الموضوع: فضيحة توكيل رينو !!!

المشاركة الأصلية كتبت بواسطة هانى ظرف منصور

توكيل سىء ....انا نفسى البهايم الشغاله فى توكيل رينو يتفرجو على توكيل سينوفا القصراوى ومدى الاحترام والشياكه والجديه والاستماع الى العميل وشكواه

مش غريب علي مصر الكلام ده . بس تحت اي حال التعامل المفروض يتم كالاتي :

* العربية يتعملها فحص شامل ده صح . بس الورقة دي اسمها هبل مش فحص . الفحص بيكون كالاتي :

* تحليل اداء كل قطعة منفرده و بيتم مثلا تحليل اداء الموتور عن طريق قياس القدرة الحصانية في كل الف ار بي ام و يتم مفارنتها بالنسب الاصلية و يبحث سبب فقدان الباور ، الفتيس بيقيس العزم النهائي لدوران ترس كل غيار و يقارنوا بعدد لفات الموتور بالنسبة للنسب الاصلية ، قياسا علي كده كل مسمار في العربية بنفس الاسلوب


* بعد الانتهاء من فحص كل قطعة علي حدي يتم فحص الاداء ككل و يحدد مواضع الضعف .

* يعمل تقرير لاداء العريية بعد الجمع بين الفحصين السابقين

* بعد كده يتم فحص مدي جوده وصلاحيه كل قطعة علي حدي و يحدد خطورة تركها و يحدد بالنسبة المؤية مدي صلاحيتها للعمل ويحدد بالنسبة المؤية ضرورة تغيرها .

* بعد كده يعملك تقرير عن كيفيه عوده السيارة لل100% ده طبعا تقرير وهمي و الهدف منه اخلاء المسؤليه طبعا .

* بعد كده يبحث مع العميل مدي استعداده لتخصيص ميزانية . و يبحث العميل عاوز يوصل بالعربية انهي مستوي وبكام . وايه الضروري وايه الغير ضروري .

* بعديها يعمل الشغل اللي العميل عاوزه علي مشؤليه العميل . او علي مسؤليه الوكيل في حال تنفيذ التقرير الوهمي .

* مع العلم ان لو العربية لشا ضمان الوكيل مجبر ينفذ التقرير الوهمي و لو العميل ملتزم بالتعامل مع الوكيل ققط حتي لو خارج الضمان المفروض ان الشغل يتعمل بضمان الوكيل .

المشاركة الأصلية كتبت بواسطة mahmoud saloum

فقط ردا على سؤال حضرتك "علي كدا كل العربيات في العالم لازم تركب قطع غيار اصليه حضرتك
وتعمل صيانتها بالوكيل حتي بعد انتهاء الضمان عشان تهوب للوكيل"

فالاجابة نعم لازم واى قطعة غيار غير اصلية بتركب بتلغى الضمان فورا وكتير من التوكيلات كمان بترفض انها تشتغل فى العربية خصوصا اذا كانت العربية مش بتعمل الصيانة الدورية مش علشان الشركة او التوكيل.

لا حضرتك في بلاد العالم السياره خارج الضمان ممكن تدخل الوكيل تعمل شغل بدون فحص وعلي مسءولية العميل.
او بيترفض دخولها اساسا.مفيش قانون يلزم صاحب العربيه يبا مكلبش بالوكيل . ساعة ما يطلب شغل يتعمل وبحاسب او يترفض.
وتاني العربيه دي خارج الضمان خارج الضمان
وصاحبها مش عاوز فحص. مش عاوز فحص
عاوز يغير مساعد بس. عاوز يغير مساعد بس
وصاحبها مش عاوز يردها فبريكه. مش عاوز يردها فبريكه
الوكيل غبي متخلف. الوكيل غبي متخلف
رغم انهم بيسافروا فرنسا يتعلموا من رينو لكن الغبي هيفضل غبي

تحياتي

اسمحولي اقول الكلام ده في المجمل مش مظبوط
طبعا فيه كمية استهبال في التسويف وال "قنطرة" ماقدرش انكره
لكن انا متفهم وجهة نظر التوكيل في التقرير المكتوب
كل قطعة بتشتغل بنص كفاءة لازم تتغير.. وافتكروا البطاريات اللي كانوا بيغيروها ف الضمان ببلاش والسوفت ابو بلاش وقطمة دريكسيون بعض الفلوانس حاليا.
كل قطعة غير اصلية هي غير صالحة وهو لازم يكتب ف التقرير لانه مش مسؤول عنها!!
ملعوب في العداد!! دي لوحدها تخليني كمهندس صيانة اني اخون صاحب العربية السابق والميكانيكي السابق وقطع الغيار السابقة

اقولك حاجة وعارف ان الناس هتزعل من كلامي
اشتغل ف العربية بنفس الطريقة السابقة وهيبقي معاك احلي حتة خردة ف وقت قريب قوي
.
ومش معني كده انك تدفع 108الف
اللي اقصده انك ظبط العربية بما يرضي الله او م ترجعش تشتكي
روح لكهربائي محترم وميكانيكي محترم وعفشجي محترم واشتغل علي نضافة
ربنا يوفقك

بكل بساطة اكتر حاجة توجعهم انك تقدم شكوي فيهم بالبريد الالكترونى لشركة رينو في فرنسا واشرح فيها كل اللى حكيته.

فرع سيء جدا. انا كنت بروح فرع العبور برقبته المقابلة ووقت الصيانة. فرع ابو رواش تحس انه ورشة نضيفة. عربيتي سكالا عملت حادثة بسيطة جابت عفشة يمين العربية في التامين وعندهم من شهر علشان مفيش قطع غيار ومش هايطلبوها وبتاخد وقت. طيب قد ايه مانعرفش اسال في قطع الغيار.
اسال يقولي الشحنة في الجمارك. طيب متوقع تخلص امتى اسبوع اتنين تلاتة لا ماعرف. مش عايز اقولك ميعاد وتتاخر. سبتهم شهر ونفس الرد حاجة في منتهى القرف.


نصيحة بلاش فرع ابو رواش نهائيا