مطلوب شراء واستشارة في موديلات أوكتفيا

**mhaddad** · 29-09-2015 12:18 PM

السلام عليكم يا جماعه نايل موتورز الكرام,

أنا بدور على عربية في حدود ال 100 ألف بس عايزها تكون مريحة ومن غير اعطال لأن مبفمش في ميكانيكا السيارات أي شيء ده بجانب إني معنديش وقت للوقفه ... وكمان تكون قطع غيرها نسبيا معقوله ولو حبيت ابيعها واغير بعد فترة مش اقل من سنة تكون كويسة في اعادة البيع.

أنا بحب شكل الأوكتفيا ومن كلام الناس فبين إنها عربية حلوة بس أنا مش عارف إيه عيوبها وكمان إيه فرق الموديلات من بعضها ... أنا حتي لسه عارف امبارح الفرق بين الفانتازيا والa5 ... بس مش عارف إيه الفرق بين الa4 وال a5 لو ممكن حد يوضحوا.

في مكان أمين وكويس ممكن اكشف فيه على العربية ويقولي اجيبها ولا لأ؟.. وبكم ؟

إيه ممكن أجيبه بقى في رينج الفلوس دي ... في حد عارض عربية 2012 ستيشن بس طالب 165 .. الرينج بعيد بس ممكن أشوف لو يقدر يستنى عليَّ ويقسط الباقي ..

مستني نصيحتكم و جزاكم الله خيرا

**AHMEDJUDDY** · 02-10-2015 09:52 PM

ال a4 و ال a5 و الفانتازيا كلهم حلوين ... أما الاختيار بينهم في الشراء ده بيتوقف على المبلغ اللي حضرتك هتقدر تدفعه و ثانيا حاله العربيه اللي هتشتريها .. أما أماكن الكشف ممكن تكشف في الوكيل في القطاميه أو في غمره أو وكيل معتمد مثل مركز الأقصى في زهراء المعادي .

**mhaddad** · 03-10-2015 02:33 AM

المشاركة الأصلية كتبت بواسطة ahmedjuddy

ال a4 و ال a5 و الفانتازيا كلهم حلوين ... أما الاختيار بينهم في الشراء ده بيتوقف على المبلغ اللي حضرتك هتقدر تدفعه و ثانيا حاله العربيه اللي هتشتريها .. أما أماكن الكشف ممكن تكشف في الوكيل في القطاميه أو في غمره أو وكيل معتمد مثل مركز الأقصى في زهراء المعادي .

أنا شاكر حضرتك لمرورك وردك ... بس كنت احب أعرف إيه الفرق بين ال a4 و الa5... مين فهم أعلى؟ ولا هو موديلات ولا إيه ؟

**AHMEDJUDDY** · 03-10-2015 05:55 AM

ال a5 كماليات و برستيج أعلى و فتيس 6 سرعات و احدث من ال a4 أما ال a4 برده مش وحشه كمالياتها معقوله وفي منها بفتحه سقف و فتيس 4 سرعات و في منها مانيوال و اوتوماتيك و عربيه رياضيه ..في الجري..اكثر من ال a5 مع أنها 4 سرعات فقط . وبلاش الاستيشن دي لأنها عربيه تقيله في بيعها في كل موديلات سكودا و مش منتشره هتقرفك في اعاده البيع .

**mhaddad** · 13-10-2015 07:54 PM

المشاركة الأصلية كتبت بواسطة ahmedjuddy

ال a5 كماليات و برستيج أعلى و فتيس 6 سرعات و احدث من ال a4 أما ال a4 برده مش وحشه كمالياتها معقوله وفي منها بفتحه سقف و فتيس 4 سرعات و في منها مانيوال و اوتوماتيك و عربيه رياضيه ..في الجري..اكثر من ال a5 مع أنها 4 سرعات فقط . وبلاش الاستيشن دي لأنها عربيه تقيله في بيعها في كل موديلات سكودا و مش منتشره هتقرفك في اعاده البيع .

شكرا يا باشا على الافادة ... ممكن أعرف لو في حد ثقه اكشف عنده سمكري أو ميكانيكي أو مركز ... بس يكون تخصص في الاوكتفيا