الحالة أكيد و دا ما يمنعش ان العربيات الموديلات القديمة ليها حدود فى السعر لا تتعداها
عرض للطباعة
اشترى اى عربية بلاش ال128 عربية ضعيفة وكل شويه شروخ فى الشاسيه وفى اساسيات العربية انصحك تشوف عربية ماروتى او ممكن 125 او 124 او لادا قديم افضل من ال128 وبراحتك اهم حاجه ماتستعجلش فى شراء عربية ولو تلاقى عربية بتاعه صديق او معرفه تكون عارفها ولو اغلى من السوق اشتريها لان فيه عربيات كتير دلوقتى مضروبه ومبروك على العربية الجديدة!!
متابع معاك
لو بتفكر فى 128 أفضل موديل هو الجراند لوكس 1991 كانت معايا من الزيرو وجبت عليها عربيات وهى معايا ولسة بايعها من سنه موتورها 1300 وصاجها جيد أفضل كثير من النوفا الموديل اللى بعدها وقطع غيارها متوفرة واى حد بيشتغل فيها وكنت بسافر بيها اى مكان سعرها بيبدأ من 15000 الى 22000 حسب الحالة والكماليات
لحد دلوقتى مجبتش حاجه و مش لاقى ميكانيكى امين انزل بيه سوق السيارات و بصرف فى الفلوس و مش هلاقى اجيب عجله فى الاخر و هفضل متمرمت فى المواصلات , قليل الحظ يعضه الكلب فى المولد
ماتنزلشى سوق السيارات اشترى من النت علشان السوق مليان نصابين بص على الرينو 9 مو 1985 الى 1989 عربيه ممتازه الفيات 132 قديمه بس معمره وممتازه ال2000 وال1600 وعندك كمان فورد فيستا تسعينات 1100 سى سى قطع غيارها رخيصه وممتازه ال128 حلوه بس مشكلتها ان المطبات بتأثر فيها جامد