محتاج عربيه مستعمله فى حدود 55 الف

**scorpion4111** · 04-10-2015 08:02 AM

السلام عليكم

محتاج عربيه مستعمله فى حدود 55 الف
دى اول عربيه ليه و استخدامي ليها حيكون كالتالى
1 - حتعلم السواقه عليها ( بعرف اسوق بس مبتداء )
2 - مشاوير خفيفه داخل اسكندريه
3 - استهلاك بنزين مش عالى
5 - توفر قطع الغيار
6 - متحكش فى المطبات علشان فى الغالب حيبقي فيها عدد اربع اشخاص

العربيات الى بصيت عليها

بروتن جين 2 موديل 2006
اوبل كورسا سيدان موديل 2006
رينو كليو موديل 2003 و موديل 2008

محتاج عربيه متطلعش عيني فى البدايه علشان لسه معرفتي بالعربيات قليله جداااااا ياريت النصيحه فى شراء عربيه بالمبلغ ده حتى لو كانت غير الى مكتوبين فوق

متغلبنيش فى اعادة بيعها

**scorpion4111** · 04-10-2015 06:45 PM

طيب اى حد يقوال حاجه انا حاسس بالوحده فى التوبيك كده لوحدي =d

**moha sasa** · 04-10-2015 11:42 PM

أوبل

**EgyArmy** · 06-10-2015 01:26 AM

الرينو و الاوبل هتخسر جدا فى اعادة البيع لان فيه منهم معروض باسعار اقل من 55 بكتير
بالنسبه للجين تو ماسكه سعر و سواقتها متعة بس على بال ماتلاقى مشترى هتتنفخ بس مش هتخسر فلوس
لو عايز عربيه و تغيرها على طول ادامك الشعبى زى النوبيرا و شيفروليه لانوس
لكن لو مش ناوى تبيع خالص ادامك الجين تو و الميجان 2007 هما ماسكين سعر بس زبونهم تقيل
والله اعلم كله حسب السوق و العرض و الطلب

**bluemail** · 08-10-2015 03:06 PM

طالما عاوز تتعلم عليها يعني هتحتاج قطع غيار استهلاكية رخيصه ومتوفر وبكل الصناعات, كل الصنايعيه شغالين فيها, سعر اعادة بيع كويسه يبقي خليك في الفيرنا او اللانوس
بالتوفيق

**ahmed19869** · 09-10-2015 03:11 AM

انا معايا نفس الرينج بتاعك ، بس بدور فى النوبيرا بصراحة ، ثابته وصاجها قوى وماكينة قوى ، وصيانتها على قد الايد ، وممكن تبص فى الفيرنا بس لو جوه بلدك متفكرش تسافر بيها كتير عشان هى خفيفة جدا ، عايز تشترى وهتبيع يبقى اشترى ليك وللسوق ، عايز تشترى وتفضل فترة طويلة جدا معاك يبقى خليك فى الجين تو ، نصيحة ايعد عن الرينو عشان هيتعبك اوى فى صيانته