كيفية تحويل مبلغ الفين دولار من السعودية الى مصر

**الفجر** · 29-09-2015 05:45 PM

سلام عليكم

صديق فى المملكة السعودية سيرسل لى مبغ وقدةر الفين دولار تقريبا كل فترة

كيفية طريقة تحويل الفلوس الى مصر وعلى اى بنك افضل

برجاء افيدونا بخبراتكم

**DreAmO** · 29-09-2015 05:54 PM

ويسترن

اي بنك عن طريق السويفت كود الخاص بالبنك
وأسمك رباعي ورقم موبايلك ورقمك القومي والعنوان ( للتأكد من انك الشخص المقصود بالحوالة )
ويكون معاك بيانات الشخص المرسل لك الحواله وقيمتها ودولتها الخ الخ

ولو ليك حساب في البنك بيبعت على رقم حسابك + السويفت كود الخاص بالبنك
لو الحساب بالمصري والفلوس بعملة اخرى .. بتطلب من البنك يحولها لمصري تلقائي
او يفتحلك حساب بيهم بالدولار .. او تروح تستلمهم مباشرة .

والموضوع مفهوش ايهما افضل بنك .. الاسلوب والطريقة واحدة في جميع البنوك .

**absaab** · 29-09-2015 09:02 PM

لو يهمك المبلغ يوصل بدون ماتفقد عمولات كتير في السكة

ممكن تخلي الشخص يحولك من بنك الراجحي مثلا بس تخليه يحول المبلغ للدولار الاول قبل التحويل

وخليه يحوله على بنك مصر اديله بس اسمك واسم ورقم الفرع ورقم موبايلك وخليه يبعتلك الحوالة فورية وهتوصل ياما في نفس اليوم او تاني يوم بالكتير

وهيوصلك رسالة على الموبايل ان المبلغ وصل او ممكن تتصل بيهم تتأكد من وصول المبلغ لان ممكن الرسالة متوصلش

بنك مصر هنا هيخصم تقريبا على كل الف دولار حوالي 2 او 3 دولار وبنك الراجحي بياخد عمولة حوالي 30 او 35 ريال تقريبا على المبلغ

يعني الرسوم على المبلغ كله مش هتعدي 130 جنيه بالكتير

ولما تستلم المبلغ ماتغيروش للجنيه من البنك غيره من السوق الموازية افضل هيفرق معاك كتير

لو هتحول على ويسترن يونيون العمولات هتكون اكتر من كدا وبتتخصم من الشخص اللي هيرسل المبلغ

**Sherifmt** · 29-09-2015 10:22 PM

اسهل وارخص طريقة ممكن تفتح حساب في اقرب بنك مصر بالدولار (بخمسة دولار تشتريها من البنك) وتبعت لصاحبك رقم الحساب وعنوان البنك وبعدين هو من السعودية يروح اقرب فرع بنك انجاز البلاد لمكانة في السعودية بيعمل زي عضوية مجانية وبيضيف اسم المرسل الية رباعي وجوالة ورقم الحساب واسم البنك وعنوانه وبيحول الي مصر بالدولار والمبلغ بيدخل الحساب في خلال ساعتين لو حولت الصبح وتاني يوم لو حولت بعد الضهر والمرسل الية بيستلم رسالة علي جوالة بتبلغة بوصول المبلغ و مصاريف التحويل حوالي 20 ريال من بنك انجاز وفي مصر البنك بياخد عمولة حوالي 5 دولار ....... تحياتي

**midoabdeen** · 29-09-2015 11:48 PM

يا باشا تحويلات الدولار مش سهل زي مانت متخيل كده
اللي بيحولك الفلوس من برا محتاج يقدم فواتير وورق يثبت العلاقة مابينكوا علشان تهريب العملة
وانت علشان تفتح حساب بالدولار محتاج ما يثبت احتياجك للعمله دي
احسنلك خلي التحويل بالجنية مش هتاخد وقت وهتبقي اسهل كتير

**ALYSALIM** · 29-09-2015 11:59 PM

اسهله تحويل الراجحي من حسابة بالدولار علي حساب بالدولار في بنك اسكندرية
ومتخافش لو الاسم غلط او رقم الحساب غلط الحوالة بترجع علي الحساب المحول منه
لو مش عاوز تفتح حساب يحولها عادي من حسابه علي اسمك علي اقرب بنك ليك
ولماتروح تستلمها تبقي عارف اسمه ومحولها من بنك ايه ومدينة ايه بس خلاص

