شوية اسئلة لاخواتنا المقيمين في الكويت
جوزي مسافر الكويت ان شاء الله اخر الشهر الجاي و عندي شوية أسئلة.
يا ترى بياخد وقت قد ايه عشان يعمل إقامة و يبعت لنا فيزا التحاق بعائل؟ و إجراءات الفيزا لينا هنا في مصر تاخد قد ايه؟ و مين اللي ممكن يتعمل له التحاق بعائل, الزوجة و الأولاد بس و لا ممكن والدته كمان؟
هل فعلا ممكن يعمل لنا زيارة و نحولها لأقامة و احنا في الكويت؟ وهل ده اسرع من الالتحاق بعائل؟
هل ممكن الفيزا بتاعة الزوجة تترفض لأي سبب؟ التحاليل مثلا؟ انا الحمد لله معنديش حاجة بس برضه احنا مصريين و الواحد مقلق.
بالنسبة ليا كزوجة هل ممكن اطلع رخصة قيادة بسهولة ولا لازم بعد فترة معينة؟
بالنسبة للسكن, ايه احسن أماكن راقية للسكن؟ فيه ناس قالت لنا السالمية, هل هي حلوة؟ ايه الأماكن التانية اللي ممكن ندور فيها؟ انا زوجي شغله ان شاء الله في العاصمة و طبعا عايزين حاجة قريبة. رينج الايجار 400-500 دينار و الشقة تكون غرفتين او تلاتة.
يا ريت اللي مقيم في الكويت او عنده معلومات عن الإقامة فيها ميبخلش عليا بمساعدته