مكنة لحام للبيت

**ayaamna** · 09-10-2015 06:15 PM

السلام عليكم ورحمة الله وبركاته
لو حد ليه فى مكن اللحام انا محتاج مكنة لحام تشتغل بسلك 3 ملى ها استخدمها فى البيت بس ما يكونش غاليه وياريت يكون ملفاتها نحاس
دورت على مستعمل يكون سعره معقول ما اتلاقيتش فكده ها اضطر اشترى جديد
وشكرا مقدما

**ahmed_eng2001** · 09-10-2015 08:49 PM

و عليكم السلام و رحمة الله و بركاته

ما المقصود ب ... ماكينة لحام للبيت ؟؟!! يعنى حضرتك تستخدمها فى لحام حاجات فى المنزل ؟؟!! كتير عليها ال 3 مم سلك لحام

على العموم .. فيه ماكينات مختلفة ... فيه بتبدأ من 600 جنيه ... ماكينة لحام بلدى .. و اشتريت من فترة ماكينة يمكن حملها باليد .. كانت ب 1200 جنيه تقريبا ... و دى بتفصل لما تسخن .. و بعدين ترجه تشتغل تانى ... و دى مش بتاعة شغل مستمر ... يعنى تستخدمها 5 دقائق مثلا ... و تفصلها علشان تبرد
و فيه ماكينات اغلى من كدة ... و عندك ماكينات تصل لأكثر من 20 الف جنيه ... ماكينات بنفس مواصفات الماكينات الصينى .. بس صناعة امريكية

و لو عاوز شغل محندق و خفافى ... عندك ماكينة لحام الميج ... و دى بتبدأ من 3600 جنيه ... و فيه كمان ماكينات التيج ... بس دى مش فاكر اسعارها

متابع مع حضرتك

**ayaamna** · 09-10-2015 09:40 PM

المشاركة الأصلية كتبت بواسطة ahmed_eng2001

و عليكم السلام و رحمة الله و بركاته

ما المقصود ب ... ماكينة لحام للبيت ؟؟!! يعنى حضرتك تستخدمها فى لحام حاجات فى المنزل ؟؟!! كتير عليها ال 3 مم سلك لحام

على العموم .. فيه ماكينات مختلفة ... فيه بتبدأ من 600 جنيه ... ماكينة لحام بلدى .. و اشتريت من فترة ماكينة يمكن حملها باليد .. كانت ب 1200 جنيه تقريبا ... و دى بتفصل لما تسخن .. و بعدين ترجه تشتغل تانى ... و دى مش بتاعة شغل مستمر ... يعنى تستخدمها 5 دقائق مثلا ... و تفصلها علشان تبرد
و فيه ماكينات اغلى من كدة ... و عندك ماكينات تصل لأكثر من 20 الف جنيه ... ماكينات بنفس مواصفات الماكينات الصينى .. بس صناعة امريكية

و لو عاوز شغل محندق و خفافى ... عندك ماكينة لحام الميج ... و دى بتبدأ من 3600 جنيه ... و فيه كمان ماكينات التيج ... بس دى مش فاكر اسعارها

متابع مع حضرتك

الف شكر يا استاذ احمد على اهتمام حضرتك اما بالنسبه لموضوع سلك انا ممكن استخدم 4 ملى كمان بس احتمال ضعيف وعشان كده اخترت 3 ملى عشان يبقى وسط
طيب هى المكنه البلدى دى عمليه عن الصينى وما بتسخنش زى الصينى فيه واحد قالى ان فيه مكن لحام Apt تعمل 1000 جنيه تقريبا قالى كويسه وتعيش وفيه حداد قالى فيه نوع ب 800 جنيه انا شوفته معاه قالى بشتغل بيه 2 ملى بس وقليل لما اشتغل بيه 3ملى وابعادها حوالى 45*30
اعتقد ان اهم حاجه غى مكنة اللحام ان تكون ملفتها نحاس انا محتاج حاجه ماتزيدش عن 1000
عشان لسه ها اجيب كمبروسر 100 لتر

**ayaamna** · 10-10-2015 10:39 AM

معقول ما فيش حد يعرف مكن الحام غير الاستاذ احمد

**ahmed_eng2001** · 10-10-2015 10:57 AM

لا شكر على واجب ... احنا كلنا بنحاول الاستفادة من بعض ...

