العربيه المرسيدس b150 مش راضيه تدور

**ah_mani** · 21-09-2015 01:34 AM

السلام عليكم .. أرجو المساعده
انا النهاردة رحت اشحن تكييف العربيه عند المركز بتاع م/ابراهيم اللى ورا سوق القنال جسر السويس .. بعد ما شحنت التكييف و مشيت وروحت الجراج لاقيت العربيه مش راضيه تدور تانى خالص مش عارف ليه.
انا كمان لاحظت ان صوت الزنه اللى كانت بتحصل لما اشغل الكونتكت (بتاع الطلمبه تقريبا ) مبقتش موجوده؟
يا ترى حد ممكن يساعدنى يقولى دة ليه؟ وليه حصل بعد شحن التكييف؟ وهل دة بسبب طلمبه البنزين؟
ارجو المساعده علشان اعرف اعمل ايه. وجزاكم الله خيرا.

**ah_mani** · 21-09-2015 01:40 AM

اضافه كمان المارش شغال و العربيه بتحاول تقوم بس مش بتلقط

**م أحمد** · 21-09-2015 03:18 PM

مش لازم تربط بين الحدثين

ممكن فيوز طلمبة البنزين يكون حصل فيه مشكلة اتحرك من مكانه او اتحرق او الطلمبة نفسها عايزة تتغير و فيها مشكلة

**ah_mani** · 22-09-2015 02:13 AM

شكرًا جزيلا م احمد.
هيا طلعت فعلا الطرمبه نفسها بايظه .. للأسف غيرت الطرمبه كلها بس فى حاجه بقى أنى دلوقت لما بشغل الكونتكت مش بسمع صوت الزنه الأولانية بتاع الطرمبه .. هل ده عادى ولا فى حاجه؟

**م أحمد** · 29-09-2015 10:12 AM

المشاركة الأصلية كتبت بواسطة ah_mani

شكرًا جزيلا م احمد.
هيا طلعت فعلا الطرمبه نفسها بايظه .. للأسف غيرت الطرمبه كلها بس فى حاجه بقى أنى دلوقت لما بشغل الكونتكت مش بسمع صوت الزنه الأولانية بتاع الطرمبه .. هل ده عادى ولا فى حاجه؟

بالعكس...انعدام صوت المعدة "الطلمبة " دليل كفاءة و سلاسة فى العمل

**alyamer** · 08-10-2015 02:46 PM

و سمحت بكام و منين

**اشقح** · 09-10-2015 10:47 AM

نفس الموضوع حصل معايا بس مش شحن تكييف المهم العربية وقفت تماما وحلفت ما تدور وروحت بيها عند واحد اسمة الزعيم في شارع الشوكلاني (شارع المستشفي) منة لله
الكمبيوتر ماجبش حاجة وطبعا كميه افتات الكنترول ويتصلح ٥٠٠ جنية راح ورجع ومافيش حاجة اتعدلت
المفتاح الاستبن وجبته ومافيش حاجة طيب غير الحجارة ومافيش فايدة
لحد ما واحد ابن حلال كان واقف وشكر شوية بالعربيه وفي الاخر قالي غير البوجيهات هاتقوم زي الفل وفعلا غيرتها ب١٠٠ جنية العربيه دارت وبقيت زي الفل والحمد لله هذا ان دل يدل ان طرق النصب كتير وفعلا المثل اللي بيقول * اسال مجرب ولا تسالش عالم * مثل في مكانه

المهم انا بدور علي سمكري كويس للمرسيدس بالذات b150 مش لاقي واحد محترم الخبطة بالرفرف الخلفي غير الكماليات مش لاقيها عند حد خالص للاسف العربية دي ماتنفعش في مصر نهائي حتي موقع الشركة نفسه مش لاقي موديل 2006 عليه علشان اجيب قطع غيار ليها للاسف للاسف

**اشقح** · 09-10-2015 11:02 AM

للاسف في الاول كان الكلام ان المارش ولكن الحمد لله الموتور بيدور السيور والاكسات وناس قالت حساس الشكمان وناس قالت بطاريه وناس قالت طلمبة بنزين وناس قالت دا شحن بالمارش زيادة
ياجماعه العربيه عايزة تدور بس مش لاقيه علشان البساتم تكمل مشوارها يعني في حركة وفي مشوار للبستم يبقي اللي ناقص بنزين او مصدر اشتعال الطلمبة مش ليها صوت الكمبيوتر هايقولك انها عطلانة البوجيهات فعلا الحل في هذا الموضوع وان شاء الله بسيطه مش تقلق