هااحاول اجاوب على اسئله حضرتك:
1- الاقامه زوجك هايطلعها من شهرين لتلاته - قبل كده مستحيل تروحيله حضرتك.
2- رقم واحد بيعتمد عل ازاي الشلركه بعتاله اساسا.... يعني انا شركتي كانت عامله ليا زياره و بعدين حولتها لاقامه عمل - و دي خدت 3 شهور
3- 400 500 دينار مبلغ محترم في السالميه وومكن تسكني فيها في دسمان برضه - انا بحبها لانها هاديه
انما السالميه هاتتحول كلها لسياحي و تجاري - فنادق ...ألخ
4- هناك اجراءات الرخصه صعبه شويتين - المهم بالنسبه للزوجه اسهل - و ممكن تدفعي تحت الترابيزه 200 دك (لو الشروط منطبقه ) 300 -400 دك (لو الشروط مش منطبقه) علشان تخلصي ( اللواءات الداخليه ليهم استثناءات)
5- الكشف الطبي مافيهوش مشاكل الا لاقدر الله لو فيه درن - او اي امراض للرئه
6- اعتقد انك صعب تلحقي التيرم الاول في الدراسه - فممكن التيرم التاني او السنه اتلجايه ان شاء الله
7- الكويت بلد جميله و شعبها محترم و مسالم - يعني ما يبتديش بالغلط - بس لو حضرتك ابتديتي هاتبقى سنه سوده للاسف