يا ناااااااااااااااااااس هاتجننننننننننن خلااااااااااااااااااص

**eng_yeso** · 20-11-2008 11:44 AM

يا جماعة لو سمحتم ارجو المساعدة من كل الاوبلاوية هنا
انا عايز اشترى كورسا موديل 94 او 95 الكالملة ال1200
وحاسس انها عربية شبابى جامدة وبتاعة جرى وسحب وكدة يعنى بس فى ناس كتييييير ومنتديات اكتر بتقول بلااااااااااش عشان اسعار قطع غيارها نار ومش موجودة كتير ومش اى صنايعية بيشتغلو فيها وبيقولو كمان ان البولو والابيزا احسن منها بكتيرفى كعربيات فى نفس الفئة يعنىز ارجوكم افيدونى لانى خلاص هاتجنن

**eng_yeso** · 20-11-2008 03:34 PM

يا جماعة بالله عليكم ردو افيدونى يا اهل الخبرة واسف على الازعاج
وشكرا

**KHALED AYMAN** · 20-11-2008 06:26 PM

بص ياباشا انا شايف انها عربيه كويسه لان الاوبل كويس اساسا .
استنى رد (احمد علاوى )لانه معاه العربيه دى و عنده خبره كبيييييره فيها.

**Ahmad Allawy** · 20-11-2008 08:33 PM

ربنا يخليك يا حبيبي.. اديني وصلت.ز
العربية حلوة و كويسة جدا بس يعيبها انها مش بتاعت جري.. عكس كلام الناس اللي بيتقال ليك ده..
هي شكلها شبابي جدا.. لكن السحب.. وحش طول ما انت علي التاني.. بعد كده كويسة..
و سحبها ضعيف. و جريها مش بطال.ز اخرها 140 او 145 لو قفلت سرعتها مع ان العداد 200.. بس مكتوب علي النت ان اخرها كده..
قطع غيارها بتتباع مستعمل علي الرصيف.. موجوده و رخيصة.. و كتير..
و جديد موجوده برضه.. و في بدل الماركة 5 في جي ام و ماركات تانية الماني كويسة.. و حاجات كتير من بتاعت الدايو بتركب عليها و صيني و مصري.ز و كل اللي عايزه موجود..
في منها حاجات غالية شوية.. بس اللي هي بتتغير مرة ف العمر..
باقي الحاجات سعرها عادي جدا.. و لازم اللي يشتغل فيها يكون بيفهم و متخصص اوبل..
و دول الحمد لله كتير.. و نفقدر نفيدك في بدل الواحد 10..
العربية عفشتها ضعيفة نسبيا.. مش بتتحمل الطرق الغبية.. لكنها بلالنسبة لعربيات تانية كتير تعتبر معمرة جدا.. ناشفة شوية.. لكن ثباتها كويس جدا جدا.. ممتعه ف الجري عشان الغرز.. سهلة موت..
الابيزا و البولو نفس الكلام علي قطع الغيار.. يمكن اغلي في بعض حاجات كمان..
و لازم اللي يشتغل فيهم يكون متخصص فولكس..
يبقي الوضع متشابه.. بس الابيزا ثباتها اعلي فعلا.. و موتورها اقوي حاجة بسيطة.. بس الفرق مش كبير..
اركب و شوف و اتفرج.. و العربية اللي ترتاح فيها منهم اشتريها.ز المستوي متقارب. و مش هتندم لو ركبت اي واحدة فيهم..

**eng_yeso** · 21-11-2008 12:36 AM

الف شكرا يا استاذ احمد على ردك الوافى وربنا يكرمك بجد
بس انت منين فى اول كلامك قولت انها مش بتاعت جرى وفى الاخر قولت انها ممتعة فى الجرى عشان الغرز؟؟؟؟؟؟؟
ومن خبرة حضرتك ترشحلى انهى عربية من ال3 او ترتيبهم كاولوية من وجهة نظرك اية؟؟؟

**Ahmad Allawy** · 22-11-2008 08:34 PM

شوف يا سيدي الفاضل..
هي مش بتشد جامد.. و تجحميعها مش جامد.. علي قدها ف الحاجات دي..
يعني مش بتاعت شد مواتير..
لطن لما بتجمع.. حلوة جدا.. و ميزة الغرز.. مش هتهدي جامد لما تنزل للدرجة اللي بيبقي تجميعها فيها وحش.. هتفضل في الحدود الظريفة.. و تاخد الغرز براحتك.. من غير قلق..
الترتيب.. الابيزا.. و الكورسا و بعدين البولو..
لو عايز تعرف ليه.. قولي..

