الموضوع: كورولا خليجي ولا مصري....

المشاركة الأصلية كتبت بواسطة ahmad--ezzat

الخليجي يفرق في الفتيس
بس فيه بصمه بره وجوه
محتاجين حد مجرب العربيه يحكي اكتر عنها

أنا سوقت الإماراتي لمدة اسبوعين تقريبا البيز لاين
نفس أداء الكورولا القديمة بالظبط بس شكل أفضل شوية
المصري مختلفة شوية بس أنا جربتها ربع ساعة بس وحسيت إن عفشتها بتدب بس مش متأكد الخليجي هتدب بردو ولا لأ لأن الإمارات مفهاش مطبات
بس عموما أي عفشة تورشن لازم هتدب
ده غير شكاوى الملاك من المصري من تشققات في الطارة والتابلوه وأصوات في التابلوه ومع إنهم علوها بس العربية بتهبط جامد مع التحميل..في الخليجي معرفش فيها نفس الشكاوى ولا لأ
الفتيس الجديد في المصري حلو جدا غير بتاع النيسان...أقرب لفتيس الهوندا
الفتيس في الخليجي ال 4 سرعات بيخلي صوت الموتور بيعلى شوية بس مش أوي على السرعات العالية
في الإمارات أعلى فئة se+ ال 1600 ب 70500 دي اللي فيها الدخول الذكي وزرار ستارت وواضح إنهم زودوا عليها الكروز كنترول السنة دي..مكنش موجود في 2014 غير في ال 2000 سي سي بس ودي حاجة كويسة

المشاركة الأصلية كتبت بواسطة ahmad--ezzat

حبيبي...معلومات قيمه
احب اضيف ان سعر الكورولا ستاندرد في السعوديه ٥٢ الف ريال في المعارض والنص فل اللي هو بصمه وجنوط ١٦ وحساسات وطاره مالتي وبلوتوث وشاشه ب ٦٢
واحنا هنا العربيه ب فوق ال ٢٠٠ الف
حاجه تحسر

والله كويس..بصمة في النص فول..يبقى الإماراتي أقل نسخة في الكورولا ولا إيه؟
شوف كدا
http://nd-auto-styles-temp-productio...ROLLA_1.6L.pdf

اللي فيها بصمة دي أعلى فئة إسمها SE+
وكاتبين إنها ب 70500
لو نفس العربية عندك ب 62500 تبقى حلوة أوي
باقي بقى تسأل على الحاجات اللي بتبوظ اللي قلتلك عليها بتحصل في التركي موجودة في الخليجي ولا لأ
لو مش موجودة يبقى توكل على الله في الكورولا ثاني أو ثالث فئة بلاش الإستاندرد الفاضية خالص دي لأنها أعتقد بتنزل من غير طنابير خلفية ديسكات

المشاركة الأصلية كتبت بواسطة ahmad--ezzat

الفئه النص فل ف السعوديه بسعر 62 الف في معارض كتير...فيها بصمه وجنوط ١٦ مش ١٥..ووسائد اماميه للسائق والراكب- فرامل مانعه لانغلاق ( abs ) - موزع فرامل إلكتروني ( ebd ) - مساعد فرامل ( ba ) - زر تشغيل - مرايات كهرباء- حساسات خلفيه - جنط - كشافات ضباب - شاشه - بلوتوث - مخرج للشحن بقوة v12 - نيكل من جوانب السياره...واعتقد بصمه للباب
ايه هي الحجات اللي بتبوظ ؟
بالنسبه للمازدا بقي نازله ب ٥٠ الف ستاندرد...فيها كل حاجه الا المثبت والشاشه والجنوط ال ١٨ والفوجات..وطبعا ١٦٠٠....وبصراحه عمري ماشفتها ف السعوديه...قليله جدددداااااا....ومش عارف وضعها ايه ف مصر...الاختيار صعب زي منت قلت فعلا هههه....عموما ان شاء الله هترسي ع الكورولا بس مستني الفيس لفت لاني كمان هجيب كمان ٣ شهور

بصمة وبلوتوث ب 62 بس..يا بلاش
الكلام ده مكنش موجود خالص في 2014
أنا هروح أسأل الفطيم هنا بنفسي

المشاكل في الكورولا المصري زي تشقق التابلوه ناحية ايرباج الراكب الأمامي..أو مش تشقق..هبوطه أكنه فيه فراغ تحته
وكسر الفبر اللي في الطارة في النص بردو بسبب الإيرباج
وهبوط العربية مع التحميل جامد
وشوية أصوات في التابلوه ويمكن إتحلت معرفش
وأه ظهور شكل شجرة في الفانوس الأمامي بس بيتغير في الضمان