-
طريق الجيش الي اسيوط
http://www.nilemotors.net/Nile/212818-a.html
في موضوع قديم عن طريق الجيش من عام كتبه بعض الزملاء الافاضل 2011 .................. فهل من جديد عن هذا الطريق .
"" الطريق الشرقى للجيش طريق ممتاز هو اتجاهين الاتجاه الواحد اربع حارات واسع جداً ينفصل فى الوسط بحواجز اسمنتية يمكن الرجوع للخلف لتغير الاتجاه بأستخدام انفاق تنزل من الطريق السريع و تلف من اسفلة و تطلع فى الاتجاة الاخر الطريق نظيف جداً و يوجد علية عدد 2 محطة بنزين وطنية و لايوجد مطبات علية و الملاكى رسم مرور 5ج يبدا من بنى سويف وينتهى فى القاهرة مروراً بمدينة 15 مايو و المعادى و طريق الاتوستراد حتى الطريق الدائرى و هو موفر فى الوقت و السرعة المحددة 120 كم انا بمشى علية 160 كم وخلى بالك يوجد ردار متحرك فى دخلة القاهرة قبل البوابة الاخيرة من بنى سويف للقاهرة 3 بوابات الطريق اليومن دول مش امان علشان البلطجية لو هتمشى علية يفضل صباحاً ليلاً لايوجد اضائة ولاتقف لاحد على الطريق وخلى بالك هناك بقايا قطع كاوتش على الطريق بيحركها الهواء نتيجة لانفجار كاوتشات عربيات سابقة ""
""نتيجه لظروف خارجه عن ارادتى تأخر موعد سفرى و قد سافرت بالفعل يوم 28 ابريل من القاهره متجها لاسيوط
الطريق ممتاز و تم بالفعل مده حتى المنيا ... حتلاحظ قبل مدخل بنى سويف امتداد الطريق و حتلاحظ لون الاسفلت الجديد
ده طريق الجيش و حيكمل معاك زى الحرير لغاية المينيا و حتلاحظ كل 4 او 5 كيلو عسكرى جيش ماشى مع نفسه فى الطريق و معاه دفتر بيكتب فيه ... لما سألت العمال قالولى دول عساكر بيستلمو الطريق
بس الملاحظ فى الجزء الجديد بين بنى سويف و المنيا ان مافيش خدمات خالص و لا اى استراحه و لا بنزينه حتى
غلطتى اللى عملتها انى كملت على نفس الطريق من المنيا الى اسيوط و مشيت على الطريق اللى تحت الانشاء و لسه ما اتسلمشى فالاسفلت ماكنشى مكتمل فى بعض الاجزاء و فيه مدق فى وسط الصحراء مسافه 3 او 2 كيلو و مافيش شبكه نهائى ... يعنى لاقدر الله لو العربيه عطلت كنت خلاص انسى
صديق ليا قالى المفروض كنت ادخل مدخل المنيا و اكمل على باقى الطريق الشرقى عادى
دلوقتى انا فى اسيو ط و بإذن الله حنرجع القاهره غدا ... فصديق ليا قالى اكمل على الطريق الشرقى عادى لغايه بنزينه قبل المنيا بكيلو حلاقى مدخل جنب البنزينه يمين امشى فى المدخل ده حيوصلك حتى طريق الجيش ... و حذرنى من التكمله فى الطريق الشرقى لأنه بعد المنيا بيبقى مهجور و به قطاع طرق حتى فى النهار لأن كل العربيات بتروح طريق الجيش
-
ا. ايهاب
انا من سوهاج والطريق ده تقريبا شهريا بطلع عليه
الطريق خلصان من بدرى لغاية اسيوط ومكمل من بعد اسيوط وصلة واحدة مفرد لغاية سوهاج وقنا والفردقة واسمه طريق الصعيد البحر الأحمر
الطريق جميل جدا وبقى زحمة لأن كل العربيات اتحولت عليه علشان سريع ونظيف
Content Relevant URLs by
vBSEO 3.6.0 PL2