جامده اوى ان نمره العربيه 122
دى متفصله على مقاسه بالضبط
عرض للطباعة
دى مش غلطته بس
غلطة اللى سابوه يعمل كدة كمان
اتعشم ان النمر الجديدة تخلصنا من البلاوي دي كلها
وميبقاش في نمرة ونمرتين
كنت في مرور السواح من أسبوع بنرخص عربية واحد صاحبي جديدة
واقفين في الشباك قدام صول أو أمين مش عارف هو ايه بالظبط بس هو دا الشخص اللي قالولنا في الآخر خالص نستلم منه الرخصة والنمر الجديدة واحنا كنا أول ناس بدري أوي وفضلنا واقفين قدامه وهو بيجهز الشيت اللي بيكتب فيه سيريال النمر اللي هيوزعها في اليوم دا !!!
المهم سألناه طبعا ايه نظام النمر الحلوة والحركات وكدة فكان رده علينا بالنص : النمر كلها جاية كدة من المرور ومحدش يقدر يعمل اي حاجة في الموضوع دا
فضلنا واقفين قدامة على الشباك لقيناه عمال يسطر في ورقة كدة ويكتب النمر !!فلاحظت الآتي :
- بيبدأ بـ سيريال معين من الكرتونة وبعدين يكمل باقي الشيت من دماغه
- بدأت ألاحظ ان لما بييجي يكتب سيريال فيه رقمين أو تلاتة شبه بعض مش بيكتبهم وبينط على الرقم اللي بعديهم بحيث لما تبص في الشيت اللي هو عاملة ماتلاقيش اي رقم شكلة حلو
مثلا يومها كانت النمر : ب ق أ 357
بيفضل يكنب سيريال 358 وبعدها 359 . . . لحد مثلا 365 وييجي عند 366 يسيبها ويكتب 367
احنا استنتجنا ان عنده أوامر يطلع الأرقام دي عشان بيتصرفوا فيها بمعرفتهم!!! مجرد استنتاج
بيتهيألي مافيش فايدة
هو ده القانون الجديد ولا ده عنشوفه كتير بعد كده
مجرد انا بستفسر على هذه المناظر
ده اكبر مثال ان الناس قدام القانون سواسيه كأسنان المشط...
حسبي الله و نعم الوكيل...
يا جماعة الراجل اتصرف اهو يمكن ملقاش نمر فى المرور فاتصرف برضه
ثم انتو عايزين الناس اللى بتطبق القانون تركب نمر زينا هو ده كلام برضه
قله ادب
ههههههههههههههههههههههههه ههههههههههه
*****
* بالنسبة لرقم 366 كنت سمعت من واحد في المرور أنه ما فيش أرقام متكررة بمعني ان الرقم ميتكررش في نفس النمر يعني ما فيش 366 أصلاً
* كمان سمعت أن رقم ال (0) غير مستخدم
* وبصراحة أنا مش متأكد إن كان الكلام دة صح ولا غلط
* ياتري في حد شاف أي نمر فيها رقم مكرر أو أي نمر فيها (0)
فعلا مفيش اى اصفار او ارقام متكررة فى النمر الجديدة.
انا سمعت كده برده...
و ماشوفتش ارقام مكرره ولا رقم 0 في اي عربيه معلقه النمر الجديده