الموضوع: تجربتى مع تغير زيوت الفتيس الايزيترونك

السلام عليكم ورحمة الله وبركاته
اولا : الفتيس عباره عن وحدتين الوحده الاولى عباره عن مجموعه تروس مانوال والوحده التانيه فيها ماستر دبرياج ومانور وبستم وكنترول والمجموعه دى مسؤله عن تحريك النقله من 1 الى 2 او 3 وكده

الزيت الى على مجموعه التروس : زيت مانوال 75w80 وهو مش موجود كتير فى السوق فممكن يستعمل زيت 80w90 وهو قريب منه فى الخواص والمفروض بتاخد 1.6 لتر بس فى ناس بتقول من 2 الى 2 وربع وده بيتغير لما تفك كراتيره الفتيس وتنزل الزيت وترجع تحط الزيت الجديد بع ما تقفل الكرتيره تانى (تقريبا 8 مسامير )

الزيت الى على الدبرياج : ده زيت فرامل dot4 وياريت يكون نوع كويس عشان يعيش وده بتغير عن طريق مكنه شفط وضغط ولازم يتشال منه الهواء عن طريق المكنه وبعد كده عن طريق كمبيوتر tech2 وده بتاع gm

المشكله الى كانت عندى انها بترزع جامد فى النقل وهى واقفه وكأنك بتنقل من غير مادوس دبرياج وبعد كده بطلت تنقل خالص والمشكه سببها ماستر الدبرياج او البيستم الى بيضغط الزيت عشان حركه زيت الدبرياج
بس دلوقتى تمام والحمد لله

ودى تجربتى البسيطه ولو فى حد عنده معلومات تانيه ياريت يقولها عشان الناس كلها تستفيد وشكرا

لو فى حد عنده تجربه شخصيه مع الاسطوانه والديسك يقولنا واهو كله يستفيد ان شاء الله
الصوره الى فى المرفقات بتاعه الجزء الى اتغير