اللى انت عملته طبيعي..وتأنيب ضميرك طبيعى
وطبيعى برضه نغلطك ونقولك امسك اعصابك عن كده فى السواقة
عرض للطباعة
اللى انت عملته طبيعي..وتأنيب ضميرك طبيعى
وطبيعى برضه نغلطك ونقولك امسك اعصابك عن كده فى السواقة
المشكلة ان الطريقة دى مش ح تخليه يبطل او يفهم المشكلة بالعكس ممكن يزيد فيها بزيادة الحاجة اللى بتتقال لما الموضوع ده بيحصل و ايه يعنى ما الكل بيعمل كده يبقى الحل الوحيد لما يشوفنى و يشوفك و يشوف الكل ملتزم ح يلتزم هو كمان غير كل انسى
كونك معترف ان ضميرك يعذبك ده شىء جميل يدل على الاصاله التى افتقدنا الكثير منها للاسف لكن الراجل الكبير غلطان انا معاك لكن انت كمان تكون غلطان دى انا مش معاك فيها وانا مقدر الموقف اللى كنت فيه وللاسف الراجل الكبير فاكر دلوقتى انه مش غلطان ومظلوم طيب لو ما كنتش رميت عليه ما كانش دخل فى الحجاره وكان زمانه دلوقتى ضميره هو اللى بيعذبه او على الاقل يكون عرف غلطته فين عموما حمدا لله على سلامتك وعلى ستر ربنا معاك
يعنى الحمد لله ربنا سترها معاك , مش الفرامل اللى وقفتك ولا مهارتك هية اللى عديتك من الموقف دة
لكن بستر ربنا , يبقى كان المفروض تسيبة , او على الاقل تهدى جنبة وتديلة كلمتين , مش تخلية يلبس ويضيع عربيتة عشان انت بتعلمة الادب
وانت تعرف اصلا هو معاة فلوس يصلحها ولا لأ ؟؟؟ تعرف هو محتاجها ولا لأ عشان يوديها تتصلح ؟؟ تعرف هل عندة اصلا حد يروح يصلحهالة ولا لأ , لانك بتقول راكب كبير يعنى مش هيقدر على وقفة الصنايعية
انت غلطان جدااا للاسف , واسأل شيخ فى تكفير الذنب دة
هو لو غلطان انة عمل كدة وكان ممكن يضيع ناس , دية حسابة فيها عند ربنا , لكن مش عندك انت
انا فعلا متدايق من الي حصل. لاني بطبعي متسامح خصوصا في السواقة. وولا مرة عربيتي اتخبطت وطالبت بتعويض او حتى عملت مشكلة...
والله عمري مخبطت العربية وكنت انا غلطان والحمد لله...
لكن والله غير مقصودة تماما. كل الي فكرت فيه وقتها اني احك او اخبط عربيته من الاكصدام او الرفرف حتى مفكرتش في اضرار عربيتي.
بس هو الي خاف ورمى الدريكسيون اقصى اليمين.
من وجهة نظر اخرى...
الي هو عمله دا مش غلطة او سهوة .. دا بالظبط عدم فهم وعدم تعلم. زي واحد ميعرفش ينشن وطلع يصطاد في وسط المساكن. حيعمل مصايب.
معني انه مش عارف بروتوكولات المرور ومش عارف الرخصة دي طلعها بالمحسوبية ولا بالفلوس زي ناس كتير يعني في رأيي دي جريمة.
وجريمة ترقى لمستوى الشروع في القتل.
واعتقد بل اجزم انه لو عدى علي خير حيعمل كدا كل يوم لانه ببساطة مش عارف انه غلط.
بس طبعا الموقف دا لو حصل تاني معتقدش اني حتصرف بغباء بالشكل دا تاني.
نفس الموقف حصل معايا و عديت من خرم ابره قبل ماخبط فى الرصيف و صاحب الونيت خبط فيا من ورا
بس الفرق انه نزل اعتذر
يا باشا هو عمل كدا ودخل اليوترن بغباء بسبب انه جاهل بابسط قواعد القياده والطريق.. اكيد ماكانش ناوي انه يدخل يازي حد لان بطبيعه الحال هو كمان هيتازي .. بس عمل كده بسبب الجهل او انه يكون فعلا راجل مسن وسواقته علي قده
بالطبع اللي انت عملته غلط
بس انا برضه مقدر انك كنت متضايق جدا.. بس كنت ممكن تقربله وتزعقله . او حتي تدخل امامه وتهدي وتقرفه شويه او حتي تهوشه بسيط.. بس للاسف انت بتقول انك كنت داخل تخبطه ... استغفر ربك وما تكررش القسوه دي مره تانيه.. تمالك نفسك ساعه الغضب