عايز اشترى عربية ومحتار جدا

**ahmed19869** · 03-10-2015 04:13 AM

عايز عربية فى رنج من 55 لحد 65 مش عارف ايه اللى اقدر اجيبه علما اننا عيلة ولازم عربية تكون 1600 وواسعة ، فى البداية كنت بفكر فى النوبيرا لكن لو نوبيرا مش هدفع فيها اكتر من 55 بصراحة ده اكتر حاجة ادفعها فيها ، لكن الاختيارات زادت وبدأت ناس تقولى ما تفكر فى النيسان الصنى موديل من 2002 لحد 2004 كده لكن وانا بدور فى النيسان ، اكتشفت ان فيها 1300 سي سي ويمكن شوفت كل الموديلات فى الموديلات اللى قولتها 1300 فقلقت منها جامد ، لوحد عنده اى معلومة عنها خصوصا ان فيها حاجة اسمها اى اكس وسوبر سالون ومعرفش ايه الفرق بينهم ، والرنج ده يخلينى افكر فى ايه تانى ، انا مستنى ردودكم ، علما اننا فى مصر وانا عايز عربية تكون برضه فى البنزين مش استهلاك عالى اوى خصوصا انى سمعت ان النيسان بتاخد استهلاك بنزين عالى

**hesham fawzy h** · 03-10-2015 07:44 AM

فيرنا او لانوس

او اوبترا

**ahmed19869** · 03-10-2015 12:05 PM

مشكلتى مع الفيرنا عدم الثبات وكانت معايا وبعتها العربية كل لما كانت تطلع أى مطلع وعايز اليها عزم كان ساعات الكاوتش يلف على الفاضي وبس ، أما اللانوس هفكر من إنتاج الشيفروليه وهفكر فى الاوبترا

**ahmed19869** · 03-10-2015 12:07 PM

لكن لو حد عنده أى فكرة عن النسيان وأسعارها وال 1600 منها واستهلاكها للبنزين ياريت يفيدنى

**ahmed19869** · 03-10-2015 04:20 PM

منتظر ردودكم

**mexmarine** · 03-10-2015 04:49 PM

أسمع ان النيسان صنى بتستهلك بنزين عالى أو اعلى من فئتها .. لكن موديل 2003 ده روعه كانت مع واحد صاحبى و كانت تحفه و تكييف ممتاز .. و بعدين ال1300 عائليه برضه و موفره جدا على العموم عندك دى و اوبل استرا 2006 1600 سى سى و بتبقى اوتو و مثبت و المانى كمان .. و اوبترا 2005 و 2006 و ابيزا 2006 المانى اسبانى و كلهم فى الثبات مالهمش حل و اقواهم الاوبل ..