الموضوع: حد يعرف حاجه عن سيتروين c3 ضرورى

ايه يا جماعه هو العربيه فيها حاجه لا سمح الله .
طيب اى معلومه طيب كماليات او سعر او توكيل او اى حااااااااااااااااجه

المشاركة الأصلية كتبت بواسطة wheals

ايه يا جماعه هو العربيه فيها حاجه لا سمح الله .
طيب اى معلومه طيب كماليات او سعر او توكيل او اى حااااااااااااااااجه

أنا هقولك اللي اعرفه ....

- بالنسبه للتوكيل ... عز العرب وهو جيد في طريقه للتميز .. وبيدي ضمان سنتين مفتوح لعربيات سيتروين
- بالنسبه للعربيه . فمبدأيا عربيات سيتروين وبيجو بيشتركو في كل حاجه وبعد ما تم اندماج بيجو وسيتروين واندماج خبرة شركتين من اكبر صناع السيارات في العالم .. اي عربية سيتروين هتلاقي فيها مستوى عالي جدا من الجودة والخامات والأعتماديه ... اضف الى ذلك ان السيتروين عي الماركة البريم بتاع بيجو سيتروين فهتلاقي خاماتها اعلى من بيجو كمان..
- نيجي لل C3 على وجه الخصوص .. هوه انا معرفش كمالياتها تحديدا .. فأحسن حاجه انك تروح تشوفها في التوكيل وتعرف كمالياتها او حتى تتصل بيهم تلفونيا .. بس متهيألي تروح احسن عشان تشوفها بعنيك ..

وأرجو اني اكون افدتك .. ولو قليلا

الف شكر يا justs و انت افدتنى كثيرا مش قليلا يا عم ده حتى كفايه انك رديت .
انا هقول لصاحبى يروح يشوفها فى التوكيل احسن .
والف شكر يا باشا على ردك و مساعدتك.