الموضوع: مشكلة في سحب الفانتازيا

كل ده طبيعي ... اولا وزن العربيه فاضيه 1350 كجم وده وزن تقيل شويه ... ثانيا ال d بينقل بدري لانه يعتبر موفر للبنزين .. زي نظام الايكو .. و ال s مود بينقل متأخر و بيعفرت العربيه علي الطريق بس هتلاقيه سحبه في البنزين عاالي .. شويه و هتتعود علي ال d مود و ال s مود هتستعمله كل فين و فين ...
مثلا لو مستعجل او بتشد مع حد او بتأكل غرزه ... و عموما غير فلتر البنزين و فلتر هواء موتور و بوجيهات و هتحس بفرق ... و ممكن لو عايز فرق رهيب فعلا فعلا ممكن تحط بنزين 95 مش هتسمع صوت للموتور نهائي و هتلاقي العربيه ناعمه جدا جدا علي ال d و ممكن لو عايز تحس احساس بنزين 95 حط منظف دوره البنزين كامله stp علبه لونها سيلفر بتتباع في اون ذا رن و ممكن تزود عليها رافع الاوكتان نفس الماركه علبه لونها برتقالي ... حط العلبتين مع بعض في الخزاان و فول 92 من بنزينه امارات و بعد 50 او 100 كلم تقريبا هتحس بفرق ..... و هتدعيلي .
ال D ست سرعات و ال S خمسه سرعات . و ممكن لو عايز تجيب اخر العربيه هات ال S و هات اخر الخامس و انقل علي ال D هتلاقيه وصل للسادس و ممكن بالحركه دي تعدي حاجز ال 200 كم/ساعه

شكرا على الردود

المشاركة الأصلية كتبت بواسطة mario_9111

سحب العربيه بيعتمد على بالترتيب فلتر البنزين وطلمبه البنزين وفلتر الهواء والبيوجيهات وتنظيف بوابه الموتور

شكرا استاذ ماريو على الرد، انا مغير كل دا فعلا، بس عايز أغير سلك البوجيهات

المشاركة الأصلية كتبت بواسطة طارق _عبد السلام

الفتيس بيشتغل حسب الدوسه بتاعتك يعنى لو انت ماشى قياده هادئه بيبرمج تفسه على دوسه البنزين الضعيفه ويوصل للسادس وانت على سرعه بطيئه...لكن لوشديت شويه هياخر نقلاته

المشكله انك بتعامل العربيه زى العربيه اللى حضرتك كنت راكبها قبلها...لا...دوس وهتاخد على التعامل معها

اما بخصوص الاس او الرياضى هو 5 نقلات بس

شكرا جزيلا على الرد استاذ طارق ،بس اللي ملاحظة ان من غير التكييف سحبها كويس جدا وبتجري، بس بالتكييف بحس انها متكتفة زيادة عن اللزوم، مش عارف دا طبيعي ولا لأ،

المشاركة الأصلية كتبت بواسطة ahmedjuddy

كل ده طبيعي ... اولا وزن العربيه فاضيه 1350 كجم وده وزن تقيل شويه ... ثانيا ال d بينقل بدري لانه يعتبر موفر للبنزين .. زي نظام الايكو .. و ال s مود بينقل متأخر و بيعفرت العربيه علي الطريق بس هتلاقيه سحبه في البنزين عاالي .. شويه و هتتعود علي ال d مود و ال s مود هتستعمله كل فين و فين ...
مثلا لو مستعجل او بتشد مع حد او بتأكل غرزه ... و عموما غير فلتر البنزين و فلتر هواء موتور و بوجيهات و هتحس بفرق ... و ممكن لو عايز فرق رهيب فعلا فعلا ممكن تحط بنزين 95 مش هتسمع صوت للموتور نهائي و هتلاقي العربيه ناعمه جدا جدا علي ال d و ممكن لو عايز تحس احساس بنزين 95 حط منظف دوره البنزين كامله stp علبه لونها سيلفر بتتباع في اون ذا رن و ممكن تزود عليها رافع الاوكتان نفس الماركه علبه لونها برتقالي ... حط العلبتين مع بعض في الخزاان و فول 92 من بنزينه امارات و بعد 50 او 100 كلم تقريبا هتحس بفرق ..... و هتدعيلي .
ال d ست سرعات و ال s خمسه سرعات . و ممكن لو عايز تجيب اخر العربيه هات ال s و هات اخر الخامس و انقل علي ال d هتلاقيه وصل للسادس و ممكن بالحركه دي تعدي حاجز ال 200 كم/ساعه

شكرا جزيلا على الرد
انا مغير فعلا البوجيهات والفلاتر أول ما أشتريت العربية ، ممكن اغير سلك البوجيهات، ةاحط منظف دورة الوقود اللي حضرتك بتقول عليه
وكده كده حدعيلك من غير حاجة قبل ما اجرب :) :)