الموضوع: طلب الطلاق

المشاركة الأصلية كتبت بواسطة cyborg_ift

هههههه والله كنت عهملهه امبارح

طلقها كده وكده .....يعنى ما تتعاملش معاها خالص ولا تكلمها ....حسسها بمعنى الطلاق ....
.لغاية ما تعرف يعنى ايه طلاق ....وفى نفس الوقت انت تاخد اجازه

المشاركة الأصلية كتبت بواسطة أحمد كمال

مش باهزر

من اجل هؤلاء خلق الطلاق

1- مش محترمة تعبك في مشوار شغلك

2- مش محترمة تركيزك في شغلك اللي مأكلها عيش

3- تقول لك من غيرك احنا احسن (دي كلمة كبيرة اوي و تقيلة) ..... و فاكرة انها تقدر تعيش و ان شغلك و فلوسك و وجودك دول و لا حاجة


و انت بصراحة واضح انك - اسف عاللفظ و ارجوك ما تزعلش مني و اعتبرني اخوك - طري شويتين معاها

ساكن بعيد عن شغلك و مشوارك طويل و بترجع ميت بدل ما تسيبك ترتاح عايزك تصحى تقوم انت تدور على دواء يسهرك (في الموضوع الاخر اللي كتبته)


انشف شوية ........ الانسان يحتاج لجرعة صحية بسيطة من الانانية ليستطيع الحياة ...... و انت مش عايز تنهب انت عايز تنام عشان شغلك اللي فاتح البيت ...... لا رايح تتفسح في امريكا و لا رايح تفرقع فلوسك عالصنف !


طول ما هي حاسة انك انت اللي محتاجها اكتر ما هي محتاجاك (و ده احساس زائف لانك انت اللي ابن ناس بس ..... هي هتلوص من غيرك) هتفضل تركب و تدلدل و تسيطر و تتنطط و تقول طلقني و من غيرك احسن



انشف شوية ......... ماجابش نتيجة يبقى الطلاق احسن لك ...... عيالك مش هيبقوا مبسوطين بوجودك و انت زي الزومبي ..... و هي اصلا - بلا طلاق و لا حاجة - هتربيهم ان هي الاصل و انت بس مصدر فلوس و بكرة تشوف كلامي اما يكبروا

إستحمل عشان أولادك ,مفيش حد متجوز معندوش مشكلة من أي نوع لكن حاول تستعين بربنا وتصبر وكبر انت دماغك وحاول تعدي الايام الصعبة وإن شاء الله تربي اولادك بينكم

ده دلع حريم مش اكتر

المشاركة الأصلية كتبت بواسطة أحمد كمال

للاسف حكاية استحمل عشان العيال دي اللي بتخلي الطرف المفتري في اي زيجة (سواء الراجل او الست) يسوق في الافترا عالتاني لانه عارف ان التاني لو اكل *** برضه مش هيطلق عشان العيال .......

وإيه إقتراحك للموضوع دا .. لو الواحد طلق الولاد هيكون مصيرهم إيه
إدينا حل مريح ومطمئن على مستقبل الولاد