**eng_yeso** · 27-11-2008 05:23 PM

ايوة طبعا عايز اعرف لية؟؟؟؟؟؟؟؟؟؟؟؟

**sh23** · 27-11-2008 05:31 PM

المشاركة الأصلية كتبت بواسطة Ahmad Allawy

شوف يا سيدي الفاضل..
هي مش بتشد جامد.. و تجحميعها مش جامد.. علي قدها ف الحاجات دي..
يعني مش بتاعت شد مواتير..
لطن لما بتجمع.. حلوة جدا.. و ميزة الغرز.. مش هتهدي جامد لما تنزل للدرجة اللي بيبقي تجميعها فيها وحش.. هتفضل في الحدود الظريفة.. و تاخد الغرز براحتك.. من غير قلق..
الترتيب.. الابيزا.. و الكورسا و بعدين البولو..
لو عايز تعرف ليه.. قولي..

****
هي الغرز بقت ميزة
والله حرام عليكوا يا شباب & بلاش الغرز إلا في حالة الإضطرار وخلي بالكو من اللي ماشيين معاكوا ف الطريق
ربنا يسترها معاكم ومعانا

**Ahmad Allawy** · 27-11-2008 07:19 PM

شوف يا باشا..
الابيزا اكبر و اعرض و مش باور و مش مكيفة.. يعني نفس الكماليات..
و انا باتكلم علي موديل 94 اللي هي في نفس حدود السعر..
و برضه موتورها اقوي شوية.ز يعني 1300 و كاربيراتير..
ف الشد و الجري و الثبات اعلي من الكورسا و البولو..
و سعرها كويس.. و قطع غيارها مشتركة مع حاجات كتير فولكس جولف 2

نيجي بقي للبولو.. اصعر من الاتنين.. و موتور 1000 سي سي
بس غالبا فول انجيكشن.. بس مش متأكد ولو حظك كويس تقع في واحدة 1300 كاربيراتير.ز و دي قليلة قوي..و قطع غيارها اغلي شوية من بتاعت اوبل..

**Ahmad Allawy** · 27-11-2008 07:25 PM

المشاركة الأصلية كتبت بواسطة sh23

****
هي الغرز بقت ميزة
والله حرام عليكوا يا شباب & بلاش الغرز إلا في حالة الإضطرار وخلي بالكو من اللي ماشيين معاكوا ف الطريق
ربنا يسترها معاكم ومعانا

طبعغا يا باشا الغرز ميزة..
دي بتنقذ ارواح ناس.. و ده حصل معايا انا شهصيا اكتر من مرة.. مش مرة واحدة..
و بعدين الواحد مش بياخد غرز غباوة..الغرزة ليها اصول.,..
يعني متتاخدش فجأة و استعمال الاشارات.. و متبقاش قطم.. الا ف الضرورة يعني..
و تبقي واسعه يعني ف الامان.. متبقاش مخاطرة..
و كمان عمرك ما تاخد غرزة غير و انت شايف في ايه قدامك.. متطلعش من عربية و تلبس ف الحيط..
طبعا ميزة.. و مقتنع تماما بالرأي ده..
مش لازم يعني اول ما نسمع غرزة يبقي غرزة واحد طاير و بيلع منك بحركة فيها طيش او تهور..
و الواحد ف الغرز دي تركيزه الاكبر بيبقي مع الناس اللي ماشية ف الطريق..

وفي حاجة تانية كمان..
انا لما اكون راجع م الشغل.. و المشوار اللي باخده ف الطبيعي في ربع ساعه اخد فيه ساعة الا ربع.ز و الناس ماشية علي مهلها قوي.. و في اماكن واسعه تعدي عربيات.. قدامهم وولا جنبهم.. و الحاجات دي..
في ناس بالها طويل و هادية..
و في ناس بتتخنق بسرعة زي حالاتي.. مش باستحمل بقي..
الواحد ينجز عشان يخلص..
اصل في ناس بتبقي واخدة الطريق ده فسحة.. ماشي بالرااااحة و بيتفرج علي الطريق.. و اللي بيلعب ف الموبايل.. و الي ماشي علي الخط اللي ف النص علي 40 كم س و كده..
دسي الناس اللي لازم تنجز و تخلص نفسك منهم..