المايه في القربه اختفت و رجعت تاني!!

**Sameh_nabel** · 15-10-2015 05:05 PM

انا مش فاعم ليه مفتخش القربه و هي سخنه
هل علشان ميحصلش حروق مثلا مانا بفتحها بالراحه خالص تنفس كده واحده واحده و بعدين لما الضغط يقل خالص افتحها

دي كانت طريقه واحد ذكرها هنا في المنتدي و قال ان دي اعملها لما احب اخد هوا من الدوره

**nassif** · 17-02-2016 07:08 PM

لا تفتح القربة و العربية سخنة ابداً ......
انا العربية سخنت منى مرة و فتحت القربة ببطىء ... و مرة واحدة الغطاء طار لفوق و مية مولعة و بخار مولع اندفع من القربة ...... بعدت بسرعة بس طبعاً اصبت بحروق فى الوجه و جريت على صيدلية و جبت مرهم حروق و الحمد لله تم الشفاء ( استغرق حوالى شهر ..... بعد رعب من تشوه الجلد - و الحمد لله جت سليمة )
لذلك وجب التحذير

**fathiazab** · 17-02-2016 11:35 PM

ربنا سترها عليك لما فتحت القربة وهي سخنة انت انسان طيب احمد ربنا..ونقصان المية والمتور سخن امر طبيعي بسبب دورة المياة داخل المتور امر طبيعى

**مداح القمر** · 19-02-2016 06:03 PM

ياباشا كلامك غلط مع كامل احترامي لحضرتك ..
استحالة القربة تبقى فاضية و بعدين تيجي تفتح الغطاء تلاقيها فيها مياه ..
اكيد حضرتك مااخدتش بالك كويس ان القربة ماليانة .. ولو حضرتك بتحط مياه من الحنفية مش حيبان معاك من بره القربة اذا كانت مليانة ولا لأ ..
وبلاش خالص تزود مياه والعربية جايبة من مشوار طويل زي مانت عملت .. استنى لما تهدى شوية