أرجو مساعدة الخبراء في اختيار السياره المناسبة و سرعة الرد

كنت محتاج أعرف أرائكم القيمه في العربية المناسبة (أول عربية أجيبها ) لي وفقا للمعايير التاليه:

1- اني عندي 19 سنه و بالتالي محتاج عربيه شبابيه مش عجايزي و في نفس الوقت العربيه مش لي لوحدي (العائله) و بالتالي مش عاوزها تكون صغيره.

2- تكون ماكسيمام ب150000 .

3- تكون مضمونه من حيث توافر قطع الغيار بأسعار مناسبه , جودة التوكيل , الأعتماديه , ضمان سعر مناسب في حالة اعادة البيع , القيمه مقابل المال , الكاماليات , عوامل الأمان , جودة التصنيع و خاماته.


بعد بحث دام ما يقرب من شهر أريأفضلهم :
1- ميتسوبيشي لانسر شارك 2016( الفئه الثانيه ب147000 " abs و وساده هوائيه واحدة " )

2- بيجو 301 2016(هاي لاين ب 137000 " abs ebd 2 وساده هوائيه و فوانيس ضباب أمامي و خلفي و بارك سينسور و تقريبا جميع الكامليات " )


رأيي بيجو أفضل و لكن ماعنديش خبره في العربيات عشان كده محتاج أعرف أرائكم و لو حد شايف عربيه ثانيه أفضل يقولها و أرجو من الجميع ابداء سبب أرائهم.

و شكرا مقدما و أرجو سرعة الرد لأنه سأحجز السياره المختاره يوم الأربعاء ان شاء الله.

شارك

شكرا علي الرد بس عاوز أعرف سبب تفضيلك لالشارك رغم خلوها من الأوبشن و الكماليات علي البيجو الفول أوبشن

بيجو 301 طبعا

عوامل امان وكماليات وعربية شيك جدا عن الشارك ،
وواسعة كتير عن الشارك

اقتباس:

---

المشاركة الأصلية كتبت بواسطة مصطفى عصام

بيجو 301 طبعا

عوامل امان وكماليات وعربية شيك جدا عن الشارك ،
وواسعة كتير عن الشارك

---

و بالنسبه لاعادة البيع و ايه أخبار توكيل بيجو؟

و شكرا علي الرد

بص حضرتك انا كنت محتار بين الاثنين و كان اختيار صعب لحد ما عملت استخارة اكتر من مرة و ربنا وفقنى فى البيجو.
و برده حقولك المقارنة:
اللانسر:
مزايا:(عن البيجو)
1-شكل شبابى اكتر.
2-ما فيهاش مشاكل بعد ان اتجربت فى السوق كذا سنة(البيجو بقالها حوالى 3 سنين و نسبيا برده مافيش مشاكل عامة)
3-سعر اعادة بيع افضل.
4-الكراسى الامامية اوسع.

عيوب:(مزايا فى البيجو)
1-الشنطة صغيرة.(البيجو اكبر بكتير)
2-صوت الموتور عالى و العزل اقل من البيجو.
3-قطع الغيار اغلى شوية من البيجو و لما نزلت عند تجار قطع الغيار قالوا لى حاجة البيجو متوفرة اكتر.
4-السعر الاساسى للسيارة بنفس الكماليات اغلى.

البيجو واتوكل علي الله

اقتباس:

---

المشاركة الأصلية كتبت بواسطة د.مروان راغب

بص حضرتك انا كنت محتار بين الاثنين و كان اختيار صعب لحد ما عملت استخارة اكتر من مرة و ربنا وفقنى فى البيجو.
و برده حقولك المقارنة:
اللانسر:
مزايا:(عن البيجو)
1-شكل شبابى اكتر.
2-ما فيهاش مشاكل بعد ان اتجربت فى السوق كذا سنة(البيجو بقالها حوالى 3 سنين و نسبيا برده مافيش مشاكل عامة)
3-سعر اعادة بيع افضل.
4-الكراسى الامامية اوسع.

عيوب:(مزايا فى البيجو)
1-الشنطة صغيرة.(البيجو اكبر بكتير)
2-صوت الموتور عالى و العزل اقل من البيجو.
3-قطع الغيار اغلى شوية من البيجو و لما نزلت عند تجار قطع الغيار قالوا لى حاجة البيجو متوفرة اكتر.
4-السعر الاساسى للسيارة بنفس الكماليات اغلى.

---

متشكر لرد حضرتك الوافي

بس كنت عاوز أعرف رأيك في البيجو و ماشي بيها كام كيلو

حتى الان اكتر من 4000 كم بشوية.
رأيى عربية رااااااائعة.
استهلاك بنزين معقول جدا،ثبات جيد جدا،فرامل تمام،الحاجة الوحيدة اللى ملاحظها ضعف التسارع يعنى من الاول للتانى العربية تقيلة شوية و بعد كدة بتفتح فى السرعة(انا بتكلم على الاوتوماتيك).
و اماكن (جيوب) التخزين قليلة.

احنا للأسف عندنا 2 لانسر الفئة التالتة (abs و 2 ايرباج و شبورة و جنط و سبويلر)
و بقولك بالفم المليان البيجو طبعا
عفشة و فرامل البيجو لا يعلي عليهم
و أسعار قطع غيار الشارك مهزلة, ولا لو كانت bmw (استيراد و جديد أصلي)