سلام عليكم
صديق فى المملكة السعودية سيرسل لى مبغ وقدةر الفين دولار تقريبا كل فترة
كيفية طريقة تحويل الفلوس الى مصر وعلى اى بنك افضل
برجاء افيدونا بخبراتكم
عرض للطباعة
سلام عليكم
صديق فى المملكة السعودية سيرسل لى مبغ وقدةر الفين دولار تقريبا كل فترة
كيفية طريقة تحويل الفلوس الى مصر وعلى اى بنك افضل
برجاء افيدونا بخبراتكم
ويسترن
اي بنك عن طريق السويفت كود الخاص بالبنك
وأسمك رباعي ورقم موبايلك ورقمك القومي والعنوان ( للتأكد من انك الشخص المقصود بالحوالة )
ويكون معاك بيانات الشخص المرسل لك الحواله وقيمتها ودولتها الخ الخ
ولو ليك حساب في البنك بيبعت على رقم حسابك + السويفت كود الخاص بالبنك
لو الحساب بالمصري والفلوس بعملة اخرى .. بتطلب من البنك يحولها لمصري تلقائي
او يفتحلك حساب بيهم بالدولار .. او تروح تستلمهم مباشرة .
والموضوع مفهوش ايهما افضل بنك .. الاسلوب والطريقة واحدة في جميع البنوك .
لو يهمك المبلغ يوصل بدون ماتفقد عمولات كتير في السكة
ممكن تخلي الشخص يحولك من بنك الراجحي مثلا بس تخليه يحول المبلغ للدولار الاول قبل التحويل
وخليه يحوله على بنك مصر اديله بس اسمك واسم ورقم الفرع ورقم موبايلك وخليه يبعتلك الحوالة فورية وهتوصل ياما في نفس اليوم او تاني يوم بالكتير
وهيوصلك رسالة على الموبايل ان المبلغ وصل او ممكن تتصل بيهم تتأكد من وصول المبلغ لان ممكن الرسالة متوصلش
بنك مصر هنا هيخصم تقريبا على كل الف دولار حوالي 2 او 3 دولار وبنك الراجحي بياخد عمولة حوالي 30 او 35 ريال تقريبا على المبلغ
يعني الرسوم على المبلغ كله مش هتعدي 130 جنيه بالكتير
ولما تستلم المبلغ ماتغيروش للجنيه من البنك غيره من السوق الموازية افضل هيفرق معاك كتير
لو هتحول على ويسترن يونيون العمولات هتكون اكتر من كدا وبتتخصم من الشخص اللي هيرسل المبلغ
اسهل وارخص طريقة ممكن تفتح حساب في اقرب بنك مصر بالدولار (بخمسة دولار تشتريها من البنك) وتبعت لصاحبك رقم الحساب وعنوان البنك وبعدين هو من السعودية يروح اقرب فرع بنك انجاز البلاد لمكانة في السعودية بيعمل زي عضوية مجانية وبيضيف اسم المرسل الية رباعي وجوالة ورقم الحساب واسم البنك وعنوانه وبيحول الي مصر بالدولار والمبلغ بيدخل الحساب في خلال ساعتين لو حولت الصبح وتاني يوم لو حولت بعد الضهر والمرسل الية بيستلم رسالة علي جوالة بتبلغة بوصول المبلغ و مصاريف التحويل حوالي 20 ريال من بنك انجاز وفي مصر البنك بياخد عمولة حوالي 5 دولار ....... تحياتي
يا باشا تحويلات الدولار مش سهل زي مانت متخيل كده
اللي بيحولك الفلوس من برا محتاج يقدم فواتير وورق يثبت العلاقة مابينكوا علشان تهريب العملة
وانت علشان تفتح حساب بالدولار محتاج ما يثبت احتياجك للعمله دي
احسنلك خلي التحويل بالجنية مش هتاخد وقت وهتبقي اسهل كتير
اسهله تحويل الراجحي من حسابة بالدولار علي حساب بالدولار في بنك اسكندرية
ومتخافش لو الاسم غلط او رقم الحساب غلط الحوالة بترجع علي الحساب المحول منه
لو مش عاوز تفتح حساب يحولها عادي من حسابه علي اسمك علي اقرب بنك ليك
ولماتروح تستلمها تبقي عارف اسمه ومحولها من بنك ايه ومدينة ايه بس خلاص