**DreAmO** · 30-09-2015 01:30 AM

المشاركة الأصلية كتبت بواسطة midoabdeen

يا باشا تحويلات الدولار مش سهل زي مانت متخيل كده
اللي بيحولك الفلوس من برا محتاج يقدم فواتير وورق يثبت العلاقة مابينكوا علشان تهريب العملة
وانت علشان تفتح حساب بالدولار محتاج ما يثبت احتياجك للعمله دي
احسنلك خلي التحويل بالجنية مش هتاخد وقت وهتبقي اسهل كتير

انا بيجيلي حوالات بالدولار عادي

**الفجر** · 30-09-2015 04:07 AM

المشاركة الأصلية كتبت بواسطة midoabdeen

يا باشا تحويلات الدولار مش سهل زي مانت متخيل كده
اللي بيحولك الفلوس من برا محتاج يقدم فواتير وورق يثبت العلاقة مابينكوا علشان تهريب العملة
وانت علشان تفتح حساب بالدولار محتاج ما يثبت احتياجك للعمله دي
احسنلك خلي التحويل بالجنية مش هتاخد وقت وهتبقي اسهل كتير

هو دة اللى انا بسال علة قانونية التحويل

لان طرق تحويل كتير ولكن الاهم القانونية التحويل سواء من عندة فى السعودية او حتى انا؟؟؟

**Karim Alaa** · 30-09-2015 04:46 AM

مفيش اى حاجه قانونيا لما المبلغ يبقى كبير اوى هيبقى البنك المركزوى يبعتلك و بسالك عن شغلك و سبب وصول مبالغ كبيره مثلا 10 20 الف دولار شهريا و لا حاجه انا بيوصلى من برا دولارات بقالى كتير و محدش عمره كلمنى و قالى هات ورقه و احده و اصلا البنك كاتب فى مكان الشغل بتاعى طالب كمان :d الحمد لله اسهل و ارخص طريقه هى الحواله مش التحويل البنكى السويفت كود لا حواله على بنك مصر او الاهلى تانى اسهل و ارخص طريقه التحويل البنكى سويفت و تالت اسهل و ارخص طريقه الوسترن و المونى جرام

**wael30003** · 30-09-2015 05:42 AM

المشاركة الأصلية كتبت بواسطة absaab

لو يهمك المبلغ يوصل بدون ماتفقد عمولات كتير في السكة

ممكن تخلي الشخص يحولك من بنك الراجحي مثلا بس تخليه يحول المبلغ للدولار الاول قبل التحويل

وخليه يحوله على بنك مصر اديله بس اسمك واسم ورقم الفرع ورقم موبايلك وخليه يبعتلك الحوالة فورية وهتوصل ياما في نفس اليوم او تاني يوم بالكتير

وهيوصلك رسالة على الموبايل ان المبلغ وصل او ممكن تتصل بيهم تتأكد من وصول المبلغ لان ممكن الرسالة متوصلش

بنك مصر هنا هيخصم تقريبا على كل الف دولار حوالي 2 او 3 دولار وبنك الراجحي بياخد عمولة حوالي 30 او 35 ريال تقريبا على المبلغ

يعني الرسوم على المبلغ كله مش هتعدي 130 جنيه بالكتير

ولما تستلم المبلغ ماتغيروش للجنيه من البنك غيره من السوق الموازية افضل هيفرق معاك كتير

لو هتحول على ويسترن يونيون العمولات هتكون اكتر من كدا وبتتخصم من الشخص اللي هيرسل المبلغ

انت جبت من الاخر
انا مقيم فى السعودية
وبحول على بنك مصر
العمولة ٢٥ريال على اى مبلغ
وبنك مصر بيخصم ٣دولار

الموضوع: كيفية تحويل مبلغ الفين دولار من السعودية الى مصر

LinkBack

أدوات الموضوع

عرض

-

-

-

-

المواضيع المتشابهه

كيفية تحويل الف دولار من مصر الى دولة اوربية؟

كيفيه تحويل مبلغ بالدولار الى خارج مصر ؟

تحويل فلوس لمصر من السعودية

كم عمولة تحويل مبلغ 1300 جنيه عن طريق مكتب البريد

الكلمات الدلالية لهذا الموضوع

المفضلات

المفضلات

ضوابط المشاركة