اكسنت 2015 ولا رينو 2016 زيرو

**renautlogan** · 07-10-2015 08:00 PM

واحد صاحبي ياجماعة عايز يجيب عربية زيرو هو قدامه لوجان 2016 كاملة اوتوماتيك
واكسنت الفئة الثانية اوتوماتيك انا قولتله طبعا اكتر ناس يفيدونا اعضاء نايل موتورز
فا ايه رايكم انا قولتله رينو لوجان علشان معايا وشايفها احسن وفيها gbs و 2 ايرباج وسنسور
باركينج وجنوط سبور طبعا كل الكلام ده مش موجود في الاكسنت وكفاية توكيل رينو المحترم
احسن من غبور بس طبعا الافادة والقرار النهائي يرجعلكم ارجو الافادة وشكرا

**nagy wassef** · 09-10-2015 09:55 PM

اللوجان زيرو
اوبشنز اكتر
امان اكتر و دي اهم حاجة
توكيل افضل
انتشار بردوا حاليا بقي اكتر
شنطة اكبر
مش بتحك في المطبات

**best2010** · 13-10-2015 04:42 AM

الأكسنت .. موتور رائع و تفقيل رائع .. عفشة سيئةوناشفة
اللوجان .. موتور متوسط وتقفيل متوسط .. عفشة رائعة

**tameem2010** · 13-10-2015 04:34 PM

الاكسنت مريحه في صيانتها
اي عيل صغير يشتغل فيها
قطع غيارها في اي حته وكل الانواع صيني وتايواني وكوري ووكيل كله موجود وعلى اد فلوسك هتشتري
اعتماديه عاليه جدا
مشاكلها الميكانيكيه والكهربائيه ان وجدت سهلة مفيهاش تعقيدات
صالون اكثر فخامه
استهلاك وقود افضل قليلا من رينو
تكييف اقوى بكثير
موتور ناعم جدا وقوي جدا مقارنه بالرينو
ولكن موتور الرينو عمره اطول

الرينو اوبشن وحركات بس لو عطلت هتخليك تكره العربيات
قطع الغيار متوفرة في اماكن معينه
مش اي حد يشتغل فيها وعاوزة ميكانيكي رينو وعادة بيكون فاكر نفسه استاذ في كليه طب مش ميكانيكي

مشكلة الاوربي كله في اعطال الكهرباء بتاعتها بتجنن

الرينو ناعمه في العفشه اكتر من الاكسنت

عموما انا في العربيات شايف ان اليباني والكوري هو الانسب للسوق المصري
الاوربي له ناسه