الموضوع: لا تبخل بالمساعدة عمرة بيجو 305 :)

السلام عليكم
عربيتى فيها شوية مشاكل حلوين أخرها كان الموتور جايب زيت على البوجيهات
قررت أغير طقم الشنبر بنفسى
محتاج مساعدة اى حد عمل عمرة لعربيتة قبل كده يقولى اى معلومات لو كانت بسية من أول الفك
اى مساعدة الله يستركوا :)
العربية بيجو 305 مو 79
شكرا لحضراتكم

المشاركة الأصلية كتبت بواسطة uzerat

السلام عليكم
عربيتى فيها شوية مشاكل حلوين أخرها كان الموتور جايب زيت على البوجيهات
قررت أغير طقم الشنبر بنفسى
محتاج مساعدة اى حد عمل عمرة لعربيتة قبل كده يقولى اى معلومات لو كانت بسية من أول الفك
اى مساعدة الله يستركوا :)
العربية بيجو 305 مو 79
شكرا لحضراتكم

http://www.nilemotors.net/Nile/383692-a.html

الف شكر

فى ناس قالت ال305 ركبوها لمدة 10 سنوات لو السيارة بحالة جيدة من ناحية الجسم او بدن السيارة والصالون الداخلى بحالته والتابلوة يبقى مافى مشكلة الموتور والعفشة امرهم ساهل جدا لكن انا الى اعرفه ان موتور ال305 بيجو 1500 سى سى ماعرفش انه فيه 1000 سى سى انا كان معى 1500 s r زجاج كهرباء وفتحة سقف وعداد ار بى ام وطبعا لما الموتور فوت وده كان سنة 2000 تعبت جدا مع الميكانيكية و لقيت الموتور الاستيراد غالى بحوالى 3000 جنية وقتها ومش مضمون غالبا يحتاج شمبر قبل ما يركب وطبعا لان اسعار قطع غيارها كانت غالية جدا يعنى طقم البستم الاصلى كان بسعر 2200 جنية وطقم الدبرياش كان بحوالى 1700 جنية اسطوانة وديسك وبسؤال ميكانيكى ابن حلال دلنى على الحل و تغلبت على هذه المشكلة بشراء طقم بستم يابانى افتكر داتسون 140 وكان سعرة وقتها 180 جنية وقمنا بخرط الشميز بتاع البستم الاصلى الموجود فى العربية على مقاس البستم وانزال بستم الداتسون بعد تعديل بسيط فيه من عند البيل بالتحديد من عند البنز وجميع الخراطين عارفين الموضوع ده ومأمون جدا وانتهت العمرة مع شراء باقى المستلزمات من طقم جوانات وصبابات واويل سيلات وكاتينة وشداد ولقيت الديسك سليم وعليه تم ملء الاسطوانه وانا مش حقولك العمرة دى كلفتنى حوالى 800 جنية وقتها كانت العمرة بقطع الغيارالاصلية تعدى ال 3500 جنية والعربية كان سعرها رخيص وكذلك سعر اعادة بيعها يعنى مايلزمش المصروف الكتير عليها لكن وللحق العربية بقت فى منتهى الجمال لا للسخونية سرعة توفير فى البنزين وانا كنت بحمل فيها اكتر من 300كجم متقلات بضاعة ولا عمرها اشتكت نهائى لحد ما بعتها بعد 9 سنوات وكنت باعمل بيها حوالى 100كم فى اليوم عفشتها ماتقولش لحد خدمة شاقة لكن عاوزة الى بيفهم مش يقولك روح اشترى جديد على الفاضى وحاجتها الجديدة غالية جدا وكذلك الاستعمال انت عاوز حداد يعرف يصلح يعنى المساعدين الامامى لو الموجود عندك اصلى وتعبانين طقم اويل سيل وعلبة زيت وانسى المساعدين سنين الكبالن اوعى تشترى استيراد دول مستصلحين وتباع على انها استيراد صلح انت الكوبلن عندك نجمة من الداخل صلحة عند حداد محترف وانسى الكوبلن سنين المساعد الخلفى غالى لانه مقفول مش زى الامامى الامامى الفابريكة صنعاة بيتصلح زى ماقولت لك الخلفى الحداد بيعمل ليهم سن يبقى بيتفتح زى الامامى وطقم اويل سيل وزيت وانسى لكن يكون من النوع التخين مش الرفيع لكن مشكلة العربية فى السلامية لو سليمة تلاقى بعد طريقة الاصلاح الى شرحتها لك ناعمة جدا انا كنت بجرى بيها 140 بعد العمرة دى و الثبات على الارض ممتاز بالنسبة لعمرها وكنت ناسى الاعطال تماما وانا بشرح لك بالضبط ناسى الاعطال والعربية مش علشان متصلحة بالطريقة دى يعنى اى كلام واهى ماشية لا العربية كانت ممتازة وناعمة وصوتها ناعم وسحبها ناعم وسريع وبتدور الصبح من ضربة مارش لكن انا بعتها لانى عملت عمرة سمكرة ودوكو وقرفت من السمكرية والبوهيجية لانهم اسوأ صنايعية فى الموضوع كله واشتريت بعدها كيا مو 99 كاملة وبقولك البيجو كانت ناعمة لكن امكانيتها متمشية مع سنة صنعها وارجو لك التوفيق وشكرا

