رينو ميجان 2016 وحاجه غريبه!!

**Nfs Rivals** · 14-10-2015 04:53 AM

المشاركة الأصلية كتبت بواسطة ahmed azaizy

الحمد لله النهارده بنضم لملاك الرينو الممتازه ,, اشتريت ميجان بلاى 2016
كان معايا قبلها جولف 5 موديل 2005 ,, تعبت اوى عشان اعرف اركب عربيه محترمه زى الالمانى فى فئه الـ170 الف بس الحمد لله بعد الاستخاره اختارت الميجان الجديده

مبروك ياسبدى

بس فى حاجتين مش فاهمهم !!!
1- العربيه سحبها ضعيف شويه فى الاول ومردتش اقرص عليها عشان لسه جديده لكن المفروض انها رياضيه مش زى الفلوانس عائليه!!

يابيه دة عادى جدا طالما العربية مش عدت ال اﻻف كم.. وكدة بتلين زى ما الشباب جاوبو.. ودة العادى في العجل اﻻوروبي.. مش بيشب زى الكورى واليابانى
مهو كل حاجة وليها حاجة معلش

بعد سرعه الـ50 السحب كويس
طب كويس الحمدلله

لكن قبل كده صوت الموتور اعلى من السرعة

معلش اتأقلم.. اتعامل على كدة مش مشكلة

2- لما بقف على d بحس ساعات بتكه او حركه فى الفتيس كأنه جاب n مثلا لكن هى على نفس الوضع!!

خد بالك دة كوبس وتقنيا كدة الفتيس بيحافظ على نفسه ذاتيا.. منه لنفسه يعنى

انا كنت مبسوط اوى انى خلصت من المستعمل عشان العيوب
ﻻ انت كدة احسن

يا رب ميكونش فيها حاجه تزعلنى منها
يا ببه انت راكب زيرو.. ربنا يباركلك ويفرحك بيها قول امين
هو ميعيبش الفرنساوى والزيرو اﻻﻻ قدر الله في اى ق غيار فالشراء

ياريت خبراء الرينو يفيدونى بالذات انى اول مره اركب فرنساوى وفى حاجات كتير مش فاهمها

زى ايه نانى ياباشا..؟

قول واستفسر مش هنبخل عليك

نورتنا : )

**ahmed azaizy** · 15-10-2015 02:16 AM

المشاركة الأصلية كتبت بواسطة ahmedbasto

السحب وصوت الموتور بلاش نحكم عليهم دلوقتى لأن العربية لسه بتلين بعد تغيير الزيت فى صيانة الألف هتحس بفرق فى العربية
موضوع الفتيس بصراحة مش فاهم قصد حضرتك
بس عموما ربنا يبارك لحضرتك فيها ويكفيك شرها عربية محترمة جدا

فعلا انا منتظر بعد 1000 كيلو وانا كمان محافظ جدا على التعامل معاها فى الفتره دى والـ rpm مش بيوصل لحد 3 ابدا
بس حضرتك بتقول فى التعليق (بعد تغيير الزيت فى صيانه الالف) هى اول صيانه للرينو الف ولا خمسه؟؟
عشان المعرض قال خمسه!!

**ahmed azaizy** · 15-10-2015 02:21 AM

المشاركة الأصلية كتبت بواسطة nfs rivals

زى ايه نانى ياباشا..؟

قول واستفسر مش هنبخل عليك

نورتنا : )

ربنا يخليك انا متشكر ليك جدا على الافاده والمعلومات الموثوق فيها دى
هو بس سؤال بسيط : العربيه دى موتور وفتيس الفلوانس .. لكن سألت ملاك فلوانس كتير عن موضوع الحمايه فى الفتيس ده قالولى مش موجود عندهم!!
هل ده نظام فى الميجان فقط؟؟ ولا ميجان وفلوانس موديلات 2016؟