قاعدة عامة فى اى حاجة صينية الصنع ... لا تثق فى مواصفات الماكينة المكتوبة عليها .. بمعنى ... لو حضرتك عاوز ماكينة 100 حصان مثلا ... متشتريش ماكينة صينى مكتوب عليها 100 حصان ... تشترى الى مكتوب عليها 150 حصان ... علشان تديك اداء ال 100 حصان

بصراحة ... انا مجربتش الماكينات البلدى ... بالرغم من ان الناس مشتكتش منها ... و اغلب اللحامين و الصنايعية شغالين بيها .... بس شكلها لوحده خلانى ابعد عنها خالص ... ملفات مكشوفة .. وصلات مكشوفة و مش محمية

حضرتك ممكن تروح شارع الجمهورية و تاخد لفة بسيطة هناك ... و حتلاقى حاجات كتير جدا ... بداية من البلدى .. و ماكينات على كارت ... و ماكينات ملفاتها مش نحاس ... و حاجات كبيرة .. و حاجات صغيرة .. و مختلف الانواع

اما عن الكومبريسور ... عليك و على الايطالى ... او الحجار ... و ياريت تبعد عن الصينى

**ahmed_eng2001** · 10-10-2015 10:58 AM

المشاركة الأصلية كتبت بواسطة ayaamna

معقول ما فيش حد يعرف مكن الحام غير الاستاذ احمد

فيه كتير يا فندم .... فيه مواضيع قديمة فى المنتدى اتكلمت عن بعض ماكينات اللحام .. ياريت حضرتك تراجعها و حتلاقى فيها معلومات كويسة

**ayaamna** · 10-10-2015 08:13 PM

ربنا يبارك فى حضرتك يا استاذ احمد انا فعلا ناوى انزل شارع الجمهوريه بعد شهر بس قولت يمكن حد من الاعضاء يكون جرب حاجه معينه تكون كويسه ويوفر عليا وقت البحث وان شاء الله هاخد نصايح حضرتك فى الاعتبار

**ahmed_eng2001** · 10-10-2015 09:21 PM

المشاركة الأصلية كتبت بواسطة ayaamna

ربنا يبارك فى حضرتك يا استاذ احمد انا فعلا ناوى انزل شارع الجمهوريه بعد شهر بس قولت يمكن حد من الاعضاء يكون جرب حاجه معينه تكون كويسه ويوفر عليا وقت البحث وان شاء الله هاخد نصايح حضرتك فى الاعتبار

انا عندى ما كينتان لحام كهرباء .... واحدة 450 امبير .... و دى كانت تقريبا ب 2200 جنيه .... و واحدة محمولة ب 1200 جنيه تقريبا .. و الاتنين صينى .. الكبيرة مش بتفصل ... الصغيرة بتفصل لما تسخن

و النصيحة .... متسترخصش فى الحاجات دى .... علشان الحاجات دى معمرة و لما بتكون مش مظبوطة بتكرهك فى الشغل كله

لازم حضرتك تنزل و كأنك متعرفش حاجة .... و تسأل البياعين كتير .... اغلبهم مش حيفيدك كتير ... علشان هما عاوزين يبيعوا ... فربنا يكرمك بواحد يفيدك شوية ... و تفضل تسأل و تطقس فترة كفاية علشان تلم اكبر قدر من المعلومات

متابع معاك

**م أحمد** · 10-10-2015 09:29 PM

شوف برضه السبتية و وكالة البلح ارخص من ش الجمهورية

الاسعار من 500 جنيه

المكنة عبارة عن محول خافض للجهد رافع للتيار و مع شدة التيار العالية بيحدث انصهار المعدن

اهم شىء فى المكنة يكون تيار عدم التحميل منخفض....يعنى انا اشتغلت بمكنة لحام جهد اللاحمل (no load current) حوالى 35 أمبير و لحظة اللحام كانت بتوصل 60 أمبير ...كان معايا قريبى و قسنا الكلام دا ....المكنة كانت صغيرة مش كبيرة و قديمة بس فيه اصغر منها .....طبعا مفيش قدرة مكتوبة لانها كانت مكنة بلدى

بالنسبة لسلك التحميل اللى هتشغل بيه المكنة شوف السلك اللى جاى معاه و اشتغل باللى زيىه او اكبر

**ahmed_eng2001** · 10-10-2015 09:46 PM

المشاركة الأصلية كتبت بواسطة م أحمد

شوف برضه السبتية و وكالة البلح ارخص من ش الجمهورية

الاسعار من 500 جنيه

المكنة عبارة عن محول خافض للجهد رافع للتيار و مع شدة التيار العالية بيحدث انصهار المعدن

اهم شىء فى المكنة يكون تيار عدم التحميل منخفض....يعنى انا اشتغلت بمكنة لحام جهد اللاحمل (no load current) حوالى 35 أمبير و لحظة اللحام كانت بتوصل 60 أمبير ...كان معايا قريبى و قسنا الكلام دا ....المكنة كانت صغيرة مش كبيرة و قديمة بس فيه اصغر منها .....طبعا مفيش قدرة مكتوبة لانها كانت مكنة بلدى

بالنسبة لسلك التحميل اللى هتشغل بيه المكنة شوف السلك اللى جاى معاه و اشتغل باللى زيىه او اكبر

ايه هو تيار عدم التحميل ؟ و ايه الفرق بينه و بين تيار الحمل ؟