تقريبا دى نفس المشاكل الى عندى
بس كنت ماشى بيها و خلاص لأنى لسه جايبها و كل ما اعمل فيها حاجة ترجع تانى
و بسبب قرف الصنيعية قولت اعملوا انا
هو ممكن أغير الشنابر من غير ما افك الماتور من العربية ولا هيبقى صعب ؟
فى ناس قال ممكن افك من فوق وافك الكارتيرة و احل السبايك و اغير الشنابر و اركب تانى من غير ما افك البلوك الكلام ده ممكن

المشاركة الأصلية كتبت بواسطة uzerat

تقريبا دى نفس المشاكل الى عندى
بس كنت ماشى بيها و خلاص لأنى لسه جايبها و كل ما اعمل فيها حاجة ترجع تانى
و بسبب قرف الصنيعية قولت اعملوا انا
هو ممكن أغير الشنابر من غير ما افك الماتور من العربية ولا هيبقى صعب ؟
فى ناس قال ممكن افك من فوق وافك الكارتيرة و احل السبايك و اغير الشنابر و اركب تانى من غير ما افك البلوك الكلام ده ممكن

ولازم تغيير كاوتش صباب
لازم موتور خارج السيارة !!!!!!!!
تغير طبب ماء وش السلندر وكمان الفتيس هو الكارتير مش هتعرف تطول البيلات !! شوف رسايلك على الخاص متفوكش غير لما تعرف بتعمل ايه !! زرجينة الدبرياج 305 عندك ؟؟؟؟!
مجدى رمزى للشنابر بالتوفيقية المحل المقابل لهشام لهيطة فى شارع زكى التوفيقية القاهرة !!شنابر وسبايك وهلالات فقط!

مجدى رمزى متخصص شنابر فقط فى التوفيقية
لازم خبرة سابقة !!!!!!!!!

لازم تقريط وش السلندر يكون بفن !! علشان متكسرش بلوك الموتور والعربية تجيب ماية على زيت !!

المشاركة الأصلية كتبت بواسطة colin chapman

ا المساعد الخلفى غالى لانه مقفول مش زى الامامى الامامى الفابريكة صنعاة بيتصلح زى ماقولت لك الخلفى الحداد بيعمل ليهم سن يبقى بيتفتح زى الامامى وطقم اويل سيل وزيت وانسى لكن يكون من النوع التخين مش الرفيع

الكلام ده جديد عليا .... ده معناه ان المساعد ممكن يتفك و يتغيرله الاويل سيل ؟ و يتملى زيت تانى ؟؟


انا حاولت افك مساعد اللانسر ... بس معرفتش ... و اضطريت انى اقطعه بالمنشار
موضوع جامد جدا و مش حسيبه يعدى كدة من غير ما اسأل و اطقس

المشاركة الأصلية كتبت بواسطة ahmed_eng2001

الكلام ده جديد عليا .... ده معناه ان المساعد ممكن يتفك و يتغيرله الاويل سيل ؟ و يتملى زيت تانى ؟؟


انا حاولت افك مساعد اللانسر ... بس معرفتش ... و اضطريت انى اقطعه بالمنشار
موضوع جامد جدا و مش حسيبه يعدى كدة من غير ما اسأل و اطقس

https://www.youtube.com/watch?v=XDrUjRa6VLI

https://www.youtube.com/watch?v=ivuhjMDINdE

https://www.youtube.com/watch?v=r0j35EOU6dw