الموضوع: العربية بتقف منى بعد ماتحرك بيها شوية وارجع ادورها تمشى تانى عادى

السلام عليكم
العربية نيسان صنى 2005 اوتوماتيك
انا كنت راجع من المنصورة فولت العربية عادى بنزين 92 طبعا
المهم مشيت حوالى 20 كيلو كده ووقفت العربية ركنت علبال ماجيب حاجة رجعت ادورها تانى
مشيت بيها 5 دقائق لقيت اللمبات ال Check كلها نورت حتى فرامل اليد والعربية بطلت
غيرت على ال Parking وبطلت العربية ورجعت ادورها تانى دارت ومشت معايا عادى وبتسحب حلو جدا وبتنقل عادى بس رجعت تبطل تانى بتكركر كده وتقوم مبطلة ومعرفش اتحكم بالدركسيون لازم اقوم مدى Parking وادورها تانى !!!!!! وبتدور وتمشى شوية وبعدين تعمل نفس الكلام !!! بعد ماوصلت ركنتها وسبتها لليوم اللى بعده روحت مشوار قصير 5 كيلو ومعملتش اى حاجة مشت عادى جدا ورجعت بردو اليوم اللى بعده عملت نفس المشوار وبردو مشت عادى جدا لكن النهارده بقى رحت مشوار طويل شوية 20 كيلو جت عند الكيلو تقريبا ال 15 قى الاخر وعملت نفس الكلام المهم انها بتبطل وارجع ادورها تمشى حلو جدا وملهاش وقت مجدد تقف عنده هو ده ممكن يكون مشكلة فى البنزين اللى فيها ولا ايه ؟؟؟؟؟ العربية وهى دايرة مفيش فيها اى لمبة منورة خالص والزيت انا كنت مغيره هى كان فيها مشكلة من زمان لمبة الاعطال كانت منورة ومكنتش بتدور غير بالعافية ومكنتش بتسحب معايا اخرها تجيب التانى وغيرت حساس الكامة والكرنك وبعد كده فعلا اتصلحت وبقت تمشى حلو ماعتقدش ان دى المشكلة دلوقتى بس مش عارف فى ايه يارب حد يفيدنى وشكرا مقدما :)

انا لسه مغير حساس الكامة والكرنك الاتنين !!!!!!
انا روحت خلاص لواحد وقالى المشكلة فى طرمبة البنزين كلها للاسف وفعلا هى بتطلع صوت زنة عالى كده