مفيش اى حاجه قانونيا لما المبلغ يبقى كبير اوى هيبقى البنك المركزوى يبعتلك و بسالك عن شغلك و سبب وصول مبالغ كبيره مثلا 10 20 الف دولار شهريا و لا حاجه انا بيوصلى من برا دولارات بقالى كتير و محدش عمره كلمنى و قالى هات ورقه و احده و اصلا البنك كاتب فى مكان الشغل بتاعى طالب كمان :d الحمد لله اسهل و ارخص طريقه هى الحواله مش التحويل البنكى السويفت كود لا حواله على بنك مصر او الاهلى تانى اسهل و ارخص طريقه التحويل البنكى سويفت و تالت اسهل و ارخص طريقه الوسترن و المونى جرام
2000 دولار مفهاش مشكلة هتتحولك عادي .. ولو 5000 دولار هتتحولك بردو عادي
لكن مع المبالغ اللي زي 10.000 دولار او كدة .. قريت تلميحات كتير عالنت بكلمة البنك المركزي والدولار والتحويلات .. لكن الحقيقة ايه .. الله اعلم .. ممكن يكون كله كلام ملوش اساس .. وممكن يكون حقيقي
و أعتقد بالمنطق كده لو في شكوك حوالين شخص بيستقبل حوالات بمبالغ كبيرة بشكل مستمر
وبيسحبها مش بيحوشها في حسابه .. في الحالة دي مش هيستنوا يسألوه ويبرر ويقنع فيهم .. وهما يقلولوه خلاص اقتنعنا
لا .. أكيد الجهات المعنية .. هيبحثوا ويفتشوا وراه شويتين كده .. مع شوية مراقبة وتمحيص لحياته
ويحددوا بعدها الشخص ده ايييه حكايته .. طلع شخص طبيعي شغله وحياته طبيعيه والفلوس دي بتجيله طبيعي
وبيستخدمها بشكل طبيعي .. خلاص .. أهلاً وسهلاً بدولاراته والف مرحب .. ايه الضرر في كده ... البلد عايزه دولارات بشرط عدم تمويل عمليات إرهابية .
فهمت قصدي .
وانا عن نفسي بقولك عن تجارب 2000 دولار مفهمش مشكلة .. و ويسترن الحد الاقصى له 5000 دولار
وزي ما قولتلك في اول مشاركة .. هي دي طرق التحويل المجربة وانت اختار الأنسب ليك وللي هيحول
وسواء تحويل على بنك مصر او تحويل سويفت .. الاتنين نفس المعنى
اي حوالة بنكية بتستخدم السويفت كود
19888 خدمة عملاء بنك مصر .. اتصل وهات مالاخر .
انا كنت في السعودية لمدة 3 سنوات
وكنت بحول على حسابي الشخصي في البنك الاهلى المصري
وكنت بحول باسماء اشخاص مباشرة
الموضوع سهل جدا صاحبك هيروح تحويلات الراجحي وليس بنك الراجحي ويفتح حساب مجاني
وبعد كده بيضيف عليه المستفيدين سواء اشخاص او حسابات
البنوك اللي ممكن يحولها البنك الاهلي أفضلهم وبنك مصر وبنك القاهرة او الاسكندرية مش فاكر بالظبط
هيحول اي مبلغ بدون مشاكل بس لو مبالغ كبيرة ساعات بيطلبوا منه صورة العقد الموثق بينه وبين كفيله
2000 دولا مافيش فيهم مشاكل نهائيا
هيوصلك التحويل خلال 24 ساعة على اقصى تقدير
هو بيسجل في التحويل اسمك رباعى ورقم موبيالك وهيوصلك رسالة على موبايلك فور وصول التحويل الى مصر
انا بفضل البنك الاهلى المصري لانه عمولته ثابته 2 دولار على اي مبلغ وبيديلك الفلوس دولار مش بيجبرك او يغلس عليك ويديلك مصري وده بيحصل كتير في بنك مصر وحصل معايا شخصيا وعملت مشكلة كبيرة جدا معاهم على ما اخدت فلوسي دولار
رسوم التحويل من السعودية 20-25 ريال
الاجمل لو هو فتح حساب في بنك الراجحي مش هيحتاج كل مرة يروح التحويلات وهيحول من الصرافة مباشرة او من الابلكيشن على الموبايل فورا بدون الذهاب الى التحويلات ودي اسهل طريقة كنت بستخدمها فورا
لو في اي استفسارات انا معاك