الموضوع: بخصوص تركيب Valve Body الخاص بفانتازيا إلى A5

السلام عليكم ورحمة الله وبركاته

الأخوة الكرام .. كل عام وحضراتكم بخير بمنسبة عيد الأضحى المبارك.

أرجو الإفادة حول هل تركيب فالف بادى الخاص بالفانتازيا لسيارة a5 ينهى مشكلة الفالف بادى؟

تحياتى
محمد

مساء الفل طارق باشا
وطبعاً الرد متوقع إنه ييجى منك ... كل سنة وانت طيب وجميع أسرتك وحبايبك بخير.

طيب سؤال: أنا نفسى أركب فانتازيا الفئة اللى قبل الهاى لاين (يعنى عايز كل مواصفات الهاى لاين بس بدون فتحة السقف.
دى تعمل كام لو:
1. عربية حالتها كويسة.
2. معنديش مشكلة إنها تكون رشة من برة بس حاجات بسيطة (فى الصاج يعنى).
3. الكيلومتر بتاعها معقول يعنى من 70 ألف إلى من 100 ألف ماشى الحال.

أنا علشان الموازنة محدودة مش قادر أطلب كيلومتر قليل وعربية فبريكة بالكامل.
بس موضوع الفئة لأنى تعودت على الـ a5 الهاى لاين اللى معايا.

وكل شوية افتكر كلامك لما كنت باشتريها .. إنى مش هعرف أركب غير العربية دى تانى .. فعلا مش قادر أروح لحاجة تانى .. إتعرض عليا لانسر ، وسوبارو ، تويوتا .. مش مقتنع.

كمان شفت واحدة باسات 2010 فى منتهى الجمال .. ونظيفة نظافة الزيرو .. بس طبعاً مشكلة الفتيس الـ dsg بعدتنى عنها.

تحياتى
محمد