الموضوع: عاجل جدا لخبراء السيراتو

من كام يوم وانا مسافر نويبع جنوب سينا اصلى مقيم هناك المهم العربية سخنت سيراتو 2010
اللمبة بتاعت الحرارة نورت .وقفت لقيت الريداتير فاضى استنيت لحد مابردت ودورت وكملت الريداتير مية ومشيت .وبعد شوية اللمبة نورت تانى وقفت لقيت الريداتير فضى تانى وكنت وصلت نص المسافة .
كلمت ميكانيكى قاللى شيل حساس الحرارة وكمل ومتقفش المهم عملت زى ما قال والعربية مشيت
طبيعى لحد ما وصلت .
وفى نويبع روحت للميكانيكى وحكيت اللى حصل معايا قاللى دة جوان وش سلندر .حاولت اتناقش معاه ان العربية جاية من مشوار طويل ومفيش مشاكل غير ان المية بتنقص
المهم فى النهاية غير الجوان .المشكلة ان العربية الوقتى مفيهاش عزم خالص خاصة فى المطالع .واحنا عندنا هنا المطالع كتير وطويلة جدا والمطلع اللى كنت اطلعة 150 بقت اطلعة 80 كيلو بالساعة وبالعافية وبقة فيه نتشة ضعيف على السلانسية ومش عارف دى مشكلة الجوان اللى اتغير ولا طلمبة بنزين ولا رشاشات ولا مباين ولا اعمل ايه .
واسف على الاطالة

انا لو مكانك تروح توكيل احسن