السيد الفاضل ابو ياسمين

**mido.83** · 23-10-2015 07:45 PM

ان شاء الله الموضوع هياخد تقريبا ثلاثة ايام واعمل حسابك انك هاتسيب العربية عندك حل من اتنين ياما هاتسيب العربية وترجع لعملك ياما تقعد فى القاهرة اليومين دول هما لما يخلصو العربية هيكلموك على طول بالنسبة لرقم التليفون هاجبهولك النهاردة ان شاء الله

**ابو ياسمين** · 23-10-2015 08:04 PM

عزيزى mido.83

أرجو ان تشرح لنا ماهى أسباب المشكلة بالتحديد وكيف تم اصلاحها لتعم الفائدة

ولك جزيل الشكر

**mido.83** · 24-10-2015 01:46 AM

السيد الفاضل ابو ياسمين كل التحية لحضرتك ولمساعدتك لكل الاخوة الكرام . بداية سوف اقول لك ماحدث معى بالفعل . انا كنت ماشى بالعربية عادى جدا وجيت عند مطب وانا بهدى علشان اخد المطب وانا بعديه سمعت صوت ضربة شديدة جدا لدرجة انى افتكرت انى اكلت المطب مع انى كنت واخد المطب بالراحة جدا كان واحد صاحبى قاعد جنبى قولتلك ايه ده قالى انت كلت المطب قولنله ازاى يعنى المهم وقفت بطلت العربية وروحت اشترى ورجعت بدور العربية لقيت لمبة اسمها svs اللى لونها برتقالى شغالة تطفى وتنور مشيت بالعربية مشيت معايا عادى لكن كانت هنا المشكلة ان الغيار بتاع العربية مش بيدى الغيار الفردى زى الاخ ابو يارة كدة ولمبة svs مابتفصلش . روحت اتصلت بالتوكيل وقالولى تعال فورا روحت واستنيت دورى طلعلى واحد فوق فى الاسترتحة اللى بنقعد فيها قالولى سبلنا العربية وامشى انت ولما تخلص هانكلمك قولتله الموضوع هايطول راح قالى ان شاء الله خلال ايام وهانكلمك وفعلا قعدت 3 او اربع ايام وبعد كدة قالولى تعال استلم عربيتك خلصت . بينى وبينك ياابوياسمين كنت منتظر ان هما يقولولى مبلغ وقدره روحت قالولى روح الحسابات استلم عربيتك قلبى سعتها انقبض وكنت بقى مستعد للخناقة هههههههههه روحت لقيته بيدينى وصل انى استلم بيه العربية لاقول للراجل ياعم كام قالى مفيش حاجة يعنى ايه روح استلم عربيتك واتوكل على الله بصراحة مكنتش مصدق وقولتله ايه اللى حصل قالى تم تغير الفتيس بالكامل واخدت العربية ومشيت

**ابو ياسمين** · 24-10-2015 02:05 PM

الأخ الكريم أ / mido.83

أشكرك على انك نقلت لنا تجربتك والحمد لله انها انتهت على خير

وان التوكيل قام من نفسه بتغير الفتيس دون تكلفه او مشاكل

واتمنى ان يواصل التوكيل هذا السلوك الطيب مع جميع عملائه

ولا يجبر احد على الشكوى للشركة الأم

ولزميلنا الفاضل ا/ ابو اياد

من واقع هذه التجربة فمن الواضح انه يجب عدم التهاون فى ذهاب السيارة للتوكيل فورا لو تكرر هذا العيب

ومن الأفضل الذهاب من الأن للفحص والأطمئنان

والله الموفق ولكما تحياتى

**ابو اياد ونيرة** · 24-10-2015 04:22 PM

انشاء الله هكون فى القاهره يوم الاتنين وهروح التوكيل التلات او الاربع على حسب الحجز فى انتظار أ/ ميدو يجيب رقم حد فى التوكيل عشان احجز ولكم جزيل الشكر لاهتمامكم

**hamo81** · 24-10-2015 09:42 PM

المشاركة الأصلية كتبت بواسطة ابو اياد ونيرة

إن شاء الله هكون فى القاهره يوم الاتنين وهروح التوكيل التلات او الاربع على حسب الحجز فى انتظار أ/ ميدو يجيب رقم حد فى التوكيل عشان احجز ولكم جزيل الشكر لاهتمامكم

أخي الكريم
لا يوجد حجز مسبق في التوكيل
الحجز بأسبقية الحضور يعني إلي هيجي الأول هيدخل في الطابور الأول
وربنا يوفقك وتطمن على السيارة