طول كابل البوجيهات !!!

**mohamedbamby** · 13-10-2015 08:05 PM

في مشكله في البوجيهات بسبب الكابل مش عارف الكابل شكله غريب ومكنش عاجبني رحت اشتريت طاقم لقيت الكابل مش مقاس واحد مختلفين- يعني 4 كابلات اطوالهم مختلفه علي حسب طوله الي البوجيه من الاسبراتير

في حين اللادا الكابلات كلها متساويه - العربية بتاعتي فيات ريجاتا

السؤال هنا هل يجب ان تكون الكابلات متساويه ام لا ؟

وسؤال كمان ياريت يكون مدعم بالعلم ازاي الكابلات بتاعت البوجيهات تكون غير متساوية المفروض بتساويها توصل كهرباء منتظمه مع كبس الموتور فهل اختلاف طول الكابلات هيفرق في انتظام حركة الموتور

**Ahmed Tarek 00** · 14-10-2015 03:21 PM

كابلات البوجيهات موش بتكون متساوية
ممكن تلاقى اتنين قد بعض والتالت طويل اووي والرابع اقصر سيكا
المهم ان كلهم وظيفتهم واحدة ومفيش فيهم اى فرق في التوصيل ابدا ابدا

**م أحمد** · 14-10-2015 09:03 PM

:)))))

كابلات البوجيهات أطوالها مختلفة للتمييز

يعنى القصير ...بتاع بوجيه رقم 1 من سن الاسبراتير رقم 1 ....و دى اقرب مسافة بين البوبينة و البوجيه و هكذا.....

هتلاقى الطويل خالص بتاع بوجيه رقم 4

أما بالنسبة لتأثير أطوال الكابلات على الكهرباء الواصلة للبوجيهات فهو تأثير صغير جدا جدا و مش محل اعتبار

**mohamedbamby** · 14-10-2015 11:25 PM

المفروض تكون الكابلات كلها في طول واحد علي اساس ان حركه البساتم متساوية وحركة شاكوش الاسبراتير متساوي لان علي السرعه العالية بيكون فيه فاكيم وسوسته داخليه بالاسبراتير تزيد من سرعه الشرارة مع وضع البستم

الخلاصة اعتقد ان المفروض تكون الكابلات متساوية لضمان وصول الشرارة في ميعاد مضبوط لدقه الحرق

لان في كابلات موجوده بالسوق متساوية الطول

انتظر برده راي المزيد من الاعضاء لان الموضوع ده رغم بساطته لكن فرق كتير - لاني غيرت الكابلات الجديدة ووضعت كابلين من الكابلات القديمة - بحيث تكون كل الكابلات متساويه واصبحت السيارة ناعمه جدا ومضبوطة جدا وصوتها هادي قليلا

**Mecha** · 15-10-2015 06:11 PM

المشاركة الأصلية كتبت بواسطة mohamedbamby

المفروض تكون الكابلات كلها في طول واحد علي اساس ان حركه البساتم متساوية وحركة شاكوش الاسبراتير متساوي لان علي السرعه العالية بيكون فيه فاكيم وسوسته داخليه بالاسبراتير تزيد من سرعه الشرارة مع وضع البستم

الخلاصة اعتقد ان المفروض تكون الكابلات متساوية لضمان وصول الشرارة في ميعاد مضبوط لدقه الحرق

لان في كابلات موجوده بالسوق متساوية الطول

انتظر برده راي المزيد من الاعضاء لان الموضوع ده رغم بساطته لكن فرق كتير - لاني غيرت الكابلات الجديدة ووضعت كابلين من الكابلات القديمة - بحيث تكون كل الكابلات متساويه واصبحت السيارة ناعمه جدا ومضبوطة جدا وصوتها هادي قليلا

دا بلاسيبو يا باشا ,الموبينه القديمه بتدي ٣٠ الف فولط والاكتروني يجيب ٤٠.والكابلات دي مقاومتها عاليه بالقصد وبردك اطولهم لازم تختلف ,مينفعش يتعمل كابل نمره ١ زي ٤ هيلطش ويولع العربيه. والشراره كافيه جدا. حتي ركب البوجيه براني ع الكبل وشوف ١ و ٤.

**م أحمد** · 15-10-2015 02:26 PM

يعنى أنت عاوز الاتنين مع بعض ؟
تسأل و تقتنع ؟!!!

**mohamedbamby** · 15-10-2015 04:49 PM

المشاركة الأصلية كتبت بواسطة م أحمد

يعنى أنت عاوز الاتنين مع بعض ؟
تسأل و تقتنع ؟!!!

اسال فقط واترك الرد للمختصين سيادتك ايه رايك في طول الكابلات متساوية ام مختلفة !!

الموضوع: طول كابل البوجيهات !!!

LinkBack

أدوات الموضوع

عرض

العرض المتطور

طول كابل البوجيهات !!! - انشر الموضوع فى :

مش عارف ليه مش مقتنع -

-

-

المواضيع المتشابهه

كابل اي بود

تنظيف البوجيهات بالبزنين يبوظها ؟ سلوك البوجيهات لو بتكهرب يبقى كده بتهرب كهربة ؟

تنظيف البوجيهات بالبزنين يبوظها ؟ سلوك البوجيهات لو بتكهرب يبقى كده بتهرب كهربة ؟

كابل tv out للـ htc

الكلمات الدلالية لهذا الموضوع

المفضلات

المفضلات

ضوابط المشاركة