي سنتر العربيه الاصلي و مركب انذار عادي
المهم بعد كل دا رافض ينزل في السعر عن ٣٧

هههههههههههههههههه وماسك في 37 والله العربيه دي لو ببلاش متشتريهاش حرام عليك نفسك دا شخص معفن اللي يعمل كدة في عربيه زي دي اوعي تركبها انتا لو تقدر تنزل الحرفيين هتلاقي هناك اي حد عندو مركز صيانه ستروين هيجبلك واحدة باذن الله
انا ان شاء الله ناوي اروح الجمعه الجايه اشوف واحدة


ومتقلقش انا بقالي 3 شهور بدور علي اكسارا وكانت بتجيلي حالات اكتئاب والاقي حاجة تانيه ابص عليها بس المشكله ان 99% من العربيات مشمومه مش عارف ليه محدش بقي يبيع عربيه فيها امل انها تنفع نفسها تاني وكل ما تكلم واحد يقلك دي فابريكه وحالتها ممتازة تروح تلاقي العربيه راشه دواخل ومعووجه والمكنه تعبانه والعفشه هباب والدنيا بايظه

ادعولي في اكسارا هشوفها انهردة باذن الله

انا عارف ان فيها شغل بس يارب تكون اساسيات سليمه ومرشتش جوة والباقي مقدور عليه