الموضوع: سؤال فى تغيير الزيت لليارس

شكرا عالردود
سؤال اخير مقلقنى و ياريت لو له رد
انا سمعت ان التغيير من معدنى لتخليقى فى موتور قديم ممكن يضر الموتور , بسبب ان التخليقى عليه اضافات من مواد مذيبة ممكن تذيب رواسب الزيوت المعدنية السابقة و تسد الفلتر او ان المادة المذيبة تبوظ الاويل سيلات و الجوانات ,
انا عربيتى يارس 120 الف كم و كنت باحط موبيل 5000 الxhp تقريبا و ده معدنى , بس كنت بغير الزيت فى المواعيد و بعد الغيار كان نضيف (العربية يا واقفة يا مشاوير طوالى),و حالة الموتور كويسة و صيانة دورية فى التوكيل , و حطيت دلوقتى موبيل 1 التخليقى بالكامل ESP formula و غيرت فلتر , هل ده فى ضرر عالموتور ؟؟ هل لازم انزل الزيت التخليقى بدرى كنوع من انواع التنضيف و شكرا مرة تانية[/QUOTE]




ما عندكش أي مشاكل واتوكل على الله وحط التخليقي.. موضوع ال100 ألف ده خرافة طلعت بسبب سوء فهم الناس للزيوت التخليقية.

الزيوت التخليقية الحديثة ما بقاش فيها التأثير الضار ده.. إلا من بعض الأنواع القليلة.. وغالبا بتبقى نوعيتها رديئة.

حتى الأنواع اللي الأساس بتاعها PAO زي الموبيل 1 ما بقاش فيها الموضوع ده .. وإن كان الحرص واجب بردو.


الموضوع ده فيه الخلاصة

http://www.nilemotors.net/Nile/477071-100.html.

المشاركة الأصلية كتبت بواسطة mbaddar2

حبيت اشارك تجربتى لاداء زيت mobil 1 esp formula عشان الناس تستفاد
العربية يارس 2009 مانيوال فاضية 120 الف كم
غيرت الزيت و الفلتر من بنزينة موبيل اسكندرية - رشدى

طريق السفر اسكندرية للغردقة مع الاستراحة فى القاهرة العين السخنة الزعفرانة
اقصى سرعة 140 و المتوسط 120
اطول مدة للقيادة المتواصلة - ساعتين و نص
متوسط استهلاك البنزين : 8 لتر لكل 100 كيلو (كنت مفول من وطنية القطامية و جيت افول فى السخنة حط 8 لتر للاخر)

الينزينات اللى فولت منها موبيل - وطنية - الامارات (المنصح بيهم من كذا عضو)

المسافة المقطوعة كليا (سفر و رحلات داخلية) 1400 كم

حالة الزيت - الحمد لله المقاس و اللون و اللزوجة متغيروش و طبعا فرق شاسع فى استهلاك البنزين
سؤال بس للبشمهندس borio1704 ليه محستش بعلو صوت المحرك زى مانت توقعت , و ليه متوقع صوته يزيد مع الزيت ده
و ارجو يكون التقرير مفيد

التقرير مفيد جدا طبعا... وده إن دل على شيء فهو بيدل على إننا لو مشينا مع الكتالوج فأكيد النتائج هتكون كويسة.

بالنسبة لتوقع إن الصوت يعلى.. فده جاي أساسا من إن زيوت موبيل 1 تخليقية تماما من أساس غير معدني... وغالبا الزيوت دي بتخلي صوت الموتور أعلى شوية... خصوصا في بداية التشغيل وغالبا في الجو البارد.

ده طبعا غير انطباعات أغلب الزملاء اللي حطوا زيوت موبيل 1.. وكان الانطباع المشترك ما بينهم عموما إن صوت الموتور بقى أعلى.. وده خلاهم يغيروا لماركة تانية على أساس إنهم شايفين إن الزيت مش بيزيت كويس!!!


اللي عايز ألفت النظر إليه إن الصوت ما هواش معيار للحكم على جودة الزيت أبدا.. خصوصا لما نكون بنستخدم زيوت تخليقية متطورة زي موبيل 1.


...