عداد ال rpm لا يعمل

**Mahmoud Nasr** · 18-10-2015 04:53 PM

عداد ال RMP مش شغال,

وصلت جهاز OP-COM لاقيته بيقرا ال Idle speed و كل قرايات ال RPM كويس.
كده العيب مش فى الحساسات.
قلت أكيد العداد:
فكيت التابلوه و بدلت موتور عداد مؤشر البزين مكان ال RPM طلع شغال وبرضوا ال RPM مش شغال.
كده العيب مش فى العداد.
مش عارف أدور فين بعد كده الصراحة,
روحت لواحد عنده Tech2 حاول يبرمج ال Idle Speed بس العربيه رفضت التعديل.
أرجوا الإفاده.
ألعربيه أسترا H 2008
و شكرا.

**Mahmoud Nasr** · 20-10-2015 01:12 PM

طيب عشان أسهل الموضوع شويه, هى المشكله ممكن تكون من الضفيرة؟
أروح لمين كهربائى ولا ميكانيكى؟
مين أحسن واحد يفهم فى الموضوع ده؟
و شكراً.

**ashourashour** · 20-10-2015 04:38 PM

لو الموضوع حصل فجأه فالغالب جدا ده عداد

لو تعرف تجرب عداد تاني

ولو روحت لحد اول حاجه هيعملها هيجرب عداد تاني

لو رسيت على عداد هتحتاج السيكيورتي كود

**Mahmoud Nasr** · 21-10-2015 12:30 PM

المشاركة الأصلية كتبت بواسطة ashourashour

لو الموضوع حصل فجأه فالغالب جدا ده عداد

لو تعرف تجرب عداد تاني

ولو روحت لحد اول حاجه هيعملها هيجرب عداد تاني

لو رسيت على عداد هتحتاج السيكيورتي كود

أولا شكرا جزيلا على الرد.

هى المشكله مش جديده بس أنا شارى العربيه كده و كنت متوقع إنه عداد و قلت أبقى أصلحه بعدين.
انت تقصد هنا بالعداد كبورده مش موتور؟
أصل أنا غيرت الموتور بتاع العداد و مفيش نتيجه و أخدت الموتور القديم وحطيتة مكان مؤشر البزين لاقيته شغال كويس.
البورده بتاعة العدادات شكلها كويس مش باين أى شورت أو دراى, بس طبعا فى إحتمال تكون فيها مشكلة.

المؤشر بيتحرك حركة بسيطة جدا مع التشغيل ويوقف على كده.

هل فيه إحتمال تانى قبل ما أغير تابلوه العدادات كله؟

بالنسبة لموضوع السكيورتى هاحاول أفك ال EEPROM بتاعة التابلوه و أعملها Dump و أشوف يمكن يطلع معايا.